新快报嘅粤语新闻：“珍珠”杀到
原来新快报有粤语新闻好耐粤语成文……唔知佢哋可以坚持几耐
本来想放上网站入便，不过睇过下，语句生硬、错字唔少
亦唔值得去同佢改，因为写嘅都系啲时事内容，非属佳作
所以帖住近期嘅一篇畀大家睇下先啦
粤语新闻：“珍珠”杀到 番禺农民入村过夜
--------------------------------------------------------------------------------
金羊网 2006-05-18 08:57:42
新快报讯（记者 任磊斌 王小明）禽日记者去番禺、南沙嗰边查访嗰粒（那颗）好得人惊(吓人）嘅“珍珠”（台风）对广州南部地区嘅影响。喺田间，记者同种蔗嘅农民伯伯倾计，除咗倾下点样防风抗灾，仲闲话家常，记者觉得农民伯伯真系社会上最知足常乐嘅人啊。
记者禽日中午十一点半左近嚟到番禺区大岗镇放马村田间。农民梁生两公婆同冯生两公婆围坐喺窝棚里面食紧饭。啲餸（菜）好简单:炒青菜，同埋节瓜焖猪肉。
虽然话系“农民伯伯”，其实梁生同冯生佢哋四个都只係四十岁左右嘅老青年，但日晒雨淋，岁月嘅痕迹喺佢哋嘅皱纹啊、手脚啲枕（茧）、开裂嘅皮肤上面显晒出嚟。大岗镇政府嘅工作人员打开咗话题：“你哋今晚记得唔好喺呢道（这里）瞓（睡觉）喇，打风牙烟（危险）啊。”“我哋啲係黑皮蔗，蔗苗先半米高，一般好难吹断或者吹冧（吹倒）嘅。人就梗係返入村过夜啦，安全第一啊。”梁生冯生都咁话。
话题深入咗，农民伯伯就开始同记者诉苦喇。“一年一造，啲蔗卖得好唔好要睇多唔多人嚟攞货！你哋城市人日日朝九晚五，我哋啊，晨早6点就係田里面做嘢喇……”梁生一路讲一路扒饭。“嚟，食餐冇餸饭。”冯生好热情咁招呼记者，“我哋平时落田做嘢，无水无电嘎，用柴煮饭，得闲嗰阵炒番两味、喋（喝）碗白酒，知足囖。你睇下，仲有部收音机，中午听下古仔（电台的故事连播），开开心心又一日喇。”
Re:新快报嘅粤语新闻：“珍珠”杀到
我哋要将广州话发扬光大Re:新快报嘅粤语新闻：“珍珠”杀到
新快报噉做个老总真系唔话得，我都想买返张嚟睇，希望佢哋可以坚持落去啦。
頁:
[1]