你用"家吓" 定"衣家"多?
你哋講"家吓" 定"衣家"多咖??我聽人講過"家吓"係佛山話, "依家"係廣州話, 究竟係唔係真嘅呢?
Re:你用"家吓" 定"衣家"多?
我第一講「家陣」﹐第二「家吓」﹐原則上唔講「而家」。細個嘅時候我哋將廣州話叫做「而家話」。 em2:Re:你用"家吓" 定"衣家"多?
重有一个“家时si2”，我听唔少佛山人噉讲Re:你用"家吓" 定"衣家"多?
關於“現在”各地有好多個版本講法：而家、依家（廣州講多），家陣、家時（佛山講多），呢家、呢家時、呢間（順德大良、容桂一帶講多），家吓（好似度度都有講），重有見過一個花都網友打“家先”，南方3臺宋韶光主持緊嘅“探古尋幽五羊城”乾脆淨係講“現在”。。。講開又講，再提三個講法，“等一下”講法有：等吓、等間、等陣、等陣先、陣間、等陣間、等等、等一陣；“有時”亦有好多個版本：耐唔中、耐唔耐、久唔久、間中、間唔中、有陣、有陣時，重有幾個一時唔記得添；另外，“剛才”亦有呢啲版本：啱先、剛啱、啱啱、求先、正話、剛先、舊家（佛山話）、就先（順德話），我重聽过啲番禺鄉下話講：求醒、求聲。。。
Re:你用"家吓" 定"衣家"多?
我估"而家、依家"都系音变所致肇庆老辈都讲"而今",而广州基本都讲"依家"
假设下肇庆音比较古老,而广州音系最新嘅,我哋倒推
依家->而家->而今->如今
如果成立,"如今"就明显系原词,亦符合古汉语习惯,只系意义上有延申
"家下"同"家阵"都呢度都好多人讲,似乎将"家"换成"今"都成立,不过,冇人噉讲.
另,肇庆话入面,如果讲"今阵",则重有"从今以后"嘅意思
Re:你用"家吓" 定"衣家"多?
itxu2k講嘅都有可能，鄧鈞教授都講“而家”本來應該係“如今”，呢類詞有好多，“新婦”都算係。Re:你用"家吓" 定"衣家"多?
anl在2005-06-28 18:48:48說道：itxu2k講嘅都有可能，鄧鈞教授都講“而家”本來應該係“如今”，呢類詞有好多，“新婦”都算係。"心抱"肇庆人都只讲"新抱"
Re:你用"家吓" 定"衣家"多?
余ok嘅总结好全面，原来一个词喺粤语入面真系好多讲法。讲到anl所讲嘅呢类词，我都见过唔少：禽日、寻日，头先、求先……
Re:你用"家吓" 定"衣家"多?
总结总结，结集出书吧Re:你用"家吓" 定"衣家"多?
我讲嘅系电子书Re:你用"家吓" 定"衣家"多?
highyun在2005-06-29 01:26:13說道：余ok嘅总结好全面，原来一个词喺粤语入面真系好多讲法。讲到anl所讲嘅呢类词，我都见过唔少：禽日、寻日，头先、求先……
「頭先」應該係「剛才」嘅意義，點會係「禽日」嘅意思呢?
Re:你用"家吓" 定"衣家"多?
家下！唔系家吓，你睇字面含义。Re:你用"家吓" 定"衣家"多?
阿松在2005-07-27 21:58:40說道：highyun在2005-06-29 01:26:13說道：余ok嘅总结好全面，原来一个词喺粤语入面真系好多讲法。讲到anl所讲嘅呢类词，我都见过唔少：禽日、寻日，头先、求先……
「頭先」應該係「剛才」嘅意義，點會係「禽日」嘅意思呢?
“禽日”、“寻日”之间我用顿号，“寻日”、“头先”之间我用逗号，如果你明白标点符号嘅含义，应该唔会噉样质疑我架。
Re:你用"家吓" 定"衣家"多?
头先-侯先佛山人读法
Re:你用"家吓" 定"衣家"多?
非常赞成itxu2k嘅推断.Re:你用"家吓" 定"衣家"多?
highyun在2005-07-27 23:45:55說道：阿松在2005-07-27 21:58:40說道：highyun在2005-06-29 01:26:13說道：余ok嘅总结好全面，原来一个词喺粤语入面真系好多讲法。讲到anl所讲嘅呢类词，我都见过唔少：禽日、寻日，头先、求先……
「頭先」應該係「剛才」嘅意義，點會係「禽日」嘅意思呢?
“禽日”、“寻日”之间我用顿号，“寻日”、“头先”之间我用逗号，如果你明白标点符号嘅含义，应该唔会噉样质疑我架。
失禮曬, 我冇注意到逗號, 因為哩種情況我都習慣係用分號；架。
Re:你用"家吓" 定"衣家"多?
喺《广东省省志》（方言篇）有讲呢两个词，个人觉得（即系从其中嘅例句嚟睇），“而家”指“现在”，冇强调；而嗰“家吓”系指“就现在”，有强调现在嘅意思，即好祈英语当中："now"同埋"right now"。
頁:
[1]