[原創]韻母ui和eoi可否歸並
我個人認爲可以歸並，因爲現有嘅韻母ui和eoi所轄嘅字基本係互補嘅，首先睇下由呢两個韻母構成嘅音節：- b p m f d t n l g k ng h gw kw z c s j w
ui 杯 胚 煤 灰 癐 繪 回
eoi 堆 推 女 雷 居 拘 虚 追 吹 需 銳
由上表可以睇到，除咗癐gui、繪kui和居geoi、拘keoi呢两組音節之外，其馀音節都係互補嘅。而我認爲，在韻母eoi之前加u介音，就可以好自然噉發出ui嘅音，若将u介音拼作聲母，癐gui、繪kui則可分别拼成gweoi、kweoi，噉樣，ui、eoi韻母嘅音節就完全互補喇。再睇睇ui韻嘅其他音節，将回wui改拼爲weoi，發音實在感覺唔到有乜嘢唔同；杯bui、胚pui、煤mui、灰fui都係唇音聲母，改拼爲beoi、peoi、meoi、feoi之後，睇起身虽然冇咗u音，但係由於唇音聲母嘅影嚮，仍然不可避免噉带有u介音，虽然有所弱化，但确實存在，聽感上同ui韻差别並唔大，根據音位歸並嘅相似性原則，将佢地歸並爲eoi韻當無不妥。至此，對於廣州音嚟讲，ui韻就可以全部並入eoi韻喇。當然，對於某啲方音，u介音相當顯著，而且连堆deoi、推teoi、女neoi、追zeoi等本屬eoi韻嘅音都带u音，則可将eoi韻歸爲ui韻。如此，韻母ui和eoi就可以歸並爲如下嘅風貌喇：
- b p m f d t n l g k ng h gw kw z c s j w
eoi/ui 杯 胚 煤 灰 堆 推 女 雷 居 拘 虚 癐 繪 追 吹 需 銳 回
以上只係我個人嘅體會，喺度提出嚟請大家指正，多謝。
Re:[原創]韻母ui和eoi可否歸並
喺eoi前面加u介音，发音的确好似ui，你嘅发现好有意思，不过始终有微小嘅分别，例如weoi同wui就唔同，你再体会吓。我觉得eoi同ui始终唔可以归并。佢哋之间嘅分别比eo、oe之间嘅分别更大。
不过话时话，ui同eoi嘅关系确实好密切，我有个海南亲戚就系将eoi发成ui嘅。
“对唔对”佢会读成“dui唔dui”
Re:[原創]韻母ui和eoi可否歸並
在斗門、台山、新會、開平、恩平、江門、東莞等地，eoi會唸成ui。見李新魁等：《廣州方言研究》，頁147Re:[原創]韻母ui和eoi可否歸並
楼上有呢本书？可否借来复印？
Re:[原創]韻母ui和eoi可否歸並
小狼在2006-3-13 1:08:53說道：在斗門、台山、新會、開平、恩平、江門、東莞等地，eoi會唸成ui。見李新魁等：《廣州方言研究》，頁147我以前个英文阿sir系海南人，佢都系将eoi读成ui嘅。
Re:[原創]韻母ui和eoi可否歸並
肇庆方言入面就冇韵母,对应嘅字全部发韵但系我觉得同合并不尽合理
韵有好明显嘅唇形,简单噉加个解释唔到读音嘅真正差异
Re:[原創]韻母ui和eoi可否歸並
绝对唔得其实噉样系翻咗汉语拼音同样有嘅失误
汉语拼音“u”喺唔同嘅声母前面有唔同嘅读音，但系“yu”呢个配搭就有另外一种读音系煲冬瓜里面无嘅，就系，类似英文you嘅发音，而且以前小学嗰时好多学生啱啱见到yuan就读成ywan
加上highyun举嘅例
更加可以讲明改咗之后，容易会误导某啲人读咗另一个音，所以我觉得都系唔可以合并
容易产生分歧嘅嘢，就应该用直观嘅方法加以区分，而唔系合并再加上说明，因为说明唔系个个人都识得去了解，就好似……简体字，哈哈
Re:[原創]韻母ui和eoi可否歸並
我喺大學圖書館裏面搵到呢本書嘅，佢哋規定唔可以複印，對唔住呀>.<~~我同意highyun嘅結論，呢兩個韻唔應該合併標示，不過兩者間嘅關係確係好密切嘅^^
Re:[原創]韻母ui和eoi可否歸並
ui和eoi发音始终有分别。我来自广西南宁，南宁白话当中所有的eoi都发成ui音。
頁:
[1]