Hugo_030 發表於 2006-2-15 08:28:44

大家覺得白話口音比較純正嘅地方有邊啲？

我呢家總結咗有幾個地方。

廣州老城區，新城區嘅市區部分，番禺市橋鎮，花都新華鎮，彿山禪城，香港市區同澳門。

唔知有冇錯漏？

highyun 發表於 2006-2-16 02:23:59

Re:大家覺得白話口音比較純正嘅地方有邊啲？

位于佛山同广州之间嘅佛山南海区广府口音都好标准。

Hugo_030 發表於 2006-2-16 06:50:03

Re:大家覺得白話口音比較純正嘅地方有邊啲？

唔...唔係啩??我屋企就住喺芳村區府,南海就喺我哋隔籬,但係嗰度啲白話,真係幾大鄉音喔.而且,我呢家間大學個班度就有一個嚟至南海桂城嘅,一聽就知道佢啲白話好唔正.相反禪城啲白話就好標準嘞,基本上同廣州嗰啲冇分別。

余OK 發表於 2006-2-16 06:54:17

Re:大家覺得白話口音比較純正嘅地方有邊啲？

如highyun所講，南海嘅桂城、鹽步、黃岐等幾個地方啲廣州話好鬼標準，而且甚少有人將gw音同g音混淆，喺呢一個角度上睇，甚至比廣州市區嘅新一脫民眾口音更爲標準，因爲而家嘅廣州街頭好少聽到唔帶懶音嘅廣州話（gw音變g音最明顯）。。。

余OK 發表於 2006-2-16 07:00:24

Re:大家覺得白話口音比較純正嘅地方有邊啲？

再補充：番禺嘅市橋話其實口音好重，介乎於南海同順德口音之間，聽一聽中年以上嘅人講嘅話就知道，可能新一脫年輕人逐漸講廣州口音，情形類似佛山禪城同南海靠近廣州嗰一帶。。。

蟲子 發表於 2006-2-17 02:29:06

Re:大家覺得白話口音比較純正嘅地方有邊啲？

都係覺得香港好啲!

superjill 發表於 2006-2-17 07:59:27

Re:大家覺得白話口音比較純正嘅地方有邊啲？

广州旧城区嘅街头巷尾

Hugo_030 發表於 2006-2-17 09:58:33

Re:大家覺得白話口音比較純正嘅地方有邊啲？

余ok在2006-2-15 22:54:17說道：如highyun所講，南海嘅桂城、鹽步、黃岐等幾個地方啲廣州話好鬼標準，而且甚少有人將gw音同g音混淆，喺呢一個角度上睇，甚至比廣州市區嘅新一脫民眾口音更爲標準，因爲而家嘅廣州街頭好少聽到唔帶懶音嘅廣州話（gw音變g音最明顯）。。。

噉可能平实同我讲嘢嗰啲南海人都唔係本地人喇，如果唔係，真係解释唔到。
頁: [1]
查看完整版本: 大家覺得白話口音比較純正嘅地方有邊啲？