講講家族嘅由來
喺呢個論壇，相信大家來自唔同家族，唔同姓氏，噉可唔可以講吓你哋家族嘅由來。蟲子，姓韓（hon），我哋呢個祖先聽講係南宋末年嚟到廣東嘅。
相傳南宋末年，我哋韓氏一位將軍，係河南附近人士，率領士兵抗擊金軍，然而力量單薄，唯有一路往南退守，來到而家梅州呢度，後來士兵全部犧牲，孤軍作戰時候，畀金軍逼上懸崖，最後跳涯以身殉國。其夫人同埋兩個跟從部隊嘅仔就喺呢片土地生活，養育後代，……幾百年之後就有咗我，嘿嘿
屬於我哋呢個分支嘅韓家後代主要分佈在廣東，福建，江西，馬來西亞。自宋開始到而家，我哋呢啲後人都會去祭呢位將軍嘅夫人，同埋佢嘅兩個仔。亦即係我哋先人。
Re:講講家族嘅由來
我姓劉﹐聽聞係南雄珠璣巷後裔﹐又係某個皇帝嘅後裔。可惜我睇自己﹐點睇都唔似有皇帝血統﹗ em2:我為寫家譜﹐搵到我哋二十字輩號﹐係「十五世時各支孫倡議」﹐「由十六世開始啟用」。2001年﹐又由「騰沖村、荷村、石灣劉族支孫」再增加咗二十字輩號。
從二十二世開始﹐我知道我哋祖先嘅名。我係第二十七世。
附記﹕南雄珠璣巷（轉載自《廣東會館慶祝60週年紀念特刊》）
北宋未年﹐金兵南侵﹐高宗倉皇南度﹐一部份中原士民隨隆裕太后遷徙到江西南部﹐隆裕太后回返臨安後﹐他們仍留在江西。在舉家或全族南遷的過程中﹐到達了珠璣巷就停下來居住﹐在這裡繁衍﹐漸漸地﹐珠璣巷的人口“爆滿”了﹐生活困難﹐他們的子孫便沿著湞江南下。
南宋末年﹐元軍南侵﹐特別是德佑二年（1276年）﹐元將呂師夔攻陷南雄﹐韶州（韶關）守將曾逢龍﹑熊飛先後戰死﹐南雄居民不得不結伴南遷。
在珠璣巷居民南遷的歷史中﹐最感人的是南宋末年羅貴祖率領33姓﹐97戶南遷的事。話說南宋度宗咸淳年間（公元1265年至1274年）﹐胡貴妃被奸相賈似道迫害而逃離深宮﹐賈似道令尚書張欽率兵追捕。胡貴妃在江邊被廣東南雄珠璣巷人黃貯萬與劉壯搭救﹐她隱瞞身分﹐隨船到珠璣巷。
幾個月後﹐胡貴妃與黃貯萬互生愛意﹐就在他們結合之際﹐傳來官兵追捕的消息﹐胡貴妃道出真情﹐黃貯萬表示不怕災難﹐願生死與共。
為了逃避官兵血洗珠璣巷﹐貢生羅貴祖﹑黃貯萬等密議﹐帶領全體村民乘木筏﹐沿著湞﹐往南方的珠江三角洲遷徙。胡貴妃不願連累鄉親﹐她獨自回返珠璣巷向官兵招認自己的身份好讓鄉親們平安遠走。黃貯萬隨後趕至﹐胡貴妃將黃貯萬鎖入空屋﹐自己投井自盡﹐過後﹐黃貯萬也自殺身亡。至今﹐珠璣巷還保留著黃貯萬的故居。
根據嶺南的姓氏族譜﹐從珠璣巷南遷到珠江三角洲的有丁﹑刁﹑衛﹑馬﹑文﹑方﹑﹑王﹑鄧﹑孔﹑韋﹑車﹑尹﹑區﹑仇﹑毛﹑劉﹑馮﹑鄺﹑石﹑甘﹑古﹑龍﹑司徒﹑葉﹑盧﹑帥﹑白﹑湯﹑許﹑安﹑江﹑祈﹑關﹑阮﹑孫﹑成﹑呂﹑伍﹑倫﹑任﹑朱﹑鄔﹑宋﹑張﹑李﹑陳﹑麥﹑嚴﹑蘇﹑勞﹑楊﹑杜﹑陸﹑邵﹑蕭﹑吳﹑岑﹑何﹑余﹑邱﹑利﹑鄭﹑龐﹑房﹑冼﹑林﹑屈﹑歐﹑武﹑招﹑范﹑歐陽﹑羅﹑易﹑周﹑金﹑胡﹑趙﹑柯﹑封﹑茹﹑鐘﹑侯﹑姚﹑復﹑俞﹑郭﹑莆﹑高﹑唐﹑容﹑凌﹑涂﹑夏﹑聶﹑莫﹑袁﹑徐﹑翁﹑梁﹑康﹑曹﹑黃﹑梅﹑崔﹑符﹑巢﹑曾﹑謝﹑溫﹑湛﹑董﹑彭﹑韓﹑植﹑蔣﹑程﹑傅﹑源﹑藍﹑蒙﹑雷﹑甄﹑簡﹑鮑﹑錫﹑詹﹑譚﹑蔡﹑翟﹑慕容﹑熊﹑繆﹑顏﹑潘﹑樊﹑黎﹑獲﹑戴﹑魏等143姓。
據知﹐除了絕大多數的粵語方言群是珠璣巷的後裔外﹐也有少部份珠江三角洲的客家人的祖先也來自珠璣巷。隨著近代史上的多次移民浪潮﹐珠璣巷後裔更跨出中國大陸﹐越過南中國海﹑印度洋﹑大西洋﹑太平洋﹐走向世界各地。
Re:講講家族嘅由來
姓劉嘅皇帝，最出名就係三國時嘅劉備啦。Re:講講家族嘅由來
http://www.chinalane.org/listing/name.html呢个网页嘅《百家姓》有好多个姓氏嘅介绍。
Re:講講家族嘅由來
最出名嘅唔係劉備﹐係比劉備早四百五十年嗰個漢高祖。佢令到《說文》因為避諱﹐淨收入「瀏」﹐唔收入「劉」字。Re:講講家族嘅由來
劉邦？我覺得冇理由《說文》會冇“劉”字喎。Re:講講家族嘅由來
避讳有意思啊，历代最开明嘅郡主李世民，都好讲究避讳，最记得系柳宗元嘅《捕蛇者说》要将“民风”改成“人风”。但势估唔到今世今日嘅中国，都重要避讳，而且避到上互联网。而家一上google搜索某前元首嘅名都过滤咗好多信息。。。。莫非以后要称其为“泽人”？
Re:講講家族嘅由來
《說文》冇「劉」字﹐但係有「鎦﹐殺也」。《玉篇》﹕「鎦，古劉字。」不過「鎦」字同殺冇乜關係﹐卯金刀劉反而有殺意。《漢書．王莽傳》﹕「夫『劉』之為字『卯、金、刀』也，正月剛卯，金刀之利，皆不得行。」剛卯係漢代玉佩﹐「莫我敢當」。
同時《說文》有「䉧﹐從竹劉聲」、「瀏﹐從水劉聲」﹐又有「杙﹐劉﹐劉杙」（劉子生山中。劉一名劉杙，其子可食）﹐又引用劉向、劉歆。
所以或者係後人將「劉」抄錯為「鎦」﹐唔係避諱。徐鍇﹕「說文無劉字，偏旁有之，此字（鎦）又史傳所不見，疑此即劉字也。從金從丣，刀字屈曲，傳寫誤作田爾。」
Re:講講家族嘅由來
唔係好明白。dada最後講果個劉字嘅意思？呵呵。我都姓劉，不過北方種。 em2:
頁:
[1]