【方言科學化】受授；氰腈；氨胺銨；硒錫矽；鋅砷；鉛烷；炎癌；臭嗅
本帖最後由 lotus7174 於 2011-6-30 12:02 編輯唔同嘅字要有唔同嘅讀音，聽倒先至唔會撈亂。
《辭彙》話，唔同的化學原素，要有唔同的讀音。
其實可以再引伸為唔只（止）原素嚟講。
受、授：
受，攞，如「接受」。
授，畀，如「教授」。
私相授受，即「私相畀攞」。如果「受粉」同「授粉」（粉係花粉）分唔開，就唔啱。
不如叫做「得（攞）粉」同「給（畀）粉」。
氰、腈：
呢兩個原來都唔係讀「清」。
氰<cîng 21>（陽平，音晴），氣體。氰化物，化身為陰離子的化合物，山埃。
腈<zîng 55>（陰平，音睛），化身為化學品尾巴。
氨、胺、銨：
原來三個字都唔同音。
氨<ôn 55>（陽平，音安），氣體。
胺<òn 33>（陽去，音按），化身為化學品尾巴。胺基，化學品頭。（台灣電腦讀「安」，唔啱。）
銨<ón 35>（陽上，陰上），化身為類似金屬的陽離子。（台灣電腦讀「餓」，可以係另一個字。）
如果讀晒做「安」就係唔啱。
硒、錫（入聲）、矽（入聲）：
普通話本來都唔同音，如台灣讀「硒<xî 55>（陰平）、
錫<xî 35>（陽平）、矽<xì 51>（去聲）」。
結果大陸讀晒做「西<xi 55>（陰平）」，唔啱，
仲話「矽」係「硅」嘅舊名，因為同音字太多，改叫「硅」。
廣州話冇呢個問題。
鋅、砷：
普通話分別讀做「辛<xîn 55>（陰平）」、「申<shên 55>（陰平）」，係唔同音嘅。
我怕廣州話「辛」、「申」同音，都讀做<sên 55>（陰平），分唔開。
「鋅」(zinc)又叫做「星（本字為鋅）鐵」，可唔可以將「鋅」讀做「星」<sîng 55>？
唔係就因為「鋅」比較常見，照讀做「辛」<sên 55>（陰平），
「砷」改讀做「神」<sên 21>（陽平），
如「砷（讀神）化鎵（音家）」，係矽（硅）嘅替代品。
我用呢（爾）種拼音：
http://bbs.cantonese.asia/thread-23498-1-1.html
多謝！ 授 古代讀上聲
受 古代讀去聲
但由於濁上變去，本來不同音的二字無論在國語定廣州話都已經變為去聲了。 小弟受教！！！！！！！！！！！！
RE: 【方言科學化】鋅砷；鉛烷；炎癌
本帖最後由 lotus7174 於 2011-6-30 11:53 編輯鋅、砷
普通話唔同音，廣州話有同音問題，見樓上。
建議「鋅」讀本音「辛」<sên 55>（陰平），
「砷」變調（如下段）讀「神」<sên 21>（陽平）（arsenic音如丫神尼）。
鉛、烷
鉛讀「完」<yûen 21>（陽平）。「烷」最好唔好同佢同音。
所以「烷」雖然普通話讀「完」<wân 35>（陽平），但係廣州話變調讀「阮」<yúen 35>（陰上），
《廣州話正音字典》同爾〔呢〕個網站（厾）都係恁〔咁〕講。
我覺得係專登變調同普通話唔同，而唔係受咗「院」<yùen 22-35>（陰去變上）
嘅變上聲將「烷」讀<yúen 35>（陰上）。
原來有個「阮」<yúen 35>（陰上）字同佢同音，唔係變上。
炎、癌
但係普通話「炎」讀本音<yân 35>（陽平），「癌」曾經有人讀「巖（岩）」，
但係而家正音讀<âi 35>（陽平，音捱），就係避同音嘅例子。
廣州話「炎」<yîm 21>（陽平）、「癌」<ngâm 21>（陽平）唔同音，冇爾個問題。
「癌」裡便個「喦」係「巖」嘅異體字，爾間鋪頭重〔仲〕有「嵓」嘅寫法（厾）。
多謝！
【方言科學化】臭嗅
本帖最後由 lotus7174 於 2011-6-30 12:03 編輯臭（壞味）、臭（氣味）、嗅（鼻聞）
普通話，「臭」<chòu 53>（去聲）作為「壞味」，
同「臭」<xìu 53>（去聲，音秀）作為「氣味」， 係唔同音嘅。
但係廣州話同音，全部讀「臭」（壞味）<cèu 33>（去聲），有問題。
建議「臭」（壞味）維持本音，「臭」（氣味）改參考普通話讀「秀」<sèu 33>（去聲），
「嗅」一樣跟住讀「秀」<sèu 33>（去聲）。
即：無色，無臭<sèu 33>（音秀），又無味。嗅<sèu 33>（音秀）覺。
或兩者皆寫為「嗅」：無色，無嗅<sèu 33>（音秀），又無味。
多謝！
頁:
[1]