阿强 發表於 2005-7-13 04:33:42

边位广州嘅仁兄帮帮手!

我系暨大嘅方言学博士生,为咗更好咁研究广州话,打算建立一个广州话口语语料库,宜家想搵一啲广州长大讲正宗广州话嘅人士录音,最好系西关口音.随便讲咩都得,就系倾偈咁就得架喇,乜嘢年纪,乜嘢职业都得架,或者介绍朋友同学街坊都得架!唔知大家可唔可以帮下手呢?
联系方式: 小灵通:31820892 qq:474989927 e-mail:davidcwq@163.com

顺德水蛇粥 發表於 2005-7-13 06:45:05

Re:边位广州嘅仁兄帮帮手!

搞公益？

阿强 發表於 2005-7-13 20:34:53

Re:边位广州嘅仁兄帮帮手!

只不过都系为咗将广州话发扬光大,更深入研究广州话,虽然我地日日讲,但系仲有好多嘢我地系唔清楚嘅,而且宜家普通话越来越普及,对广州话冲击好大,所以做咁样一个语料库系好有必要嘅.
    唔知兄台几岁来广州嘅呢?

顺德水蛇粥 發表於 2005-7-13 21:51:22

Re:边位广州嘅仁兄帮帮手!

出生第六日就来广州啦，即系我老妈子生完我出院嗰日。我嘅童年系係广州同佛山渡过嘅，时间各一半啦。不过，你哋嘢好大工程，帮唔到你啰。

itxu2k 發表於 2005-7-14 03:35:04

Re:边位广州嘅仁兄帮帮手!

精神上支持,不过我都唔系广州音...

顺德水蛇粥 發表於 2005-7-14 17:44:59

Re:边位广州嘅仁兄帮帮手!

等你啲作品出咗来，本人十分愿意做听众

庾庚 發表於 2005-7-15 08:20:46

Re:边位广州嘅仁兄帮帮手!

我系佛山本土人,虽然平时唔佛山话,但系应该唔系西关口音,只好精神上支持你啦~ em2:

毛小子 發表於 2005-7-28 09:39:09

Re:边位广州嘅仁兄帮帮手!

阿强在2005-07-12 20:33:42說道：我系暨大嘅方言学博士生,为咗更好咁研究广州话,打算建立一个广州话口语语料库,宜家想搵一啲广州长大讲正宗广州话嘅人士录音,最好系西关口音.随便讲咩都得,就系倾偈咁就得架喇,乜嘢年纪,乜嘢职业都得架,或者介绍朋友同学街坊都得架!唔知大家可唔可以帮下手呢?
联系方式: 小灵通:31820892 qq:474989927 e-mail:davidcwq@163.com


你讲d条件我基本符合，只是最近工作挺忙，不知有无时间帮到你！

顺德水蛇粥 發表於 2005-7-28 18:15:16

Re:边位广州嘅仁兄帮帮手!

年纪大嘅香港人得唔得？口音都几正咖，建议你扩阔范围，易揾啲。

阿强 發表於 2005-7-29 07:03:23

Re:边位广州嘅仁兄帮帮手!

香港粤语同广州粤语差别都几大,今次我哋只系限于广州粤语,下次有机会先搵香港嘅朋友帮手.

jumpsey 發表於 2005-7-29 09:49:04

Re:边位广州嘅仁兄帮帮手!

本來我自我評價都算係基本合要求嘅，不過最近正咗下音，主要就係將廣(gong2)講返(gwong2)，有意識噉將n,l分返開，唔知仲合唔合條件呢？

阿强 發表於 2005-7-30 07:55:24

Re:边位广州嘅仁兄帮帮手!

将"广"读成"讲",n,l唔分,其实已经系好多年轻人嘅发音习惯, 老人家一般呢两个音系分得好清楚嘅.
语言喺度不断发展, 新老派嘅读音正好反映咗广州话嘅发展趋势.
所以你冇须刻意纠正自己嘅发音.
我哋要嘅就系最自然嘅发音.

wai 發表於 2005-7-30 21:43:42

Re:边位广州嘅仁兄帮帮手!

阿强在2005-07-29 23:55:24說道：将"广"读成"讲",n,l唔分,其实已经系好多年轻人嘅发音习惯, 老人家一般呢两个音系分得好清楚嘅.
语言喺度不断发展, 新老派嘅读音正好反映咗广州话嘅发展趋势.
所以你冇须刻意纠正自己嘅发音.
我哋要嘅就系最自然嘅发音.

我諗最好用正音,規範啲,
將 廣 讀成 講,,,係懶音,唔係自然發音.自然嘅發音係純廣府話嘅發音.

廣州話發展到而家,畀外來音同化. 受香港音嘅影響.
所以要注意發音.個人意見.

highyun 發表於 2005-8-1 08:37:06

Re:边位广州嘅仁兄帮帮手!

阿强在2005-07-29 23:55:24說道：将"广"读成"讲",n,l唔分,其实已经系好多年轻人嘅发音习惯, 老人家一般呢两个音系分得好清楚嘅.
语言喺度不断发展, 新老派嘅读音正好反映咗广州话嘅发展趋势.
所以你冇须刻意纠正自己嘅发音.
我哋要嘅就系最自然嘅发音.

我唔系太同意呢种观点。将"广"读成"讲",n,l唔分，确实喺青少年入面非常普遍，但系噉并唔等于呢种系广州青少年广州话嘅正确（标准）发音，只系一种比较普遍嘅现象，因此唔可以将佢作为一种与老一辈人广州话发音相对嘅“当今广州话标准发音”嚟看待。如果唔系就会犯咗一个好严重嘅错误，导致人人都以为呢种懒音先系当代嘅“正音”。

顺德水蛇粥 發表於 2005-8-1 08:51:42

Re:边位广州嘅仁兄帮帮手!

我对将"广"读成"港"（唔系‘讲’），非常反感！特别系听到广州电视台啲播音员、主持人都系咁讲，真系想呕。
注：广-讲系同音字

highyun 發表於 2005-8-2 04:48:09

Re:边位广州嘅仁兄帮帮手!

顺德水蛇粥在2005-08-01 00:51:42說道：我对将"广"读成"港"（唔系‘讲’），非常反感！特别系听到广州电视台啲播音员、主持人都系咁讲，真系想呕。
注：广-讲系同音字

广 讲 同音？ 请你查吓字典先，唔好教坏人

小文仔 發表於 2005-8-25 19:54:31

Re:边位广州嘅仁兄帮帮手!

其实我啲好想帮手，不过我啲吾识讲白话，啱啱学嘅！对不吾 em6: em6:
頁: [1]
查看完整版本: 边位广州嘅仁兄帮帮手!