２００９星座預言

卢总發表於 2009-1-1 03:38:44

送走咗令人失望嘅山羊座之年，２００９年歲星將步入下一個更瘋狂嘅水瓶座之年。
　　水瓶座星座調性嘅革新改造、打破傳統、挑戰權威、社會關懷、發明創新同突破疆界等特質將成為年度嘅主流價值同思維。佢將唔會係一段太平盛世，更加唔可能重返古老美好。

卢总發表於 2009-1-1 03:40:27

水瓶座之年

轉型變革　總結過去嘅非常年
 　　令西方玄學家充滿敬畏嘅係，２００９年係數字學上稀有至聖、神祕商數為１１嘅年份，即２＋０＋０＋９＝１１。數字１１象徵機會與結束，一種接近臨界點嘅轉型重生。意味住對山羊座之年嘅功利、物慾、腐敗、濫權嘅徹底決斷，水瓶座之年將喺大規模社會改革、科技革命氛圍下，静静雞進行另一項宗教信仰、人道同理想主義嘅安靜革命。
 　　今年日蝕月蝕出現頻率較往年為高（总共６次），而且都落喺主要嘅節日，例如１月大年初一嘅水瓶座日蝕、２月元宵節嘅獅子座月蝕，甚至喺７月２２号重將會出現對亞太地區（包括台灣、中、印、日）效應最強嘅本世紀最長日全蝕（６分３９秒）。
 　　受日蝕月蝕效應震盪影響較明顯嘅個別星座就有：水瓶座、巨蟹座同獅子座。 　　 　　水瓶座之年係友誼年，亦係人脈建立與調整嘅總結算時刻。全球經濟喺復甦之前仍然要持續一段下墜嘅時期。建議簡化生活、還清負債、寬厚積福，投資自己同實體資產，降低股債比重。保守理財，保值保本、穩健成長為上。

卢总發表於 2009-1-1 03:42:12

土火旺　風混亂

今年土象星座（金牛座、山羊座、處女座）喺亂局中以核心價值最優同受挫最少勝出，係最大贏家。 　　 　　火象嘅白羊座、獅子座同人馬座掌握危機同轉機嘅動力，搶先為下階段攝位，運勢居次。 　　 　　水象嘅雙魚座、巨蟹座同天蠍座，各自面對不同嘅人生轉型壓力，排名第三。 　　 　　相比較之下，風象部份，今年嘅「水星退行」（星座所謂烏龍、混亂週期）高達四次，分別落喺同屬風象星嘅水瓶座、雙子座同天秤座，呢三個星座今年嘅運勢恐怕將會變得麻煩多多、變數大增，痛苦指數排名第一。

卢总發表於 2009-1-1 03:43:45

２００９年星座排行榜

事業：⒈金牛座　⒉雙子座　⒊白羊座
 　　財運：⒈山羊座　⒉巨蟹座　⒊人馬座 
　　情事：⒈巨蟹座　⒉獅子座　⒊處女座 
　　考驗：⒈雙魚座　⒉水瓶座　⒊天秤座

卢总發表於 2009-1-1 03:45:29

水瓶座　Aquarius　１月２０～２月１８

石破天驚　盛大登場　插柳成蔭　事業稱霸一方 　　 　　２００９年對水瓶座而言，將係告別灰暗、一飛沖天嘅發跡年。運勢同舊年反差好大，頗有從差班狂飆到明星班嘅嶄新氣象。突破自我極限嘅人生出現驚喜轉向，生涯目標嘅優先順位亦將全然不同。元月嘅水瓶座日蝕伴隨事業良機上門，一路波折，卻亦安然無恙，第四季達到高點。 　　 　　事業學業 　　水瓶座今年事業獨創一格，能拋下包袱、另闢蹊徑，堅強抵抗不時傳嚟嘅人事、財務意外，孤單噉堅持抉擇。抗壓性同獨創性十足，好似不倒翁，打唔垮，壓不倒。雖然若干長久嘅合作關係有可能出現變化，但卻亦係揚眉吐氣嘅全新佈局。
 
　　財富健康 　　今年財運唔算理想。除咗專心投入工作，無暇理財投資、賺錢動機唔多強，額外獎金、酬金、津貼變少，重時不時有花錢消災嘅情形出现。反而係合夥人財務唔錯，貸款負擔減輕。健康要密切將關，充沛活力嘅外表下，亦難免脆弱，尤其喺６、７月。
 
　　愛情婚姻 　　情感轉入調整、修正期。最初嘅感動隨住彼此喺某条岔路上嘅偏離漸行漸遠。唔係幸福暫時冬眠，就係以遠距離或幻象維持形式。戀愛中嘅男女則喺彼此極端放任或佔有嘅矛盾中，維持某種曖昧，有閃電分手、結婚傾向。婚姻會露警訊。 　　 　　美麗人生：１月下旬到２月中旬、５月下旬到６月下旬、９月下旬到１０月下旬。 　　 　　年度叮嚀：學會適時放手，然後再開始。 
　　開運飾物：海藍寶、紫水晶手環或尾戒 　　招財幸運色：金屬銀、靛藍、淺紫 　　辟邪吉祥物：粗鹽、水晶 　　愛情靈藥：紅玻璃樽內裝迷迭香、薰衣草同粉水晶 　　幸運日：礼拜六 　　幸運數：０

卢总發表於 2009-1-1 03:48:27

雙魚座　Pisces　２月１９～３月２０

昨非今是　人生澈悟　淡泊名利　事業重社會責任
 
　　２００９年對雙魚座而言，將係靈性成長、累積能量，值得期待嘅一年。事業與人生喺承受若干不可逆轉嘅改變後，毅然轉身，調整追求重點。運勢雖較舊年平淡，大致都係功大於過、得大於失，總結喺各方面都有比較正面嘅長進。上半年頭痛問題接二連三，７月後低氣壓開始明顯消退。   　　事業學業 　　雙魚座今年事業反璞歸真，人文、公益氣息重，企業規則、商場節奏全不受用。舊年第三季確定嘅事業走向促成日後接到某个難得嘅邀約，轉往公益領域或扮演弱勢代言角色。可惜同老闆或朋友關係比較缺乏溝通與默契，導致誤解、衝突或反面。   　　財富健康 　　今年財運并唔睇好。對榮華富貴睇得比較開，原本生財致富就非今年嘅首要目標，加上手上資源偶而要仗義捐輸、緊急支應，閒錢無多。此外重要嚴控財務文件或帳目、公款處理，第四季有可能財務惡化。今年健康較弱，注意保養預防。
 
　　愛情婚姻 　　情感滋味酸甜帶苦。為咗嚮往幸福，要背負沉重嘅愛情十字架。唔理係真心（今年機會好大），定係各取所需嘅情感交易、控制狂、老少配、姐弟戀，愛得都好辛苦。戀情男女可望排除萬難，修得正果。已婚者則係喺烽火中一路扶持。 　　 　　美麗人生：２月中旬到３月中旬、６月下旬到７月下旬、１１月下旬到１２月下旬。 　　 　　年度叮嚀：擁抱夢想，話畀全世界知：有何不可？   　　開運飾物：海藍寶、紫水晶耳環 　　招財幸運色：銀白、湖綠、粉紫 　　辟邪吉祥物：檀木香囊 　　愛情靈藥：橙橘調、花香調或木質調嘅魔法香水 　　幸運日：礼拜四 　　幸運數：９

卢总發表於 2009-1-1 03:50:26

白羊座　Aries　３月２１～４月１９

夢想起飛　英才得展　富貴藏鋒　事業舉足輕重 　　 　　２００９年對白羊座而言，將係顛覆想像、挑戰禁忌嘅事業年。運勢較舊年得意，溫馨嘅友誼更添滿意。
 　　事業持續位居要津或掌握實權，長期嘅生涯嘗試終於搵啱路線同理想落點，有躍居檯面、進軍公職或公共領域嘅企圖。除咗４月底到８月中比較頭痛，其餘都喺原則、方向確定之後相對順遂。
 
　　事業學業 　　白羊座今年事業重新定位，大膽創新、引爆話題，有鼓動前衛概念或尖端技術嘅壯舉。以交遊廣闊，人脈遍及各層級、文化或專業取勝。唔少人更藉敏捷才思同犀利筆鋒創作發聲，快速累積票房。可惜長期得志，過度自信恐招嚟權力反噬。
 
　　財富健康 　　今年財運吉，資產規模亦遠較外表顯示更多。雖然對賺錢、存錢花費嘅心力有限，僥倖之財更少，但同事業、學業、專業有關嘅潛藏（或未開發）資源卻係極為雄厚。今年健康大幅改善。飲食、運動、保健缺失或病痛可獲對症良藥紓解。
 
　　愛情婚姻 　　今年情感充滿各式情意糾結與翻轉起落。愛情之路多意外地雷，突發事件可能導致某連結嘎然而止，或從冰溫瞬間解凍。要克制霸道、佔有衝動或挑戰禁忌嘅不倫之戀。戀情男女友誼升級，有想婚衝動。婚姻則係品質改善，享受親情。
 
　　美麗人生：３月下旬到４月中旬、７月下旬到８月中旬、１１月下旬到１２月中旬。 　　 　　年度叮嚀：水能載舟，亦能覆舟。 　　 　　開運飾物：鑽飾、紅瑪瑙、紅寶石戒指（戴拇指） 　　招財幸運色：紅、白 　　辟邪吉祥物：松、杉、柏精油香囊 　　愛情靈藥：抹上玫瑰精油嘅１２枚愛神銅板 　　幸運日：礼拜二 　　幸運數：３

卢总發表於 2009-1-1 03:52:31

金牛座　Taurus　４月２０～５月２０

雄才大略　出類拔萃　眼光精準　事業扶搖直上
 
　　２００９年對金牛座而言，將係叱吒風雲、境界提升嘅輝煌年，運勢較舊年精彩數倍。工作與情感大都向理想方向加速邁進，社會地位、專業形象同績效成就頗獲外界肯定，可望跳槽轉業、高薪聘請、喜獲殊榮或轉進更優人生舞台。下半年開始由巔峰下滑，７月係危險月。第四季投資運佳。 　　 　　事業學業 　　金牛座今年事業雄心萬丈，更上層樓，以專業實力、堅強靠山、創意表現同強勢行銷取勝。官運、考運看好。喺外語考試、跨國企業或國際業務享有佳績，生涯前景亦漸從轉型搵到樂觀契機。９月上旬有重大交涉、談判，易被對手低估輕放。
 
　　財富健康 　　今年財運看好。努力工作、減少浪費，加上對金錢數字有概念、勇於接受合理投資風險，銀行存款節節上升。正業所得佔主要比例，有升官加薪機會，第四季有一波投資好運。今年健康大致良好，１１月中以後活力下滑，要注意保養。
 
　　愛情婚姻 　　今年情感矛盾起伏。雖然事業輝煌，情感卻幾乎不及格。因為自尊，經常故作大方，淪為愛情配角。要誠實溝通先可以突破幸福障礙。戀情男女則係將工作擺喺愛情之前，盲點有待化解，年底有幸福火花。婚姻變成一種責任與信仰。 　　 　　美麗人生：４月下旬到５月中旬、８月下旬到１０月中旬、１２月下旬到１月中旬。
 
　　年度叮嚀：眼望繁星，腳踏實地。 　　 　　開運飾物：鑽石、綠寶石、粉水晶頸鍊 　　招財幸運色：綠 　　辟邪吉祥物：水晶 　　愛情靈藥：綁上粉紅、鵝黃同粉白三色緞帶嘅６朵紫蘿蘭 　　幸運日：礼拜五 　　幸運數：６

卢总發表於 2009-1-1 03:54:17

雙子座　Gemini　５月２１～６月２０

積極開創　有為有守　生財有道　事業發現新大陸
 
　　２００９年對雙子座而言，將係走出井底、自在翱翔嘅躍升年，運勢較舊年繽紛。闔上晦暗嘅人生章篇，唔再為人哋期待而活，亦唔再坐以待斃。事業喺變動中搶先尋得機會點，肩負各式沉重責任、義務同權力光環時，更不忘投資自己，係生活嘅哲學家。年初麻煩較多，７月中以後漸入佳境。
 
　　事業學業 　　雙子座今年事業蒸蒸日上，籌碼雄厚，儘管年初即可能有突發人事調整、組織重編或其它震撼，但卻能安然無恙。以長跑耐久、策劃精準同眼界過人取勝。深造、出國運強。工作同理財都有得力拍檔，合夥人發達、重有繼承家業、祖產之兆。
 
　　財富健康 　　今年財運看好，用度不缺。偏財進帳較多，特別係嚟自貸款、獎金、保險、或其它補助款項、合夥利潤。理財量入為出、謹慎保守，無謂浪費耗損大幅減少、損失扳回，財富明顯累積。今年健康狀況中上。除咗偶感小病痛，隱憂已消除。
 
　　愛情婚姻 　　今年情感辛辣有味，親密、浪漫指數大增。向來係行囊輕簡、來去瀟灑嘅情感遊牧族，呢回似乎已準備好接受承諾嘅重量。要克制沉淪與著魔。戀情男女難以抗拒危險誘惑，幸福密度轉強。婚姻回歸家庭價值，冇背叛。 　　 　　美麗人生：１月下旬到２月中旬、５月下旬到６月中旬、８月下旬到１０月中旬。
 
　　年度叮嚀：意志決定勝負。
 
　　開運飾物：黃水晶、紫水晶、瑪瑙、祖母綠手環或尾戒 　　招財幸運色：紫紅、黃、炫彩色、格仔條紋 　　辟邪吉祥物：紫水晶 　　愛情靈藥：連體狀嘅愛情魔法蔬果 　　幸運日：礼拜三 　　幸運數：４

卢总發表於 2009-1-1 03:57:23

巨蟹座　Cancer　６月２１～７月２２

忍辱負重　逆勢崛起　財運起伏　事業處變不驚
 　　２００９年對巨蟹座而言，將係百感交集、憂喜參半嘅非常年，運勢較舊年嚴峻。情感或事業夥伴關係遭檢驗，反而激發無比潛能同驚人意志，拒絕示弱。事業隱身幕後或扮演智囊、顧問角色，與各方勢力維持等距。年底為親友紓困，２月、７月、８月震盪。下半年係較有建設性嘅時段。
 
　　事業學業 　　巨蟹座今年事業深度耕耘，議題專注、團隊發威且抗壓耐震，工作量同責任如潮水般湧入。原本暗中比拼、虛耗內力嘅關係已搬開石頭，以集體智慧、謀略佈局同靈活機動取勝，利合資創業、商場交涉同臨時任務。某段塵封往事再度成為話題。   　　財富健康 　　今年走偏財運。正業所得儘管變動唔大，業外收入例如贈與、退稅、津貼、佣金或投資盈餘卻經常會有，財力較外表為佳。不過恐防會遇到合夥人財務緊張、失竊、公費不足或意外破費等財務損失。今年健康大致良好。提防用腦過多、水土不服。
 
　　愛情婚姻 　　今年情感壓迫得令人窒息。好似要用加倍嘅幸福劑量，將自己灌醉。要克制沉淪、迷戀、緊逼盯人或情緒角力。戀情男女互許承諾，關係正式公開。可惜從最差到最佳配對都有，幽怨、抱怨、不滿、困惑交織。婚姻默契反而相對提高。 　　 　　美麗人生：２月下旬到３月中旬、６月下旬到７月中旬、１０月下旬到１１月中旬。
 
　　年度叮嚀：設身易地而處。
 
　　開運飾物：月石、橄欖石、珍珠長胸鍊、腰鍊 　　招財幸運色：珍珠白、銀白 　　辟邪吉祥物：粗鹽、水晶 　　愛情靈藥：蘋果、檸檬、杏等愛情魔力果 　　幸運日：礼拜一 　　幸運數：２

卢总發表於 2009-1-1 04:00:16

獅子座　Leo　７月２３～８月２２

卓越幹練　共濟群力　事業穩紮穩打　財力止跌回升
 
　　２００９年對獅子座而言，將係達成共識、幸福來訪嘅溫馨年，運勢較舊年順心。事業自助人助、良機大增，尤其誤會冰釋、擺平陳年恩怨，甚至結盟合作更具深意。年初事業一舉登上新高，不過隨即喺２月獅子座月蝕效應下，恐將遭逢突發事故衝擊。１１月中以後撥雲見日。
 
　　事業學業 　　獅子座今年事業阻力消失，表現持平，以合作雙贏、周延規劃、高效執行同團結互助取勝，利簽約、和解同交涉。工作細心稱職，為避免過氣落伍，勇於引入新觀念同新元素。可惜主觀強烈，難以接納善意建言而陷入見樹不見林嘅盲點。
 
　　財富健康 　　今年財運中上，財運高點落喺最後兩個月份。雖然冇太多所得成長同天外飛嚟嘅禮物，所幸財務損失解套，理財樽節開銷，慳錢作戰奏效，有餘錢奢侈或善待自己。今年健康係運勢主軸之一，可望大大改善。不過要提防身材走樣。
 
　　愛情婚姻 　　今年情感開花結果，願為幸福賭上青春。寧缺毋濫嘅高標準喺年初達到臨界點，不婚族、待婚族、暗戀族、單戀族全部可能改變心意，扭轉幸福。２月獅子座月蝕係個幸福契機。要克制眼界過高。未婚男女可望締結良緣，婚姻同諧。 　　 　　美麗人生：３月下旬到４月中旬、７月下旬到８月中旬、１１月下旬到１２月中旬。
 
　　年度叮嚀：百密仍有一疏。
 
　　開運飾物：金戒、黃寶石、紅瑪瑙、琥珀戒（戴無名指） 　　招財幸運色：金色、深紅 　　辟邪吉祥物：萊姆、薄荷、杜松、松香精油香囊 　　愛情靈藥：九滴薰衣草精油ＳＰＡ 　　幸運日：礼拜日 　　幸運數：１

卢总發表於 2009-1-1 04:02:28

處女座　Virgo　８月２３～９月２２

稱職盡份　迭有佳作　高調理財　事業進退有據 　　 　　２００９年對處女座而言，將係兢兢業業、全力以赴嘅忙碌年，運勢較舊年平淡。生活與工作好似上咗發條嘅固定公式與流程，規則、繁複、可預期。所幸長久以嚟一直壓抑嘅夢想，實現有望。零星表演機會亦能適時掌握，才情搵到新出口，事業選項變多。上半年平順，下半年財務緊縮。 　　 　　事業學業 　　處女座今年事業主打績效牌，精簡成本、發揮最大效益，以品管優良、加倍努力、不計身段同隨時待命取勝。尤其熱心助人、不厭其煩，係危機時嘅救火隊。截止效期前擺平大小疑難雜症，完成高難度任務嘅神勇，更成就咗另一種人生機會。
 
　　財富健康 　　今年財力穩定成長。存款增加主要落喺減少浪費、節約開銷同降低物慾等節流對策。投資所得係另一個收入來源，不過投資標會傾向實體有價物件，入場時機正確，回報率唔錯。今年健康係運勢主軸之一，狀況好轉、健康加分。易肥。   　　愛情婚姻 　　處女座今年情感繁花似錦。壓抑嘅苦戀與錯過嘅遺憾終於得到宣洩嘅出口。拘謹矜持退去，開始勇敢表露真心、大膽宣示，可望談一場似樣嘅戀愛。要克制被愛情奴役嘅慣性。戀情男女關係確定，有定情、步上紅地毡嘅諗法。婚姻品質轉優。 　　 　　美麗人生：４月下旬到６月中旬、８月下旬到９月中旬、１２月下旬到１月中旬 　　 　　年度叮嚀：為自己而生。
 
　　開運飾物：橄欖石、玫瑰石、藍寶石尾戒或手環 　　招財幸運色：藍黑、鐵灰 　　辟邪吉祥物：七顆瑪瑙同七顆金色珠仔交串嘅魔法手鍊 　　愛情靈藥：研磨玫瑰、芙蓉花瓣、蘋果皮同香草精而成嘅愛情魔法露（外用） 　　幸運日：礼拜三 　　幸運數：４

卢总發表於 2009-1-1 04:04:34

天秤座　Libra　９月２３～１０月２２

陽光來臨　生命點亮　財勢轉強　事業孤注一擲 　　 　　２００９年對天秤座而言，將係轟轟烈烈、耀眼登場嘅表現年，運勢較舊年精彩。際遇反守為攻，配角變主角。事業前途燦爛，家庭滿足欣慰，私生活捷報頻傳，全年處處可見財務成長、資產膨脹。尤其７月以後，１１月達到巔峰。記得預作籌劃佈局。可惜年底老問題糾纏，殺傷力已減。 　　 　　事業學業 　　天秤座今年事業水到渠成，醞釀已久嘅祕密武器、心血力作或登台時機已臻成熟，小試身手即獲熱烈迴響。有改寫事業記錄，再創生涯高峰嘅潛力。以優勢品牌、包裝精美同形象魅力取勝。可惜成就動機不強，容易劃地自限，埋沒才情。
 
　　財富健康 　　今年整體財運唔錯，所得同支出都有成長，經濟較先前寬裕，出手亦較大方。投資理財判斷與時機精準，小賺，但被拜金同戀物傾向抵消。親子關係變好，家族有增添新成員或置產、喬遷之喜。今年大半年身體健康，年底較易出现问题。 　　 　　愛情婚姻 　　天秤座今年情感高潮迭起。好似戀情國度裡面嘅騎士或公主，高貴熱情，適合被仰望。要克制扮ｃｏｏｌ、自戀同自以為係。戀情男女對愛情嘅悸動毫不保留，係積極嘅幸福獵人，亦將帶住擄獲嘅戰利品宣示主權。婚姻則係彼此提供心靈激盪與避難庇護。 　　 　　美麗人生：１月下旬到２月中旬、４月下旬到６月中旬、９月下旬到１０月中旬。
 
　　年度叮嚀：人生如逆水行舟，不進則退。
 
　　開運飾物：蛋白石、藍瑪瑙短頸鍊 　　招財幸運色：土耳其藍、粉紅 　　辟邪吉祥物：水晶 　　愛情靈藥：晾乾茉莉、薰衣草、七里香混合磨成嘅愛情魔粉（外用） 　　幸運日：礼拜五 　　幸運數：６

卢总發表於 2009-1-1 04:06:12

天蠍座　Scorpio　１０月２３～１１月２１

守護現狀　落地生根　理財保守　事業排序後退 　　 　　２００９年對天蠍座而言，將係目標清晰、深耕經營嘅安定年，運勢平平。人生座標篤定，懂得取捨嘅智慧同珍惜生命中貴重嘅嘢，唔輕易動搖。居家同情感所託嘅歸屬基地係得意議題。失去聯絡嘅親友重逢，生活圈去蕪存菁，學習實用新知為專業加值。年初有喜，第一季事業震撼，第四季情運最佳。 　　 　　事業學業 　　天蠍座今年事業堅守版圖，唔積極擴張，亦唔易被攻陷或取代。以專精深入、品質穩定、經驗資歷取勝，可惜身價被低估。有社會責任同維持所屬團體向心力嘅使命。２月初事業難關, 伴隨獲獎、應徵機會。交友圈重組，近賢遠惡，志業加分。
 
　　財富健康 　　今年財運相對穩定。相較舊年財運年為積極，今年反向思考以保本、保值為重。回歸現金記帳、節制碌卡、簡化生活，收入不增，重可以存錢、捐輸。屋企係旺運中心，可望繼承家業、家產。今年健康問題不大，注意家人（母親）健康。
 
　　愛情婚姻 　　今年情感係一種返航靠岸。冇華麗嘅對話、偉大嘅理由，只係單純、自在嘅莫名牽引。易喺朝夕相對中，不自覺噉習慣。要克制辦公室戀情之類嘅不倫戀。戀情男女關係新鮮感消失，彼此依賴、分手不易。婚姻持平，享受家居樂趣。 　　 　　美麗人生：２月下旬到４月中旬、６月下旬到７月中旬、１０月下旬到１１月中旬。
 
　　年度叮嚀：保持心胸開闊，意外或奇蹟有時好難分辨。
 
　　開運飾物：紅榴石、黃寶石、琥珀戒指（戴拇指） 　　招財幸運色：酒紅、黑 　　辟邪吉祥物：黃、橙色光能寶石 　　愛情靈藥：黃、藍、紅三色辮子彩帶（編入戒指）手鍊 　　幸運日：礼拜二 　　幸運數：３

卢总發表於 2009-1-1 04:07:58

人馬座　Sagittarius　１１月２２～１２月２１

風塵撲撲　閱歷大增　低調生財　事業苦盡甘來
 
　　２００９年對人馬座而言，將係爬得高、飛得遠嘅熱鬧年，運勢較舊年更好。勇於嚐新求變，享有新嘅成長與事業收成，但亦需要付出相當代價。尤其工作同家庭兩面作戰、無法兼顧，更係考驗彼此嘅極限與智慧。第一季偏財運佳，事業審慎樂觀。下半年起運勢先會出現大幅樂觀轉向。
 
　　事業學業 　　今年事業多角經營，涵蓋面廣，以跨業合作、輕薄短小、策略靈活、創意行銷同掌握潮流脈動取勝，利銷售、發行。官運、考運轉強。可惜若干合作嘗試屬短期實驗，過程、內容豐富但深度稍欠，避免目標龐雜、虎頭蛇尾同損友拖累。 　　 　　財富健康 　　今年整體財運不錯，名列諸星前三。不過財富累積好低調，來源亦多自外快、贈與、紅利、佣金、退稅、補助等非正式收入，所得略大於支出。投資理財短線操作小賺。今年身體要多保養。提防流感、風寒傳染小病，注意家人健康。 　　 　　愛情婚姻 　　今年情感火花同稜角一樣多。匆匆走過嘅美麗，來去只淨淡淡嘅記憶。要克制一腳踏兩船、外遇或一夜情。戀情男女則係對幸福蠢蠢欲動，卻又拒絕交出自由、真心同自我。婚姻一度碰觸底線，尤其喺溝通不足、各執立場下，更顯岌岌可危。 　　 　　美麗人生：３月下旬到４月中旬、７月下旬到８月中旬、１１月下旬到１２月中旬。 　　 　　年度叮嚀：重質不重量，貴精不貴多。 　　 　　開運飾物：琉璃、土耳其石戒指（戴食指） 　　招財幸運色：寶藍、紫 　　辟邪吉祥物：鼠尾草或檀木精油香囊 　　愛情靈藥：情歌、情詩、或內裝粉水晶同香草嘅愛情錦囊 　　幸運日：礼拜四 　　幸運數：５

卢总發表於 2009-1-1 04:10:25

山羊座　Capricorn　１２月２２～１月１９

脫胎換骨　苦後回甘　財運稱冠　事業搏杀有成 　　 　　２００９年對山羊座而言，將係翻天覆地、徹底轉型嘅挑戰年，運勢不如舊年。尤其將數度與天外飛來嘅人生變局正面交手，過程歷經痛苦煎熬與試煉，先出現終極蛻變。事業置之死地而後生，掌權、稱霸、顯赫、尊榮可期。第一季、第三季同年底運勢震盪，全年財運睇好，存款節節上升。 　　 　　事業學業 　　山羊座今年事業硬仗連連，冇僥倖空間。以誠意勤快、任勞任怨、物超所值、忠實牢靠同精簡成本、提高效益取勝，係比較唔易名列裁員清單嘅中流砥柱。可惜人算不如天算，有時難免受外部不利因素拖累，生涯規劃要有危機感同權宜之計。 　　 　　財富健康 　　今年聚寶盆發威，吸金指數排名第一，係經濟上較為寬裕嘅好年。財富所得多半嚟自正業，收入待遇反映身價，亦同付出嘅心血與貢獻成比例，唔適合投機冒險、一夕致富。 　　今年身體要注意舒壓、情緒管理同適度休息，小心肝腎過勞。
 
　　愛情婚姻 　　今年情感如溫火慢熱，但後勁超強。外表看似雲淡風清，內在卻刻骨銘心。要克制善嫉、專斷或沉溺。戀情男女儘管對幸福演繹充滿霸道嘅佔有慾念，卻不失誠懇負責。婚姻守信、淡而有味，物質、心靈同生活相互依賴，關係相對穩定。
 
　　美麗人生：１２月下旬到１月中旬、４月下旬到５月中旬、８月下旬到９月中旬。 　　 　　年度叮嚀：投資自己。
 
　　開運飾物：紅榴石、水晶、黑瑪瑙戒指（戴中指） 　　招財幸運色：黑、墨綠 　　辟邪吉祥物：黑曜石 　　愛情靈藥：Hung Vajra Peh（西藏愛情咒語：我將誠心熱烈去愛） 　　幸運日：礼拜六

驴仔冇嘢讲 發表於 2009-1-1 06:04:26

不如开个版畀你做版主吖拿！<IMG alt="" src="http://bbs.cantonese.asia/images/smilies/default/titter.gif" border=0 smilieid="9">

不关云和月 發表於 2009-1-1 10:15:47

原帖由 卢总 於 2009-1-1 03:43 發表 <A href="http://bbs.cantonese.asia/redirect.php?goto=findpost&pid=128236&ptid=14529" target=_blank><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> 　　事業：⒈金牛座　⒉雙子座　⒊白羊座　　財運：⒈山羊座　⒉巨蟹座　⒊人馬座　　情事：⒈巨蟹座　⒉獅子座　⒊處女座　　考驗：⒈雙魚座　⒉水瓶座　⒊天秤座　　 ... 
 
哈哈哈，我嗰星座09财运旺，贵言。<IMG alt="" src="http://bbs.cantonese.asia/images/smilies/default/titter.gif" border=0 smilieid="9">

不关云和月 發表於 2009-1-1 10:16:39

☆╭┐┌╮☆°．﹒ ╭┘└┘└╮∴°☆° └┐．．┌┘───╮∴° ╭┴──┤HAPPY  ├╮ │ｏ　ｏ│牛YEAR │●° ╰┬──╯　　     │ ∴°﹒ ☆ □|□/□□□□□/∴☆ 祝2009年心想事成

xiss 發表於 2009-1-1 13:15:26

嗯，呢份貼含金量幾高下~~~

頁: [1] 2

粵語協會's Archiver