你哋有冇人識區分呢幾個 sing1 字。
升、昇、阩、陞、陹、𧿘(足升)我查過《康熙字典》嘅解釋：
升：古時祇用呢個字，代替其餘五個嘅用法。
昇：日上也，古祇用升。(日昇東方) 昇，平也。(歌舞昇平)
阩：登也，本作陞。或作(足升)。
陞：晉陞，提陞。如陞高
陹：本作昇。日之升也。 又州名。
(足升)：與陞同，登也。
總結嚟講，古時祇有“升”，後來爲咗區分同利用。
升，嘅“日之升”同“登也”嘅兩種解釋用另外嘅字表示，其保留體積單位“升”。
昇、陹：從“升”分化出嚟，專表示“日昇東方、歌舞昇平”呢類詞。以昇作正體，陹作異體。
陞、阩、𧿘(足升)：從“升”分化出嚟，專表示“登也”，即“步步高陞、陞官、陞級”，即與“降”相反，所以部首亦與“降”相同。陞係正體字，阩、𧿘(足升)屬異體。
我覺得而家嘅簡體又將咁多個 sing1 合併返做一個“升”，等同復古。
最後我觀點，應該要區分開嚟用，前人將之區分，定有佢原因，或者係從詞文達意上，“昇”更加適合“日昇東方”呢類。“陞”與“降”互爲相反，部首相同，更有詞文達意，語意相一嘅道理，所以唔好盲目一律用“升”。
大家重有咩高見？
Re:你哋有冇人識區分呢幾個 sing1 字。
我淨係見過 升、昇我習慣咩都用 升
陞 都好似喺啲揮春度見過，唉~唔記得喇
Re:你哋有冇人識區分呢幾個 sing1 字。
我一般係量詞代表容積嘅用“升”，如“升斗市民”；對週期性、規律性或實物嘅日出、旗幟等用“昇”，如“昇旗、昇降機”；而一次性、無規律或概念意義嘅級別、官階用“陞”，如“陞官發財、軟件陞級”。Re:你哋有冇人識區分呢幾個 sing1 字。
“昇降機”抑或“陞降機”？Re:你哋有冇人識區分呢幾個 sing1 字。
一般我都用「升」,有時都會用「昇」,不過嫌麻煩我多數都「升」晒算數(輸入碼不同),後面嗰幾個就基本冇用,除咗「陞」外嗰幾個唔講我直頭唔知添Re:你哋有冇人識區分呢幾個 sing1 字。
“歌舞昇平,步步高陞”呢兩個例子，講名，個sing1字分開寫，更好噉樣表達詞嘅意思。陞降機，不如講“電梯”好過啦。
Re:你哋有冇人識區分呢幾個 sing1 字。
陞降機嘅上上落落，唔屬於週期運動，因爲佢嘅週期無規則。太陽就有規則，而且永遠唔會見到佢喺東邊落陽，況且太陽嘅“昇”唔係實質嘅“陞”動作，祇係我哋處於地球覺得佢係“昇”。所以太陽嘅“昇”同電梯嘅“陞”有所不同。
而至於國旗，喺學校就話每星期一次，好似好有規律，但離開咗學校，就並非每星期一次。而且佢係實質意義上嘅“陞”。同“陞降機”嘅“陞”係一樣嘅。所以理應都用“陞旗”。
至於“升”，由古義嘅一字多義，被“陞”與“昇”分化之後，其祇保留容積單位之義。
Re:你哋有冇人識區分呢幾個 sing1 字。
"陞"同"昇"由虚实义来分得嘞啩"陞"为虚
"昇"为实
事实有时系好难完全区分嘅,非常同意全部简化为"升"
Re:你哋有冇人識區分呢幾個 sing1 字。
sing1字太多确实唔好，我认为应该保留两个，一个用于度量，一个用于表示动作Re:你哋有冇人識區分呢幾個 sing1 字。
highyun在2005-08-27 23:19:20說道：sing1字太多确实唔好，我认为应该保留两个，一个用于度量，一个用于表示动作讲得在理,但系"陞"同"昇"会为生存权打餐死
Re:你哋有冇人識區分呢幾個 sing1 字。
其實唔難區分，都係三個字，“升”表示容積單位，“昇”表示太陽及“歌舞昇平”呢類，其餘就係“陞”(包括陞降機、陞級、陞官、步步高陞、陞旗)，好難咩？Re:你哋有冇人識區分呢幾個 sing1 字。
anl在2005-08-28 18:28:54說道：其實唔難區分，都係三個字，“升”表示容積單位，“昇”表示太陽及“歌舞昇平”呢類，其餘就係“陞”(包括陞降機、陞級、陞官、步步高陞、陞旗)，好難咩？anl呢個解釋，使到我容易啲理解呢幾個字嘅用法啦~~~ em2:
頁:
[1]