[討論]“滾”？
“滾錢滾糧票”係咪用呢個“滾”呢？不過又好似呢個“滾”冇“欺騙”嘅意思。
Re:[討論]“滾”？
滚字无欺骗嘅意思，相信从字型来睇，同欺骗都无乜关系查广州方言词典查到
[言匀]，诓骗：～钱|耳仔生得软，有时畀人～到|～骗|～友|～人
广韵[禾享]韵九峻切：“欺言”
Re:[討論]“滾”？
根據《異體字字典》﹐「𧥺」[言匀]同時係「韻」、「訇」嘅異體字。（《集韻》﹕「𧥺訇﹐《博雅》欺也，或作訇。」）《廣韻》﹕「𧥺 ﹐誑也」、「欺言」。
http://www.unicode.org/cgi-bin/getunihandata.pl?codepoint=2797a ﹕「𧥺」kwan1, (cant.) to fool, deceive, hoodwink.
不過﹐《正字通》話訓「𧥺 /訇」為「欺言」係錯嘅。「訇」又的確通常解釋為「形容巨大的聲音」（借為轟）。例如﹕
①《司馬相如‧上林賦》有句「砰磅訇礚」﹐形容水流奔騰嘅聲
②《韓愈‧華山女詩》：「不知誰人暗相報，訇然震動如雷霆。」
Re:[討論]“滾”？
你們有點捨近就遠了，其實是“言袞”字，亦寫作“謴”，
《集韻》古困切，袞去聲，翫人也。（翫通玩，即玩人也。）
Re:[討論]“滾”？
superjill 喺《廣州方言詞典》睇到﹐都唔算捨近就遠。我去查過呢個「翫」字﹐好似係講笑嘅意思﹕
《國語辭典》﹕「翫﹐戲弄。通玩。左傳‧昭公二十年：『水懦弱，民狎而翫之，則多死焉。』荀子‧禮論：『尒則翫，翫則厭，厭則忘。』」
《康熙字典》﹕
「䜇[言袞]﹐《集韻》《類篇》𠀤古本切，音袞。語不明也。又《集韻》《類篇》𠀤古困切，袞去聲。與𧬪[言運]、謴𠀤同。」
「謴﹐《廣韻》《集韻》𠀤古困切，袞去聲。翫人也。又順言謔弄貌。出《聲譜》，與𧬪[言運]同。或作䜇[言袞]。」
「𧬪[言運]﹐《廣韻》《集韻》𠀤古困切，袞去聲，摩人也，又翫人也。或作謴、䜇[言袞]。」
戲弄﹐係咪引申到欺騙﹐就唔清楚喇。
Re:[討論]“滾”？
夢星羽在2006-3-16 13:13:38說道：你們有點捨近就遠了，其實是“言袞”字，亦寫作“謴”，
《集韻》古困切，袞去聲，翫人也。（翫通玩，即玩人也。）
我真系要买本远啲嘅字典，成日拿《广州方言词典》查，太单一
虽然我都有《广州话词典》，不过就硬系觉得佢写得儿戏，信唔过……
其实好多人问咗唔少字，dada引经据典，查咗好多字出来
我发觉古代
一个音，有好多个字，佢哋基本都系同义或者近义
或者差唔多音，意思都系相近相似
可唔可以话，呢啲近音同音，又唔同字所表达嘅都系同一样嘢
可能由于地理、时期嘅唔同，文字先有所唔同呢？
Re:[討論]“滾”？
superjill 講得啱。其實唔止地理、時期嘅影響。古時注重嘅係音﹐唔係字。所以好多時﹐同音或差不多同音嘅字﹐意思都同埋或差唔多。我哋記得「龍鍾」又有人寫為「瀧涿、瀧涷、瀧漉、鹿埵 、隴種、……論盡」﹐「委蛇」又有人寫為「逶迤、逶夷、威夷、委移、委佗……」。Re:[討論]“滾”？
古人造字之初，形音字的音旁往往也是義旁，故同音字其義亦每多相近。如：戔，細微也。所以，絲之微者為“綫”，水之微者為“淺”，貝之微者為“賤”，金之微者為“錢”……
又如，夋，商朝人至尊的天神，所以，人之至優者為“俊”，馬之至速者為“駿”，獸之至猛者為“狻”（狻猊，即狮子也），鳥之至尊者為“鵔”（太陽中的神鳥），山之至高者為“峻”，水之至深者為“浚”，火之至聖者為“焌”（商人用來燒炙甲骨占卜時的用火）……所以我懷疑中國的文字並不是由黃帝族的倉頡創造的，而是由崇拜夋帝的商族人創造的，因為黃帝族是沒有夋帝崇拜的，這可能是滅商之後的黃帝族（即周族）剽竊了商族人的文字並厚顏無恥地把自己說成是其創造者。
Re:[討論]“滾”？
dada同夢星羽兄，高手也，佩服佩服。。。
頁:
[1]