關於「乜」字同「麼」
冇幾耐之前證實，廣州話表示「甚麼」嘅「乜」字，本義係「歪」，「歪歪斜斜」應為「乜乜斜斜」，而現今表意為「甚麼」嘅「乜」，估計其本字應該為「麼」，天津話經常講「幹嘛」、「嘛時候」，呢個「嘛」嘅本字就應該係「麼」，查實可以從「嫲嫲」嘅本字「嬤嬤」窺出一二，噉攞天津話代返入廣州話，就應該係「做麼」，「麼時候」，呢種解釋可能有多少牽強，因為康熙字典所顯示嘅切韻，搵唔到有入聲，可以解釋「麼」係讀「me」，未可以解釋到「麼」可以讀「mat1」 <P>哇，我老早就講係「勿」。古代人講「什麼」是講「甚勿」，可以拆開單用，例如今山西地區就單用前者表示「什麼」，「甚勿」是「甚麼」的原型，而「甚勿」再往前就是「是勿」。</P><P> </P>
<P>所以我哋嘅mat其實係「勿」，只不過略為變調，但仍然係入聲。但其它地區由於入聲消失自然變成ma，而有的地區央音拉長變為了長音，於是造字或者借字而成「嗎」。</P>
<P> </P>
<P>如果要講「勿」，它還有另一個衍生出來，確切點說是為了消歧義而創造出來的「物」字。</P>
頁:
[1]