粤语里面系咪有"疈"呢个字啊?
我听人讲话有,但系我系网站个字库里面好似搵唔到.Re:粤语里面系咪有"疈"呢个字啊?
呢個「疈」字不過係「副」嘅籒文。《異體字字典》http://140.111.1.40/yitia/fra/fra00365.htm《說文》﹕「坼﹐裂也。《詩》曰：『不𡍩不疈。』」《詩經‧大雅‧生民》嗰句﹐今日寫為「不坼不副」﹐即係出生順利﹐冇破裂﹐又唔使剖腹。
Re:粤语里面系咪有"疈"呢个字啊?
但系刚刚我查《廣東俗語考‧釋情狀》,嗰度讲:"疈"
破殼曰疈
音覓上入聲。以手分析其殼曰疈殼。『廣韻』芳逼切。凡劈物使分析曰疈 『王維詩』簞食伊何。疈瓜抓棗。
噉啫点?
Re:粤语里面系咪有"疈"呢个字啊?
《國語辭典》﹕「副﹐剖開、裂開。詩經‧大雅‧生民：『不坼不副，無菑無害。』禮記‧曲禮上：『為天子削瓜者副之，巾以絺。』」既然今日「疈」寫為「副」﹐我覺得應該用「副」﹐唔好故弄玄虛。「副」字平時讀f聲母﹐表示裂開嗰時讀古音p聲母。一個字有幾個音﹐係好平常嘅事啫。
Re:粤语里面系咪有"疈"呢个字啊?
dada在2006-6-19 14:20:08說道：《國語辭典》﹕「副﹐剖開、裂開。詩經‧大雅‧生民：『不坼不副，無菑無害。』禮記‧曲禮上：『為天子削瓜者副之，巾以絺。』」既然今日「疈」寫為「副」﹐我覺得應該用「副」﹐唔好故弄玄虛。「副」字平時讀f聲母﹐表示裂開嗰時讀古音p聲母。一個字有幾個音﹐係好平常嘅事啫。
將問題攞出嚟討論又點會係“故弄玄虛”呢。
Re:粤语里面系咪有"疈"呢个字啊?
我當然唔係反對討論。如果唔係hugo_030提出嚟討論﹐我都唔識個「疈」字﹐甚至唔知道「副」有裂開嘅意思。但如果喺文章用「疈」呢個咁生僻嘅字﹐當本字用﹐睇嘅人就會認為係故弄玄虛喇。
Re:粤语里面系咪有"疈"呢个字啊?
dada在2006-6-23 5:08:11說道：我當然唔係反對討論。如果唔係hugo_030提出嚟討論﹐我都唔識個「疈」字﹐甚至唔知道「副」有裂開嘅意思。但如果喺文章用「疈」呢個咁生僻嘅字﹐當本字用﹐睇嘅人就會認為係故弄玄虛喇。
你上邊用到嘅“嘅”字，如果問北方人，相信百份之一百會話係生僻字，話你故弄玄虛，你信唔信啊？點解？因為北方人根本就唔需要用呢個字。
亦即係話，如果有啲字係我哋需要用到嘅，經常講到嘅，就唔係生僻字，除非你有更好嘅辦法。
再講，你話個“副”字有裂開嘅意思，呢個意思本身就係“副”字嘅生僻意思啦。
有啲字本嚟并唔生僻，只不過我哋用得少（講得可能好多），就變得生僻字嘞。
我哋之所以要喺呢度咬文嚼字，就係要將已經“生僻”咗嘅字“咬”返出嚟吖嘛。如果吓吓都話係“生僻”字就抌埋一邊，噉我哋只需要揾啲同音字或者加個“口”字做邊旁就得啦。
不過話時話，呢個“疈”字真係唔知乜嘢意思，用喺邊度，麻煩講得清楚一啲。
Re:粤语里面系咪有"疈"呢个字啊?
一個字係正字抑或異體字﹐我根據嘅標準係《異體字字典》。呢部字典話「疈」係「副」嘅異體字。我話「咁生僻嘅字」﹐應該係「咁生僻嘅異體字」。北方人會問﹐明明係個「副」字﹐點解寫成「疈」就變咗另一個字﹐當係粵字呢﹖
「嚟」字唔同﹐因為佢唔係「來」嘅異體字。或者唔應該借用一個新字﹐但大家已經公認﹐連unicode都收入咗。
「嘅」（助詞）字唔同﹐因為好似冇第二個字代替。大家亦都已經公認﹐連unicode、《金山詞霸》都收入咗。
另一個帖有個「耳制」字﹐我都覺得可能係「制」嘅正字。麻煩在十部電腦﹐可能有九部顯示唔出。呢度我哋可以寫「耳制」﹐但遇到比較複雜嘅結構就麻煩得多。
我都唔知「破殼曰疈」嘅意思。我會話「剝」。
Re:粤语里面系咪有"疈"呢个字啊?
其实我本来以为"剝"花生嘅正写系"疈"花生.Re:粤语里面系咪有"疈"呢个字啊?
“疈”與“剝”字不同音，現在的人有的說“剝花生”，但也有的說“疈（覓上入聲）花生”，
其實都不錯，各人語言習慣不同而已。
頁:
[1]