[討論]点解唔使学方言？
今日日报就学生是否应该学习方言提出疑问。文章既指出“方言是中国本土多元传统文化的载体，具有鲜明的地域特征，承载着独具特色的地方文化和浓厚的乡情，它在日常生活中具有使用价值”，又
话“方言将在相当长的时期内继续存在并在适当的场合发挥其作用”，但又引用咗《国家通用语言文字
法》等法律法规嘅规定：“在广播、影视以及国家通用语言为基本用语的前提下，在影视作品、戏曲、
播音中需要时，有限地使用方言是允许的。但是方言的使用不允许超出法律规定的范围和限度，尤其是
不得在中小学生中教授方言。”
制定啲咁嘅法规嘅人都冇脑嘅！方言系百姓日常生活沟通使用嘅语言，点到你哋话禁就禁？米以为
唔教方言，普通话就可以大行其道！推广普通话嘅目的系为咗克服交际障碍，方便沟通同交流，而唔系
歧视、禁止方言！想当年秦始皇统一中国之后，都只系统一咗中国嘅文字，而冇统一过语言。综观古今
中外嘅历史，亦都从来冇乜边个国家会统一语言——因为咁做系愚蠢同荒谬嘅！
文中所提及嘅嗰个“广州市某省一级中学的资深语文教师”都唔知咩构造嘅，产地令人怀疑，质地
更加唔使讲——肯定系垃圾！对于统一开展方言教学，佢竟然“连声称‘不合适’”，仲话“目前广州
学生受到粤语和网络语言的影响，在写作上经常会出现不规范的词语或句子，不利于语文学习。”——
我小佢卤味炒花蟹！呢条粉肠，我可以百分之百肯定佢唔系广州人——即使系广州人，都肯定系个数典
忘祖嘅契弟！居然话广州话不利于语文学习？！
广州话保留咗最完整、最古老、最丰富嘅中国文化底蕴，有超过两千年嘅历史，绝对系人类社会嘅
珍贵文化遗产。嗰只杏＋橙居然讲啲咁大逆不道嘅嘢，唔使五马分尸，睇怕都应该浸猪笼！
我清楚记得，读小学嘅时候，我哋嘅语文老师教我哋用广州话去区分“的”、“地”、“得”三个
字嘅用法——非常清晰、简单、易记——咁嘅例子真系多不胜数，我谂呢个系其它语种无法做到嘅。
但系我而家睇番好多据讲嚟自普通话地区嘅人写嘅文字，“的地得”都未分得清，啲文章简直就系
狗屁不通，仲要话系咩报社记者、杂志编辑，咁嘅水平都出嚟呃饭食，难怪而家啲学生嘅语文水平每况
愈下啦，原来系咁——讲普通话嘅人自己本身都未识点样解构自己嘅语言，就要打压人哋嘅语言，去捧
佢嘅语言上位——我呸！
所以，边个话学广州话系不利于语文学习嘅，我就要插到佢屎忽开花！
前日，日报仲登咗个名为“陈阳”嘅契弟嘅文章——《方言入教材此风不可长》。呢只杏＋橙甚至
暗示，学习地方方言就好似搞分裂咁样，系“以地区、族群划分的特殊化、隔离化、‘小众化’”，系
“一种文化自恋、‘文化山头’情结”。
呢啲咁嘅人，打住“国家宏观语言文化政策”嘅旗号，话方言“开发”小政策与国家嘅语言大格局
定位明显有悖，简直就系无耻！即使系国家文化政策，都可能有值得商榷、需要修改嘅地方——中国嘅
宪法、国家经济政策、各种法律法规都要因应唔同嘅社会环境作出修改、修订，以配合唔同时代嘅发展
同需要啦！只系一味盲从，唔识实事求是讲真话对社会主义建设有咩好处？
因此，陈阳呢种不学无术嘅擦鞋仔先至系阻碍我哋革命队伍前进嘅“绊脚石”！应该推出午门之外
——斩唔斩首就由各位看官定夺。
无论边个省市、自治区嘅中小学生，都应该学下地方嘅语言，继承祖上嘅优良传统同历史文化，并
将之发扬光大——中国系一个多民族嘅国家，其文化亦系悠远同多元嘅——呢一点正正系中国吸引世界
各地人民嘅地方；同时，方言亦带畀我哋多姿多彩嘅文化享受同地方智慧。我哋绝对唔可以舍弃！
Re:[討論]点解唔使学方言？
我愛粵語Re:[討論]点解唔使学方言？
唔好意思，呢期冇乜胸上嚟蒲。篇嘢呢就啱啱好一个月前写嘅，请大家斧正，不吝赐教！
Re:[討論]点解唔使学方言？
蟲子在2005-09-16 20:34:27說道：我愛粵語爱粤语嘅就唔该积极推广广州话，等佢可以国际化！
Re:[討論]点解唔使学方言？
虽然我唔中意爆粗,不过,卢总呢篇嘢,i like!Re:[討論]点解唔使学方言？
支持卢总，支持粤语，坚决抵制强行推广煲冬瓜。Re:[討論]点解唔使学方言？
有谁共鸣在2005-09-17 00:20:23說道：支持卢总，支持粤语，坚决抵制强行推广煲冬瓜。讲得好！多谢支持！
我同你从此就有咗“共鸣”！ em2: em3:
Re:[討論]点解唔使学方言？
itxu2k在2005-09-17 00:19:03 說道：虽然我唔中意爆粗,不过,卢总呢篇嘢,i like!都唔算爆粗啦，系嘛？
况且，对待嗰啲打压广州话嘅异端（或者称之为“异见人士”）使唔使咁彬彬有礼？
多谢你喜欢我嘅文章，希望大家可以周围张贴，为推广广州话，尽一点绵力；亦欢迎各位得闲去“卢总有嘢讲”踩场！记得不吝赐教！
Re:[討論]点解唔使学方言？
一黨執政嘅社會係噉咖啦,為咗統治所以要連語言都統治埋,令大家徹底洗腦Re:[討論]点解唔使学方言？
我由細到大都係覺得普通話係外語嚟嘅。 em2:普通話先係方言嚟嘅。
Re:[討論]点解唔使学方言？
如果我哋有足夠嘅實力，我哋就大力去推廣粵語！Re:[討論]点解唔使学方言？
好多谢卢总写嘅文章，非常欢迎原创文章。Re:[討論]点解唔使学方言？
支持一下卢总嘅经典文章先。振兴粤语，弘扬我大粤文化，乃每个粤人义不容辞之责任。Re:[討論]点解唔使学方言？
唔教我哋咪自学囖.楼主篇嘢写得几好。Re:[討論]点解唔使学方言？
喺广州街头见到咁样嘅标语"推广普通话, 提倡语言美."一睇见就想呕.
Re:[討論]点解唔使学方言？
喺广州街头见到咁样嘅标语"推广普通话, 提倡语言美."一睇见就想呕.
=================================================
呢句話我以前喺qq度同大家提出過，好明顯暗示除咗普通話之外，其它語言就唔可以稱之爲“美”。間接踩低七大方言。
Re:[討論]点解唔使学方言？
尾二嗰段特別啱聽Re:[討論]点解唔使学方言？
我不嘍都當普通話係外語嚟喎~~~em3:
Re:[討論]点解唔使学方言？
已經係吹水坊評論過,具體可以睇http://www.cantonese.asia/bbs/topic.asp?l_id=6&t_id=1517在此,再重申一次,文化語言統一=文化語言流失=毀滅人類經典文化!
用下半身代替大腦思考嘅所謂人類,請繼續返幼稚園!
Re:[討論]点解唔使学方言？
豬豬奶茶在2005-09-17 07:20:26說道：一黨執政嘅社會係噉咖啦,為咗統治所以要連語言都統治埋,令大家徹底洗腦噉又未必嘅，有时系执行嗰班契弟冇脑或者乱擦鞋先会搞成噉嘅啫！
頁:
[1]
2