粵語協會嘅越南網友-請幫忙
本帖最後由 Vncantonese 於 2010-8-4 00:20 編輯你地好！
我係來自越南粵語協會嘅網友，我打算下個月到廣州旅行，大概一個星期，有幾個問題想求你嘅幫忙。我未去過廣州嘅，呢一次去嘅目的有三：1.旅遊。2.搵自己嘅家鄉。我係越南嘅華人，但係已經冇晒喺中國親戚嘅連繫，我啊公啊爺啊婆亞麻好耐以前都係由廣東來到越南嘅。我嘅籍貫係東莞縣河坑村。3.搵做生意嘅機會。旅遊同埋搵家鄉係主要，搵商機只係次要。所以麻煩你幫我解答以下幾個問題：1.你可以介紹一啲喺廣東嘅地方我應該去參觀嗎？2.我應該坐飛機到廣州先亦係到深圳先呢？3.而家東莞仲有河坑村嗎？4.請介紹幾個喺廣州同埋喺深圳嘅批發市場（電子貨）。我嘅廣東話同埋普通話到冇問題，但係我對廣東地方一啲到唔熟悉，所以需要你嘅幫忙。如果你唔得閒嘅話，唔該你俾我幾個關於以上問題嘅網頁地址，俾我可以參考吓。好多謝您。
1.你可以介紹一啲喺廣東嘅地方我應該去參觀嗎？——冇2.我應該坐飛機到廣州先亦係到深圳先呢？——睇你想去邊度3.而家東莞仲有河坑村嗎？——你有冇記錯？4.請介紹幾個喺廣州同埋喺深圳嘅批發市場（電子貨）。——電子都分好多種，你想睇邊種？ 本帖最後由 Lucciora 於 2010-5-27 00:43 編輯
1、可以來廣州行吓上下九、沙面、北京路（永漢路）、中華廣場（流行前線），白雲山、越秀山之類
2、建議坐飛機來廣州，深圳現今係廣東文化嘅飛地
4、廣州嘅電子批發市場，分別係中山六路、解放路南、大德路東，由將軍東、陶街、玉帶濠形成嘅電子市場區域，另外一個喺荔灣路新大新百貨向南行一兩百米油站，都有個電子批發市場，而且係出名嘅電子批發天光墟 假如要來東莞，可以聯絡我。 多谢Lucciora同埋南汉 貓妖妳噉就唔啱喇！減分唔緊要，橫掂我錢多。;P之但係，我講嘅係事實，點解話我搗亂？:@畀人講嘢先係自由講吖嘛！兼且，你都識得話「嫌」啦！噉就出手？死得人多囉！:L
廣東確係冇嘢應該去睇嘅，唔信唔緊要，做咗老襯唔好話呻笨。 你睇，上高啲友仔都話「可以」咋！係咪may be先？冇話must喎！;P 阿VNCantonese咁遠水路走過嚟，你哋老點人就唔好啦！:P講真話畀人扣分，乜嘢年代喇？真係！:L
VNCantonese，嚟玩下就好喇！唔好咁認真。你知嘛？粵協嘅最佳導遊係乜水？之咪係外外星人囉！講飲講食講排場，梗係外外星人至似樣！:victory:講到玩囉喎，有邊個夠外外星人見多識廣呢？;P
搵返自己嘅祖家，好事啫！咪等我搵人幫你查囉！牛年馬代嘅嘢，條村可能都改咗幾次名囉！:L
做生意呢味嘢，唔急得嘅，遇人不淑，好易損手爛腳嘅，睇定啲先喇！
VNCantonese：
就係唔知你幾時起程啫！做足功課先，冇壞嘅。 外外星人，我明你嘅意思，我會做足功課先到廣東嘅。我再查番，我嘅家鄉應該係禾坑村。 VNCantonese：
禾坑村吖嘛？google會話你知，喺東莞市橋頭鎮。:victory:（
ditu.google你識得點用咖啦！睇樣離常平幾近下，坐火車到東莞東站（即係常平東火車站）或者坐汽車到常平汽車站落車，又或者去到嗰條「橋常路」，有條直路通到你祖家禾坑村，若果冇記錯條村名嘅話，你就嗱嗱聲返去光宗耀祖啦！:victory:啊，重有，你係華僑，畀封信、畀個電話僑辦，話唔埋，佢哋會喺祠堂開定百幾二百圍等你先開席，夠face喇啩？！:lol
——嗱，而家你知點解我問你有冇記錯（條村名）喇啩！:$唔係一味老點嗰隻喎！:P
若果你想低調啲，唔想嚇親啲叔父、伯公，諗住靜雞雞摸入村，噉你喺常平落咗車，自己再截的士返去嘅，嘩，一出閘，你就睇到好多的士排晒隊，夾道歡迎你衣錦還鄉囉喎！;P睇見噉嘅陣勢，咪激動住:P，千祈唔好畀佢柬你，你要自己柬車搭，或者行出啲，自己喺外邊截車，噉就醒目仔嘞！:D 仲有系南方大厦同文化公园一带都有好多电子批发，好似手机、电池等等。
你可以试下用GOOGLE个地球揾下你个乡下系边度，佢甚至连村落都可以揾到，我曾经用佢揾到我嘅乡下。 啊，仲有样野，依加华侨呢样野已经唔兴香啰。因为依加系有权大晒，其次系有钱亦会大晒。依加好现实，人生地不熟嘅情况下，最好系小心啲，唔好轻易相信人。 虽然唔熟电子产品市场，不过深圳几好架！
你可以嚟华强北睇下。你坐深圳地铁到华强北站落车，成条街都系电子产品咯！
頁:
[1]