转返啲帖过嚟之《坐巴士听歌（老作原创）》
A君某日坐喺架巴士度。 <BR><BR>忽闻有啲好似老鼠行钢丝噉嘅声，即时就起晒「鸡皮」。 <BR><BR>静耳听龟音，原来有位学生哥喺度一边听歌一边卡拉紧佢嘅OK。 <BR><BR>嗰个学生哥，唱完一首又一首，当正架巴士系红馆噉...... <BR><BR>大佬呀，呢度唔系K房，又唔系你屋企，使唔使HIGH成噉呀？！你把声有冇张学友咁靓先？谁不知重核突过E神，点啃呀？！ <BR><BR>于是乎，A君忍唔住就想「窒」佢，点知畀B君抢咗支咪，对住个学生哥讲：「后生仔，唔好嘈住晒啦，好烦呀！」 <BR><BR>学生哥竟然冇有熟性，面皮好厚噉话：「唓，我自己唱自己听，又冇请你嚟听，关你乜Q事噃？！」 <BR><BR>A君度咗啲台词好耐吖嘛，而家终于有机会「发围」嘞！对学生哥话：「问题系我先买咗一文飞之嘛（解话：搭巴士之唔系就一文啰！），你把声咁杀食，分分钟可以喺红馆开个唱啦！我惊自己畀唔起钱呀！架巴士咁CHEAP，你唔系想捞埋盲公卖唱嗰份啩？！」 <BR><BR>嗰个学生哥当场「红都面晒」...... <BR><BR>笔者忠告：后生仔，唔好意思，我哋冇买飞嚟听你嘅演唱会咖！以后唔好再喺架巴士度开咪啦！ <BR>
頁:
[1]