阿展響口：「米飯班主」唔係老世
「米饭班主」唔系老世南方报业新闻 时间: 2010年06月28日 来源: 南方都市报
南都漫画邝飚
年轻人口轻轻,搞出个「大头甶」,有时系无知,有时系任性。「咆哮哥」一时贪口爽,咆哮过后却要为所有政务窗口嘅不良服务「埋单」,事前唔会谂到。另一面市民又认为净系「停职」,处分太轻,好似唔炒唔解恨,好似炒咗「咆哮哥」就天下太平。
斗胆讲句,就算炒咗「咆哮哥」,政务窗口嘅「衙门作风」都唔会有乜改善。点解?「咆哮哥」金句就系答案。「我拿什么纳税人的钱」,即系话佢唔认为纳税人系佢「米饭班主」,「我就这样,你能把我咋的」译成广州话就系:「你吹咩?」呢种心态嘅公务员,大有人在。
「米饭班主」出钱请来公务员,谂唔到反而变咗公务员嘅公仆,处处受咆哮,关键系市民百姓呢个老细冇乜牙力,话唔到事。唔满意,有权唔出粮,有权炒鱿鱼,呢啲先系老细。
其实,公务员行为规范守则一直都有,问题系考评处分嘅过程市民无得参与。如果话,呢次咆哮录音曝光事件系一出电视剧,主角唔系咆哮哥,又唔系王生,系支「录音笔」。
听讲有政协委员建议请第三方调查公司对政务窗口服务质量进行暗访调查,一年几次。下次你去政府政务窗口办事,记得带支粗啲嘅笔,有冇录音功能唔紧要,睇落似录音笔就得。
墙上有公务员行为规范守则,手上有支录音笔,睇下边个仲敢「咆哮」?
□舒展(海珠,街坊)
http://nf.nfdaily.cn/epaper/nfds/IMAGE/20100628/PageA202-398.JPG
註：呢篇文章係阿展原創，幫佢貼啫！重有，順手幫佢正埋啲字： 係老世，唔係老細；係大頭甶，唔係大頭佛。 「大頭甶」
尼個我都係今日先識..又學多左個字~
不過好似好多人都寫成大頭佛..「甶」係唔係古字黎嫁??:o
頁:
[1]