澳門吹水安極度緊張！！

Ψ丹尼王子 發表於 2009-12-21 22:03:28

<DIV class=t_msgfont id=postmessage_61164>21-12-2009 香港《蘋果日報》 隔牆有耳：吹水安極度緊張 澳門，確係與別不同。 「笨忍吹屎安池宣屍，笨忍就任鍾畫忍抿攻禍國歐抿特別癬政區癬政長官……」吹水安噚日正式宣誓，成為澳門揸 fit人。雖然啲澳門網民話聽唔明佢講乜，但呢啲只係微枝末節，阿爺深慶得人咪得囉。 <IMG alt="" src="http://i655.photobucket.com/albums/uu277/HK_newspapers/world13-1.jpg" onload="attachimg(this, 'load')" border=0> 回族同胞床單疾書 澳門特區政府又確實冇令阿爺失望喎，好似今次回歸十周年慶典咁，為確保胡總喺「零意外」下見證呢個歷史時刻，澳門政府超緊張，唔止封關鎖海趕絕示威者，甚至連愛國愛澳嘅內地遊客同香港小市民，想話自發向胡主席表達祝賀心情，都唔放過，照樣封殺。 噚日朝早，胡主席喺澳門蛋出席新一屆澳門特區政府就職儀式，警察、安全部門人員自然十分緊張。大約 9點過後，澳門蛋外突然出現咗四名不速之客，包括三個自稱係回族人嘅內地遊客，同埋一位來自香港嘅市民。 眼見澳門有今日，回族同胞情緒相當高漲，帶頭嘅一位先生話，睇新聞知道胡總嚟咗澳門，心情激動，開心到成晚瞓唔着，凌晨 3點心血來潮，於是扯開酒店張床單，用紅色雙頭筆揮筆疾書，寫下「祝胡主席萬壽無疆，熱烈慶祝澳門回歸十周年」嘅橫額，諗住向經過嘅胡總車隊揮舞。至於另一位中年港男就不停向在場記者打聽胡總行蹤，十足胡總粉絲咁款。 <IMG alt="" src="http://i655.photobucket.com/albums/uu277/HK_newspapers/world14-1.jpg" onload="attachimg(this, 'load')" border=0> 祝胡主席萬壽無疆都被人帶走，唔通應該祝億壽無疆先啱數？ 港男等主席企錯位 查實佢哋根本企錯位，連主席座駕嘅車尾燈都睇唔到。但現場保安相當緊張，先派人過嚟查佢哋證件，問佢哋有乜目的。冇耐就準備好兩部私家車，話基於安保理由，就算佢哋想慶賀回歸，都唔可以喺澳門蛋外逗留。 保安仲話咁快就搶走咗回族同胞張歡迎橫額，回族同胞想攞番，保安就堅持要佢哋上車先可以拎番。港男就始終嚟自香港，面對強權冇咁順攤，以警察唔可以侵犯佢人身自由，唔肯離開，點知警察強行動粗，將佢拖上車。呢位港男一邊大叫「 Objection! (反対)Objection!」但係反對無效，唔使十秒鐘，就俾人挾走咗，相當可憐。 <IMG height=125 alt="" src="http://hk.apple.nextmedia.com/images/apple-photos/apple/20091221/small/21lp2p2.jpg" width=190 border=0> 呢位香港人（右二）睇吓熱鬧都被人圍，冇陰功。 <A href="mailto:pf_lee@appledaily.com">pf_lee@appledaily.com</A> <A href="http://hk.apple.nextmedia.com/template/apple/catkeycol.php?showcol=20&iss_id=20091221&sec_id=4104" target=_blank><IMG alt="" src="http://hk.apple.nextmedia.com/adoinfile/Section_Logo/20sign.gif" onload="attachimg(this, 'load')" border=0></A> <A href="http://hk.apple.nextmedia.com/template/apple/art_main.php?iss_id=20091221&sec_id=4104&subsec_id=15333&art_id=13546157&cat_id=45&coln_id=20" target=_blank>http://hk.apple.nextmedia.com/template/apple/art_main.php?iss_id=20091221&sec_id=4104&subsec_id=15333&art_id=13546157&cat_id=45&coln_id=20</A></DIV>

[ 本帖最後由 Ψ丹尼王子於 2009-12-21 22:26 編輯 ]

Ψ丹尼王子 發表於 2009-12-21 22:18:19

<DIV class=t_msgfont id=postmessage_61165>Central Walk：崔世安只聽阿爺話 澳門回歸 10周年，原本以為不會有何重大差錯，泛民主派各黨早已表明不會闖關，大不了是禁止長毛入境，怎知連政治立場較溫和報章的記者也遭禁止入境，結果成了香港傳媒對澳門慶回歸的一項「重點報道」。 有泛民中人說，一些澳門泛民、工會人士早已預計，新特首崔世安只會較何厚鏵更對北京唯命事從、打壓手段更硬，全因他不論在家勢、能力、中央支持度皆不如何厚鏵，除了較何更聽話，根本沒有優勢。 該泛民中人引述澳門工會中人說，何厚鏵是何賢之子，澳門黑白兩道及各方勢力對何家均相當敬重，他擔任特首時，澳門上下沒有異議，認為是理所當然。何厚鏵亦憑着這份在澳門社會的威望，加上父親與中央的深厚關係，就算遇上歐文龍案，以及社會對民生問題種種不滿，他仍壓得住場，未有出現如老董般要腳痛下台。 影響力不及何厚鏵 相反，崔家在澳門影響力及跟中央的關係明顯不及何家，澳門各階層也不認為崔世安是眾望所歸，從澳門特首「跑馬仔」前，不斷傳出中央尚在考慮其他人選，就知道崔世安非中央唯一選擇。事實上，有親北京人士對單仁說，的確阿爺曾對崔是否勝任特首持保留態度，最終為了不想造成不必要的政治影響，才按「原定計劃」讓崔世安接替何厚鏵出任特首。 有澳門民主派人士預計，崔世安只會是一名弱勢特首，澳門不同政治及經濟勢力必定向他拿「着數」，崔能否頂得住固然是疑問，若他要抗衡、平息澳門內部各種勢力衝突，唯一靠山只有阿爺，所以崔必定較何厚鏵更聽阿爺的話、更保守、對任何異見的打壓更見強硬，「以前何厚鏵有時仲會聽吓民意、畀你哋遊行消吓氣，依家崔世安為咗討好阿爺，肯定只會更聽阿爺話，阿爺要社會和諧，崔世安會出重手，打到冇人再敢上街示威為止！」當然，澳門民主派要向崔世安爭取民主，更加是不可能了。 <A href="http://hk.apple.nextmedia.com/template/apple/catkeycol.php?showcol=6796044&iss_id=20091221&sec_id=4104" target=_blank><IMG alt="" src="http://hk.apple.nextmedia.com/adoinfile/Section_Logo/6796044sign.gif" onload="attachimg(this, 'load')" border=0></A> <A href="http://hk.apple.nextmedia.com/template/apple/art_main.php?iss_id=20091221&sec_id=4104&subsec_id=15333&art_id=13546162&cat_id=12954718&coln_id=6796044" target=_blank>http://hk.apple.nextmedia.com/template/apple/art_main.php?iss_id=20091221&sec_id=4104&subsec_id=15333&art_id=13546162&cat_id=12954718&coln_id=6796044</A></DIV>

neo 發表於 2009-12-26 10:17:45

吹水安

頁: [1]

粵語協會's Archiver

澳門吹水安極度緊張！！