[轉帖]粵語有如此影響力的必然性
粵語有噉嘅影響力，從近幾十年嚟睇，真係多得香港唔少。而從歷史整體嘅角度嚟睇，粵語能夠有此影響力係必然嘅。首先，自清朝廣州開埠以後，廣州話就已經成為珠江三角洲乃至全省嘅通用語言，嗰陣時稱為“省城話”。由於香港所處嘅有利地理位置，所以，就理所當然噉畀英國割據為殖民地。又由於香港係一個移民城市，而移民大部分來自廣東，位置又靠近廣州，因此，“省城話”就自然成為移民之間嘅通用語言。（呢點同深圳開放初期以及目前珠海嘅狀況係一樣嘅，深圳目前雖然以普通話為主要語言，但係喺香港、廣州及珠三角其他城市嘅作用之下，深圳將再次變成粵語城市，呢個喺深圳移民第二代人身上已經開始體現）。喺大陸解放初期，由於大陸需要留下看世界嘅窗口，因此，香港澳門就理所當然噉成為呢個窗口啦）。而港澳自治特區嘅存在使得粵語得到極大繁榮。另外，由於珠江三角洲所處嘅特殊位置，再加上歷史文化嘅積蓄，其能夠成為改革開放前沿陣地又係理所當然嘅。綜上所述，粵語（廣州話）喺清朝已經成為較強勢語言，擴散到香港之後，喺香港嘅自由發展環境下，粵語得到全面嘅發展。之後，粵語又從香港反過來影響廣東，而近年珠三角地區嘅經濟文化發展，又使得粵語嘅影響力大大增強。粵語能夠有今日嘅地位同影響力，歸根到底係由於廣東嘅特殊地理位置——第一，遠離大陸政治中心，社會環境較為輕鬆自由，並且喺歷史上帶來咗好多全國各地嘅優秀移民文化；第二，珠三角地處亞太地區中心，而且處於國際海航主幹線上，呢個既係英國侵佔香港嘅主要原因，亦係近年廣東發展迅猛嘅一個重要條件。
雖然目前我哋對白話，粵語，廣州話，廣東話等名稱爭論矛盾較多，但係有一個立場我哋係永遠企埋一齊嘅——發揚粵語。就讓我哋順其自然噉係矛盾中前進啦。
另外，我哋發揚母語並唔一定就係抵制普通話，普通話畢竟係我哋同外省非粵人嘅交流工具，我哋至少應該識講。
當然，發揚我哋嘅母語——粵語先至係最重要嘅。
堅持本土+對外交流，我哋就能夠永遠立於不敗之地
頁:
[1]