点解我入唔到粤协，但又有啲人得嘅？
自从7.25开始，访问粤协就变到好唔稳定，大概从八月份开始，一旦click入粤协，浏览器立即跳出「被重置」，同访问维基嘅敏感词条嘅症状一模一样，典型嘅GFW所为。但令我奇怪嘅就系，我喺廣州嘅其它论坛道向其它网友介绍粤协，等佢哋click入粤协顺便试验下粤协系唔系真系被封。结果，所有跟帖嘅网友均能成功进入粤协，有唔少重注册埋（证明网速唔差）
呢个时候我已经好疑惑
寻日，一位粤协嘅会员喺QQ道话我听，佢同我同系廣州电信用户，佢依然能够正常进入粤协，无须翻墙，重截图畀我睇。但我喺同时间进入粤协，依然弹出「页面被重置」
令我近乎要癫嘅就系，我今日通过手机入粤协，万试万灵！！
我癫喇要，唔系咁大整蛊啊嘛？同喺内地廣州，手机上到，人哋电脑上到，就唯独我屋企部电脑上唔到！！就好似成个粤协都冇被封，就净系我台机畀人封。
么嘢回事啊？就系封禁我啊？
我宜家惊啊，我真系怕我真系畀人列咗入「黑名单」，就系针对我呢啲「黑用户」，唔畀我哋上粤协啊。
所以我想问问，会唔会真系有呢类技术，做到：专门针对特定电脑（IP）进行封禁，以阻止特定人无法进入特定网页，而其它电脑则不受影响？ PS:我宜家就系用手机上嚟发帖嘅，中规中矩冇翻墙，入得好顺利。但系电脑就重系「页面被重置」，烦死我喇！！！ 樓主大可放心，此情況並非針對個人，係GZ某ISP根據指示喺大範圍內做URL過濾，阻斷正常訪問。 本帖最後由 xiss 於 2010-8-10 19:16 編輯
今日又好似OK嘞。。。
我宜家就用屋企電腦又上到嘞。。。
---------------------------------------------------------------------
唔得喇唔得喇，宜家係PM 5:10，又入唔到喇。睇嚟正如一啲人所講，一到傍晚開始就唔到喇
我宜家又要靠翻牆先至上到粵協喇:'(
--------------------------------------------------------------------
宜家19:16，我又能夠正常訪問了
到底點搞咖:Q 我同你一样喔 .....
要用代理先得 表示开始恢复正常 今日開始正常訪問得返 係咯，好似有正常入返咯。
如果確實正常返，噉睇嚟喺粵語呢個問題上，ZF亦都係有立場嘅
頁:
[1]