高手进来讨论下＂油＂字的变调？
当＂油＂字放在句首，肯定是读原调，如＂油水＂．姑且不讨论先．先讨论放在句末的＂油＂如＂花生油＂＂调和油＂清凉油＂調和油、棕櫚油、粟米油、橄欖油都是读原调．但是为什么有些词语要读２调呢？如＂加油＂＂红油＂＂白油＂等等．小弟我不知道如何变调．能不能一一说明，再举例下要变２调的油．谢谢大家！！！Re:高手进来讨论下＂油＂字的变调？
最近我啱啱開始製作我個qq空間，呢個問題我喺上邊作咗歸納，歡迎蒞臨指導。我的qq空間之：「油」的變調
概括嚟講，用於人體嘅油讀原調；作用於物體表面嘅油讀2調；燃油分兩種情況，作偏正詞組中心語時讀原調，表示係乜嘢種類嘅燃油，而作動賓短語嘅賓語成分時讀2調，表示對燃油作某啲操作。
Re:高手进来讨论下＂油＂字的变调？
你哋读jau2门定系jau4门？Re:高手进来讨论下＂油＂字的变调？
我絕大多數情況係講「油2門」，只有極偶然嘅情況會講「油4門」。我係喺f君向我提出呢個問題之後臨時歸納咗一啲規律，倉猝中難免有所疏漏，事實上起碼就諗漏咗「油門」呢個詞，雖然「油」字位於詞首，但係卻會變成2調。而且，我認為就算呢啲歸納做得幾細緻都好，始終都只係不完全歸納法，所以係唔可以用『肯定』呢啲咁絕對嘅詞嘅。但係喺我寫嘅答覆中雖然冇話「油」字位於詞首就『肯定』唔變調，但係亦都冇用諸如『多數』『一般』之類嘅詞模糊一下，噉樣的確會令人產生錯覺，睇嚟有必要喺我嘅qq空間中作出修改。不過雖然有例外，但亦不必急於否定呢啲規律，除咗要繼續驗證完善之外，喺應用嘅時候亦都要注意特例嘅存在。對於歸納出來嘅規律，掌握規律，注意特例係慣常嘅做法。
Re:高手进来讨论下＂油＂字的变调？
概括嚟講，用於人體嘅油讀原調；作用於物體表面嘅油讀2調；燃油分兩種情況，作偏正詞組中心語時讀原調，表示係乜嘢種類嘅燃油，而作動賓短語嘅賓語成分時讀2調，表示對燃油作某啲操作。======================================
機油，屬於邊種情況？
Re:高手进来讨论下＂油＂字的变调？
機油係作用於物體表面嘅Re:高手进来讨论下＂油＂字的变调？
我觉得可以噉样分，传统油4、外来油2（自己老作）有传统意义上嘅油，大多数拿来食、搽，重有生物体内嘅油，少数拿来烧——灯油，呢啲都系读油4
外来嘅油，基本上都系烧，可以再分读法，一种anl讲咗，做偏正式词语中心语嗰时读油2。呢个时候嘅油，可以理解成用传统意义嘅油来组词。
另一种anl都讲咗，我同佢嘅有少少出入，就系作为单音节词嗰时，读油2。呢个时候，油字已经唔系单纯传统意义上嘅油，而系用来烧嘅油4（当然所有油4都可以拿来烧，我呢度系从惯性思维出发），可以讲系有两种意思，所以就有，油2门、揩油2
至于机油2，我觉得呢个系油2嘅进一步嘅用法，机油个油2复合咗至少3种意思，润滑、外来、油，所以我觉得早期嘅人会下意识将佢读成油2，所以就有机油2、润滑油2
突然谂到，随便乱吹
Re:高手进来讨论下＂油＂字的变调？
印度神油 都系外来嘅油，不过绝唔会读jau2 em2:Re:高手进来讨论下＂油＂字的变调？
都系传统意义上拿来搽嘅em3:呢类油好多，斧标驱风油、娥术油，国内同类型大把，红花油、白花油……
頁:
[1]