Re:[討論]如何解釋粵式英文名同粵拼規則有時唔一致？
多謝，個網站上面將拉丁同羅馬字母解說得好清楚。羅馬字母有廿三個，且只有大寫。
拉丁對羅馬 j = i, u = v, w = vv
如果係基於羅馬字拼音，唔會有 j u w 字母。
普通話拼音應該係從英語中引入 j u w，但拼音字母讀音又唔相同英語。
Re:[討論]如何解釋粵式英文名同粵拼規則有時唔一致？
highyun在2005-07-10 23:09:02說道：而家大陆啲幼稚园都已经同细路仔起晒英文名，不过喺中国绝对冇可能话喺护照身分证上面打个英文名出嚟，只能够打清一色普通话拼音。以前国语粤语差一票两票嗰单嘢，已经听咗无数个版本喇，不过无论系传闻定系真事，都已经系历史，而家嘅事实就系北京话系国语。我哋缅怀粤语过去嘅光辉都冇用，可以做嘅只系继续留住粤语嘅光辉。
如果大陸喺幼稚園就同細路仔起晒英文鬼名,咁真係唔係好事, 文化係由細開始培養的,哩種「不要小孩輸在起跑點上」的父母心理,對我哋本民族的文化傳承嚟講係一種隱形嘅破壞力。唔係話比人地識講多一句鬼話就一定將來嘅出路會好嘅，本身日後嘅努力比乜都重要。
Re:[討論]如何解釋粵式英文名同粵拼規則有時唔一致？
余ok在2005-07-11 21:08:10說道：阿松啲資料好豐富，辛苦晒！想問吓臺灣人名用英文拼咗後讀音同國語差別大唔大，係按國音第二式定嗰個wade-giles拼式呢？如果按後者似乎同廣東音有啲相似喎，怪唔知我喺頂樓帖所提到嘅人名類似噉拼法啦。係呢，可唔可以解釋埋咩嘢係wade-giles拼式呢？我對呢樣嘢比較陌生。。。台灣人名係用國音第二式拼嘅， 讀音同國語冇乜差o架。wg係鬼佬設計嘅，我唔記得係幾時制訂，應該係喺國民政府大陸時期（1949年之前）就有嘞；wg好似兩個人嚟嘅。
Re:[討論]如何解釋粵式英文名同粵拼規則有時唔一致？
desmond在2005-07-12 16:34:07說道：根據www.omniglot.com，拉丁字母應該同羅馬字母完全一致嘅。至於讀音方面就因應各種唔同嘅語言，每個字母分別代表唔同嘅發音。英文 /j/ 發「之」音，而德文 /j/ 發「衣」音。用臺灣嘅注音輸入法打注音符號，係唔使用羅馬字母嘅，臺灣出產嘅鍵盤都印咗注音符號喺上面，好多重有倉頡同大易輸入法嘅字母。
臺灣已經做咗一套自己嘅國語拼音，叫做通用拼音（唔知同注音二代有咩闗係），同漢語拼音相似度達80%左右。
哩個omniglot確係好嘢,好多種文字都有,連我感興趣嘅滿文,蒙文,越南文都有,整哩個站嘅人確係唔簡單。
最近台灣搞嘅通用拼音，其實真正目的係為咗所謂鄉土母語教學用嘅，即係想針對閩南話，客家話，原住民語（有十種誒！）。當然，明嘅講係以國語為主，其實，哩個係有政治目的嘅，想排除當初老蔣推行嘅國語嘅影響力，如果其他族群嘅方言或母語地位提升，咁就可以平衡一下國語嘅崇高獨尊地位（國語代表老蔣哩啲外省人，又哩啲外省人代表大陸，咁，大家明未？）。所以哩套嘢同國音注音第二式唔係同一件嘢。但係目的太明顯，搞到在野國民黨反對。既然搞注音，咁國語早有注音第二式，又國際上又係大陸嘅漢語拼音，根本係多此一舉。所以最後受到抵制，冇法有效推行。
其實，用注音應該比用abc簡易，你唔使配字母，聲韻嘅音都訂好曬，固定嘅。細路哥嘅兒童書（傳統嘅直行排版）也可以喺每個字邊皮加印注音，排版比用abc方便好多。注音喺1949年之前就喺大陸推行。ㄅㄚ=ba,ㄅㄧ=bi,......。羅馬字母系統母音字母不足, 大陸將ㄨ及ㄩ以一個u表示外(注音符號系統第二式以iu表示ㄩ), 而ㄜ及ㄝ也以一個e表示。哩個實在係好容易撈亂: 到底一個u係代表ㄨ（嗚）或ㄩ（於）?一個e是代表ㄜ（娥）或ㄝ（誒）?複韻方面亦有因應英文特色，好似：“iou（ㄧㄡ=優), uei（ㄨㄟ=威）, uen（ㄨㄣ＝溫） 前有聲母, 則寫成iu, ui, un”；注音符號就唔使咁因應變化。（以上圓括弧內係國音）
Re:[討論]如何解釋粵式英文名同粵拼規則有時唔一致？
阿松唔好意思，我係《蘇格拉底》嘅學生，凡事都會貭疑。
好明顯，對於一個做學問嘅人，佢一定唔會反對注音系統中拼寫方言。
所以，你講推行《通用拼音》係有政治目的；相反，我覺得反對《通用拼音》嘅人先至係政治成分大於做學問。
你於第一段中講到：
既然搞注音，咁國語早有注音第二式，又國際上又係大陸嘅漢語拼音，根本係多此一舉。
於第二段中，你又講到：
羅馬字母系統母音字母不足, 大陸將ㄨ及ㄩ以一個u表示外(注音符號系統第二式以iu表示ㄩ), 而ㄜ及ㄝ也以一個e表示。哩個實在係好容易撈亂
點解，你前面支持，後面又指漢語拼音不足。
咁係咪前後矛盾呢？
Re:[討論]如何解釋粵式英文名同粵拼規則有時唔一致？
余ok在2005-07-08 13:39:37說道：通常海外華人將自己嘅中文名串成英文名時，好似有一套規則，但又唔係完全對應返粵拼規則，例如gw-kw、g-k、d-t、z-ch/ts互變...
舉幾個例：北京：peiking，孫中山（孫逸仙）：sun yat-sen，蔣介石：chiang kai-shek，孔祥熙：kung hsiang-hsi，毛澤東嘅譯法都類似但唔記得咗。怪就怪在當時已存在“國語”，但呢啲譯名讀起嚟更加接近廣東音，係咪當時中國係以廣東音作爲主導英文譯名嘅標準呢？...
g-k/ d-t/ z-ch/ts是按照國際音標轉寫 普通話、廣府話的g、d、b、z都不是濁音，是不送氣清音，寫成國際音標是/k/ /t/ /p/ /ts/(相對應送氣請清輔音是/k'/ /t'//p'/ /ts'/英語中清輔音一般讀送氣，也有不少情況如speak的p讀成不送氣的）
大部分國人搞不清這點是因爲受漢語拼音的影響太大了
所以peiking、kung hsiang-hsi、 mo tse tung（毛澤東）都明顯是國語
頁:
1
[2]