佮份﹖合份﹖-highyun移-
我無意中見粵語字小字典有個「佮」字﹐讀gap3﹐解釋﹕「佮份(合份)」。我第一次見到呢個「佮」字﹐就去查字典﹐原來真係等於「合」。《說文》﹕「佮﹐合也」。
不過﹕①「合」都可以讀gap3﹔②「佮」字比較少見(大五碼冇呢個字)﹔③「佮」唔似係本字﹐就算係本字都冇所謂喇﹐因為「合」已經通用。
所以﹐除非否認「合」個gap3音﹐我覺得好似唔使用呢個「佮」字。
Re:佮份﹖合份﹖
dada, 想問吓你寫嘅 /gap3/ 係讀 /gap3/ 定係 /gaap3/ 呢? 怕混淆咗你指嘅讀音。Re:佮份﹖合份﹖
我根據粵語字小字典同埋粵語審音配詞字庫﹐兩度都話係gap3。我話大五碼冇呢個字﹐其實係《國語辭典》冇。
Re:佮份﹖合份﹖
anl好似好推崇呢個「佮」字喎,噉「佮」同「夾」又點樣區分呢???Re:佮份﹖合份﹖
噉「合」/gap3/ 嘅讀音就唔係好啱「佮份/夾份」/gaap3/ 呢個音啦。Re:佮份﹖合份﹖
根據粵語審音配詞字庫﹐「佮」都冇gaap3音噃。Re:佮份﹖合份﹖
佮份,啱音又啱義。其實“夾”字可能係誤讀。Re:佮份﹖合份﹖
佮﹐人+合﹐意義真係好啱。但係「合份」都係啱音又啱義。「合」已經由「器蓋相合」引申為會合﹕「合群、合宅、合夥」都唔需要人字邊。Re:佮份﹖合份﹖
我話“佮份”個“佮”係讀gap8,讀gaap8係誤讀囉。如果依照《粵語審音配詞字庫》,“合”讀gap8嘅時候,係容量單位,即係名詞,唔屬動詞。讀hap9先係動詞,不過唔啱音。
所以我採用“佮份”,形音義結合都啱粵語使用。
Re:佮份﹖合份﹖
原來gap3/gap8真係容量單位。不過《廣州話方言詞典》用「合」(合檔……)。Re:佮份﹖合份﹖
噉“夾雜”又可唔可以係“佮雜”呢???Re:佮份﹖合份﹖
dada在2005-08-18 04:42:54說道:佮﹐人+合﹐意義真係好啱。但係「合份」都係啱音又啱義。「合」已經由「器蓋相合」引申為會合﹕「合群、合宅、合夥」都唔需要人字邊。噉讲法,“夹”同样系音义都啱
Re:佮份﹖合份﹖
highyun, 都講咗咯,係讀gap8份唔係讀gaap8份。夾 喺《粵語審音配詞字庫》度唔祇一個音,但事實上好似冇乜人將“夾”讀gap8。
另外有“gip9”,例如“逼夾”可以發呢個音,又可以讀 gep9親隻手。
同樣應該屬 i - e 互轉嘅呢種關係。
Re:佮份﹖合份﹖
点解话gap3啱,而gaap3唔啱呢?我觉得两个音都系啱嘅,我听到好多人都系讲gaap3
頁:
[1]