失街亭（粵語改編劇本）

羊城惜花人 發表於 2008-7-28 18:12:31

第一部：馬謖拒諫失街亭<?xml:namespace prefix = o ns = "urn:schemas-microsoft-com:office:office" /><o:p></o:p>
第一場：祁山寨中<o:p></o:p>
新城細作：（急衝入帳）報~~~司馬懿大軍加快腳步，八日已經到咗新城，孟達頂佢唔住，又畀申耽、申儀、李輔、鄧賢做內應，孟達死喺亂軍之中啊。而家司馬懿撤兵翻長安，見咗魏主，又同張郃一齊出關，嚟同我師打過噉話喎。<o:p></o:p>
孔明：（大驚）孟達做嘢唔小心，我早就話過佢會死喺司馬懿手上噶啦，呢層冇咩好大驚小怪。之但係今次司馬懿親自出馬……佢肯定先取街亭，斷我咽喉之路係嘅。（大聲對住下面問）邊個敢帶兵去守街亭？<o:p></o:p>
馬謖：（未等孔明講完，大踏步行出嚟）我願去！<o:p></o:p>
孔明：街亭雖然細，但干係重大。如果街亭有咩冬瓜豆腐，我哋大軍就玩完噶喇。你雖然深通謀略，係，我知，但弊在嗰處無城無郭，又冇啲咩險阻嘅地方，好難守個喎~<o:p></o:p>
馬謖：（拍拍心口）放心啦，丞相，我自細熟讀兵書，點會話連小小一個街亭都守唔住啊？開玩笑~（普）<o:p></o:p>
孔明：算罷啦你，司馬懿嗰條友仔，我都忌佢三分，而家重有張郃做先鋒，呢條友係魏國名將，我驚你未必夠佢嚟喎。<o:p></o:p>
馬謖：唓~咪話佢個噉嘅爛鬼司馬懿、張郃啦，就算係曹叡條契弟親自出馬，我都未驚過啊！倘若有咩嘢差池，保佑我冚家富貴。<o:p></o:p>
孔明：嗱~你自己講噶，你咪紙紮下爬——口輕輕啊吓~<o:p></o:p>
馬謖：再唔係，立埋軍令狀添又點話啊。<o:p></o:p>
孔明：好，一於噉話！（遂取出紙筆）<o:p></o:p>
馬謖：（打個突兀）你嚟真噶？<o:p></o:p>
孔明：你講笑噶？<o:p></o:p>
馬謖：（苦笑）……唔係唔係……<o:p></o:p>
（馬謖簽咗軍令狀呈上）<o:p></o:p>
孔明：嗱，而家我畀兩萬五千精兵你，再撥多一員上將去幫你手。（指著旁邊一員上將）阿……邊個邊個……<o:p></o:p>
王平：（躬身）我叫王平啊。丞相。
孔明：是但啦，我知你做事一向謹慎，就特登將呢個重任交託畀你。你要小心守住呢笪地方，扎寨要搵啲要道擋住，等賊兵過唔到嚟。安完營，就將周圍嘅地理形狀畫成圖，搵人帶嚟畀我過目。凡事要商議好先至行動，唔好掉以輕心。如果守得住嘅話，記你取長安嘅頭功又點話啊。記住喇！<o:p></o:p>
馬王二人：（對諸葛亮一拱手）遵命，係噉先喇，丞相。（引兵出帳）<o:p></o:p>
孔明：（思考狀，低聲自言）唔係路喎，萬一嗰兩條友真係唔掂嘅話點算啊？（指住前面一個人，高聲叫到）啊……邊個邊個……<o:p></o:p>
高翔：（行前一步，拱手接命）高翔啊，丞相。
孔明：（板起塊面）你估我唔知咩，一時醒唔起啫嘛，一個二個都係噉。嗱，我而家同你講，喺街亭東北面有座城，叫列柳城，通過去嘅係啲山辟小路，嗰度可以屯兵扎寨。而家畀一萬兵你，去列柳城嗰度屯扎。一旦街亭有咩依喐，就帶兵去解圍啦。<o:p></o:p>
高翔：領命（引兵出帳）<o:p></o:p>
孔明：（心諗）高翔唔係張郃對手，一定要搵多個大將，喺街亭左近駐兵，先頂得佢住。（大喝）魏延聽令！<o:p></o:p>
魏延：（踏上一步）在！
孔明：令你引本部兵馬駐扎於街亭之後。<o:p></o:p>
魏延：吓~（成個人軟晒）哦~（轉身欲行，口中咒罵）<o:p></o:p>
孔明：喂喂喂~咪行住，好唔Goe啊，你依家？
魏延：梗係唔Goe啦，丞相。我堂堂前部將軍，你而家揼我去啲唔等使嘅地方，咩意思先。<o:p></o:p>
孔明：魏將軍，你噉諗就錯喇。喺前面打生打死嗰啲，係啲茄哩啡做嘅事。而家叫你去接應街亭，擋住陽平關要道，總守漢中咽喉，呢個大任嚟噶，咩唔等使啊。你千其唔好唔當一回事，誤咗我大事啊。一定要小心在意至好。<o:p></o:p>
魏延：乜原來咁重要噶，嘻嘻，噉我……我去喇，丞相。（講完好高興噉帶兵出咗去）<o:p></o:p>
孔明：（鬆一口氣）趙雲、鄧芝聽令。<o:p></o:p>
趙鄧二將：在！<o:p></o:p>
孔明：而家司馬懿出馬，同以往唔同。你哋兩個，各引一支軍隊出箕谷，用嚟疑兵。如果遇到魏兵，你哋就打吓放吓，嚇驚佢哋個心（PS：呢句咁無厘頭嘅話，好明顯係出自春田花花幼稚院個校長嘅）。淨返嗰啲軍馬就由我親率，由斜谷徑取郿城，如果得到郿城，噉長安就可以攻破喇。<o:p></o:p>
趙鄧二將：遵命！（引兵而去）<o:p></o:p>
孔明：阿Gary（姜維英文名），你唔使我多講嘞，你做先鋒，帶兵出斜谷。<o:p></o:p>
姜維：係，丞相！<o:p></o:p>

羊城惜花人 發表於 2008-7-28 18:13:11

第二場：街亭<?xml:namespace prefix = o ns = "urn:schemas-microsoft-com:office:office" /><o:p></o:p>
旁白：所謂「花開兩朵，日月如梭」，而家講吓馬謖同王平，佢哋到咗街亭，噉到底有啲咩事發生呢？請看倌繼續欣賞……<o:p></o:p>
馬謖：挑~丞相使乜咁多心啊？呢處咁偏僻，啲魏兵點會嚟啊！
王平：話係噉講啫，但我哋喺呢處五路總口扎寨，叫啲士兵斬樹嚟做護欄，長遠嚟講，都係有好處嘅。<o:p></o:p>
馬謖：邊有人掗住條路嚟扎寨，咁戅居噶？呢度旁邊有座山，啲路又窄，啲樹木又密，絕對係天賜嘅險地，喺嗰度扎寨就啱喇。<o:p></o:p>
王平：說話又唔係噉講啊，參軍。若果我哋我地喺條路上扎寨，話知佢賊兵有千軍萬馬，都鼠唔到過嚟；之但係如果而家我哋放棄咗呢條要道，喺山上屯兵嘅話，倘若魏兵突然殺出，喺四面圍過嚟。噉你話點算嘞？<o:p></o:p>
馬謖：（大笑）哈哈哈~乜你成個女人噉噶，兵法有云：「憑高視下，勢如劈竹。」睇住嚟啊嗱，魏兵如過咁夠死嚟到嘅話，我實殺到佢片甲不留！<o:p></o:p>
王平：你聽我講啦。我跟咗丞相咁耐，經咗咁多戰陣，每到一個地方，丞相都有教路嘅。而家你睇吓呢座山，掘頭噶。如果魏兵斷咗我哋取水嘅路，啲軍士就會不戰自亂噶喇。<o:p></o:p>
馬謖：妖~你識乜啊！學孫子話齋「置之死地而後生。」如果魏兵斷我取水之路嘅話，噉我哋啲人重唔同佢搏命咩？一個打十個都得啊。我向來熟讀兵書，丞相好多時候都重要嚟向我請教哩，你做乜吓吓喺處窒住晒啫？<o:p></o:p>
王平：如果參軍你一意孤行，決意要喺山上扎寨嘅話，噉唔該分啲兵畀我，喺山下扎個小寨，形成犄角之勢。就算魏兵嚟到，都有個照應啊。<o:p></o:p>
馬謖：你話分就分，噉我咪好冇面？<o:p></o:p>
王平：（哽咽）……
山民：魏兵嚟喇……走啊……
王平：（着急）如果參軍唔願意嘅話，（抱拳）請容許我先行離去。
馬謖：誒，你既然唔聽我號令嘅，噉你就自己攞五千兵落去扎寨啦。不過噉喎，等我擊退魏兵之後，返到去丞相面前，你啲多功勞都分唔到個喎。
王平：（抱拳雙手一握）唔該！（帶兵離開） 
（畫圖）<o:p></o:p>
王平：（指身邊一名士兵）你，過嚟。將呢份圖攞返去畀丞相。<o:p></o:p>
士兵甲：（伸手接過圖紙）係。<o:p></o:p>
<o:p> </o:p>
第三場：司馬懿寨中<o:p></o:p>
旁白：所謂「光陰似箭，各表一支」，話說啊，司馬懿佢兩仔爺嚟到街亭前一城入邊，扎好寨，等出兵囉喎……<o:p></o:p>
司馬懿：衰仔，你同我去前面探吓路，如果街亭有兵把守，你就咪立亂喐啊，知唔知。<o:p></o:p>
司馬昭：係嘅，父親大人。（出寨）<o:p></o:p>
司馬昭：（須臾，回見）街亭有兵把守啊，父親大人。<o:p></o:p>
司馬懿：啊~諸葛亮真係神人啊，我唔及佢啊~。<o:p></o:p>
昭：父親何故長他人志氣，滅自己威風呢？依愚子之見街亭好易攻破啫。<o:p></o:p>
懿：你個衰仔，食咗成擔蒜頭啊，噉大口氣？<o:p></o:p>
昭：愚子親自去巡視過，見到當道之處並無寨柵，班傻佬全部走晒上山，（暗笑）所以咪話好易攻破囉。<o:p></o:p>
懿：係真唔係啊？如果真係走晒上山嘅話，我哋噉都打唔贏，就真係會畀雷公劈喎。唔得，我都係要親自去睇吓先得。（引兵出寨）<o:p></o:p>
（須臾……）
懿：（帶笑入寨）哇哈哈……（對身邊一兵丁）你，幫我去打聽吓，係邊個弱智仔帶兵嚟守街亭嘅？<o:p></o:p>
士兵A：係！（離開）<o:p></o:p>
士兵A：（回報）係馬良個細佬，馬謖啊。<o:p></o:p>
懿：（重未笑完）哈哈哈~呢條茂利，講就天下無敵！孔明用啲噉嘅人，點會話唔誤事至得噶。啊~係嘞，街亭隔籬有冇其他軍隊啊？<o:p></o:p>
士兵A：ER~都督之前唔係去睇過喇咩？使乜再問小人啊？<o:p></o:p>
懿：我啱啱先諗起呢個問題啫嘛，啊~問你小小嘢都喺處啊吱啊咗，嫌命長吓話？<o:p></o:p>
士兵A：唔係唔係……只不過，都督你咁醒目，啱啱都冇留意到，小人咁蠢，又點會……<o:p></o:p>
懿：噉重唔快啲出去再探再報，使唔使我再行多次啊？<o:p></o:p>
士兵A：係……係……（轉身出寨）<o:p></o:p>
懿：踢一踢先喐一喐~哎~真係……<o:p></o:p>
昭：父親大人，唔好勞氣，唔好勞氣……<o:p></o:p>
士兵A：探到喇……探到啦，喺離山十里嘅地方，王平有個寨喺嗰度。<o:p></o:p>
懿：嗯~張郃，你帶一支軍，去擋住王平。申耽、申儀，你哋各帶一路兵馬圍山，先斷佢取水道路；等蜀兵自亂陣腳，然後乘機攻上去。<o:p></o:p>
眾將官：領命。<SPAN lang=ZH-TW style="FONT-SIZE: 10.5pt; FONT-FAMILY: 宋体; mso-ascii-font-family: 'Times New Roman'; mso-hansi-font-family: 'Times New Roman'; mso-fareast-language: ZH-TW; mso-bidi-font-size: 12.0pt; mso-font-kerning: 1.0pt; mso-bidi-font-family: 'Times New Roman'; mso-ansi-language: EN-US; mso-bidi-language: AR-SA">旁白：<SPAN lang=ZH-TW style="FONT-SIZE: 10.5pt; FONT-FAMILY: 宋体; mso-ascii-font-family: 'Times New Roman'; mso-hansi-font-family: 'Times New Roman'; mso-fareast-language: ZH-TW; mso-bidi-font-size: 12.0pt; mso-font-kerning: 1.0pt; mso-bidi-font-family: 'Times New Roman'; mso-ansi-language: EN-US; mso-bidi-language: AR-SA">各位看倌有眼見啦，馬謖嗰啲正一瓦簷獅子——叻到「敏」，佢又點夠司馬懿隻老狐狸鬥呢？所以，好理所當然噉先後失咗街亭同列柳城，之但係，你都咪當孔明流嘅先得噶，噉到底孔明會點應對司馬懿呢？欲知後事如何，我唔講你聽又奈我咩何<SPAN lang=EN-US style="FONT-SIZE: 10.5pt; FONT-FAMILY: 'Times New Roman'; mso-fareast-language: ZH-TW; mso-bidi-font-size: 12.0pt; mso-fareast-font-family: 宋体; mso-font-kerning: 1.0pt; mso-ansi-language: EN-US; mso-bidi-language: AR-SA">~<SPAN lang=ZH-TW style="FONT-SIZE: 10.5pt; FONT-FAMILY: 宋体; mso-ascii-font-family: 'Times New Roman'; mso-hansi-font-family: 'Times New Roman'; mso-fareast-language: ZH-TW; mso-bidi-font-size: 12.0pt; mso-font-kerning: 1.0pt; mso-bidi-font-family: 'Times New Roman'; mso-ansi-language: EN-US; mso-bidi-language: AR-SA">哈哈<SPAN lang=EN-US style="FONT-SIZE: 10.5pt; FONT-FAMILY: 'Times New Roman'; mso-fareast-language: ZH-TW; mso-bidi-font-size: 12.0pt; mso-fareast-font-family: 宋体; mso-font-kerning: 1.0pt; mso-ansi-language: EN-US; mso-bidi-language: AR-SA">~<SPAN lang=ZH-TW style="FONT-SIZE: 10.5pt; FONT-FAMILY: 宋体; mso-ascii-font-family: 'Times New Roman'; mso-hansi-font-family: 'Times New Roman'; mso-fareast-language: ZH-TW; mso-bidi-font-size: 12.0pt; mso-font-kerning: 1.0pt; mso-bidi-font-family: 'Times New Roman'; mso-ansi-language: EN-US; mso-bidi-language: AR-SA">講笑啫，敬請留意下面劇情嘅發展啦！

羊城惜花人 發表於 2008-7-28 18:13:53

第二部：武候彈琴退仲達
第四場：孔明寨中<?xml:namespace prefix = o ns = "urn:schemas-microsoft-com:office:office" /><o:p></o:p>
旁白：原文再續，書接上一回。話說啊孔明叫馬謖佢哋走咗之後，個心一直囉囉攣，唔知點算好……<o:p></o:p>
孔明：我叫馬謖去守街亭到底啱唔啱呢？佢會唔會誤我事噶？呢條友，講佢就叻，做起上嚟真係可能會出事喎。
帳外聲：報告丞相，王將軍搵人送圖本嚟啊。<o:p></o:p>
孔明：快傳。<o:p></o:p>
（士兵甲入帳，雙手遞上圖本。孔明急拆閱之）<o:p></o:p>
孔明：哎吔~馬謖條死仔真係……呢鑊畀佢玩死啊。<o:p></o:p>
左右：丞相咩事啊？
孔明：你哋睇吓（遞過圖紙），佢居然放棄要道，上山扎寨喎，如果魏兵嚟到，四面圍住，斷我取水道路，唔使兩日，班友仔就亂晒陣腳喇。你話如果街亭有咩閃失，我哋點返去同後主交待啊？<o:p></o:p>
楊儀：我雖然唔係好叻，但都願意為丞相分憂，去同幼常回覆啊。<o:p></o:p>
孔明：好啦，你噉噉噉……
（楊儀欲出，探馬入）<o:p></o:p>
探馬：弊喇弊喇……街亭同列柳城都失咗喇！！<o:p></o:p>
孔明：（揼腳）哎吔~冇喇冇喇，係我嘅錯。（即冷靜平復）噉啦，關興、張苞，你哋各帶三千精兵，喺武功山小路埋伏，遇到魏兵，唔好同佢打，一味擂鼓吶喊就係喇，佢哋自己會趯，你哋亦都唔好追，等佢哋走晒，你哋就退返去平陽關啦。<o:p></o:p>
關興：係！（同時）張苞：Yes，sir！<o:p></o:p>
關興：你講咩啊？
張苞：英文嚟噶，你唔識噶喇！<o:p></o:p>
關興：我夠知係英文咯，問題個Point係而家係古代啊，邊有人講英文噶，你pro（專業，profession簡稱）啲好唔好？
張苞：嗱嗱嗱~你自己咪又係噉，有口話人冇口話自己。<o:p></o:p>
關興：咩啊？<o:p></o:p>
張苞：咩啊？<o:p></o:p>
（邊鬧邊出帳）<o:p></o:p>
孔明：張翼，你帶兵去修理劍閣，以備退路。各位執定包袱，準備走佬。馬岱、姜維你兩個斷後。其他人跟我去西城搬運糧草先。<o:p></o:p>
<o:p></o:p>

羊城惜花人 發表於 2008-7-28 18:14:26

第五場：西城<?xml:namespace prefix = o ns = "urn:schemas-microsoft-com:office:office" /><o:p></o:p>
探馬：報~~~司馬懿率領十五萬大軍，向西城呢便嚟緊啊？
文官甲：咩話？十五萬？我哋呢度得五千兵咋喎，點打啊？<o:p></o:p>
文官乙：咩五千啊，有一半已經去咗搬糧草，即係話得返二千五咋。<o:p></o:p>
文官丙：咪係囉，呢度全部都係文官，又冇武將，點打喎。<o:p></o:p>
文官丁：而家擺喺我哋面前得兩條路揀，一係投降，一係等死。
文官戊：唔係嘅，重有一條路就係棄城走人~<o:p></o:p>
孔明：諸位，唔好慌住，我自有分數。大家聽我講，將啲旗幟收起晒佢，搵人守住啲崗哨。邊個夠膽立亂出入又或者大聲講嘢嘅話，老豆都冇情講！重有，大開四門，每個門搵廿嗰軍士，唔係叫你去守門口啊，係叫你扮成老百姓，去掃街咋。等魏兵嚟到嘅時候，唔好輕舉妄動，我自有妙計。<o:p></o:p>
（各人領命而去）<o:p></o:p>
孔明：（指二童子）你兩個，幫我攞個琴上城樓。（上樓佈置）
城外<o:p></o:p>
魏軍前哨：（跑會司馬懿前）報告都督，西城城門大開，門口有廿幾個百姓喺處掃地。諸葛亮就坐喺城頭度彈琴，旁邊兩個童子服侍。前軍見到噉嘅情況都唔敢入去，聽候都督指示。（細細聲附加一句）都督，千祈唔好中計啊。<o:p></o:p>
司馬懿：使你講，你當我白痴噶？傳我號令，三軍止步，等我上去睇吓咩情況先。（撥馬上前）有冇搞……錯？（跑回中軍，大聲喝令）各單位注意：向後轉。前軍作後隊，後隊作前軍，退返去。<o:p></o:p>
司馬昭：父親大人，因乜解究走得咁頻能呢？我話九成九係嗰個孔明佢手頭上冇兵，喺處扮晒蟹啫嘛。<o:p></o:p>
司馬懿：啊~你個衰仔你話，你細路仔，知咩啊。諸葛亮佢做嘢向來謹慎，唔會冒呢啲險嘅。你聽吓佢彈緊咩，《十面埋伏》啊！如果我而家入去嘅話，實中佢計，我先冇咁笨啊。<o:p></o:p>
（待司馬懿遠去）
孔明：（心亂跳，鬆口氣）好險……<o:p></o:p>
眾文官：（不解）司馬懿係魏國名將，而家統率十五萬精兵嚟到城下，點解一見到丞相就走夾唔唞呢？<o:p></o:p>
孔明：（故作鎮定）呢條友諗住我生平謹慎，唔會冒呢啲險，見到噉嘅樣，以為有伏兵，噉咪走囉。唔係我想冒險啊，實在係冇辦法先出此吓策咋。我估佢一定會從山北小路走，所以我已經叫咗關興同張苞喺嗰處等住喇。<o:p></o:p>
眾文官：丞相神機妙算，新係鬼神莫測啊。如果比着我哋啊，即刻棄城走人囉。<o:p></o:p>
孔明：哈哈~我哋得二千五百兵，如果棄城走佬嘅話，實冇走幾遠就畀司馬懿捉住。不過話時話啊，如果我係司馬懿實唔咁快走啫。佢喺城外守住唔入嚟，我哋亦出唔到去，噉我都吹佢唔脹噶。好喇，司馬懿好快就會返轉頭，我哋快手啲退返入漢中。<o:p></o:p>

羊城惜花人 發表於 2008-7-28 18:15:07

第六場：武功山小路上<?xml:namespace prefix = o ns = "urn:schemas-microsoft-com:office:office" /><o:p></o:p>
蜀兵：（吶喊）<o:p></o:p>
司馬懿：（對二子）嗱~係咪呢，我都話佢有埋伏噶啦，如果啱先我哋唔走嘅話，實中諸葛亮詭計啊。<o:p></o:p>
（一軍殺出，大旗上書「右護衛使虎翼將軍張苞）<o:p></o:p>
魏兵甲：都話聽都督講冇錯噶啦。
魏兵B：所以我幾時都話都督醒噶。
魏兵3：契弟走得磨啊，重講！<o:p></o:p>
（跑過一段路）<o:p></o:p>
魏兵A：（回望）喂~好似冇追上嚟囉喎~<o:p></o:p>
魏兵2：梗係冇追上嚟啦，喺前面圍上嚟啊嘛，你睇吓前面。<o:p></o:p>
（前面一大旗上書「左護衛使龍驤將軍關興」）<o:p></o:p>
魏兵丙：哇~走啊~都唔知佢有幾多人嘅~~~好矛啊~~<o:p></o:p>
（待魏兵盡過）<o:p></o:p>
張苞：喂，關老兄，點啊？ 關興：丞相話過，唔好追噶。
張苞：唓~你叫我追我都唔追啦，你睇吓啲魏兵幾唔文明，亂咁揼嘢，重要揼到周街都係。淨係執都有牌執啦。
關興：各位兄弟，落去執嘢返扯。<o:p></o:p>
<o:p> </o:p>
魏兵：今次真係冇追上嚟囉喎。<o:p></o:p>
司馬懿：唔妥唔妥……<o:p></o:p>
司馬昭：冇追上嚟重唔妥？<o:p></o:p>
司馬懿：就係冇追上嚟先至唔妥。你試諗吓，如果孔明真係有兵嘅，點解唔乘勝追擊呢？<o:p></o:p>
司馬昭：係喎，父親所言甚是。（心諗：唓~我早就話噶啦，係你個死老嘢唔聽我講啫嘛。）
司馬懿：快啲，快啲，返轉頭。<o:p></o:p>
路人甲：（對司馬昭，細細聲）喂，你啱啱係咪喺度諗「唓~我早就話噶啦，係你個死老嘢唔聽我講啫嘛。」<o:p></o:p>
司馬昭：（打個突）你點知噶？<o:p></o:p>
路人甲：哈哈~開講都有話啦，司馬昭個心諗乜，路人甲都知啊~~~<o:p></o:p>
<o:p> </o:p>
第七場：西城<o:p></o:p>
司馬懿：（見四圍空無一人）點解噉噶？拉個人過嚟問吓！！<o:p></o:p>
（官兵押一山民到）<o:p></o:p>
山民：哼~我係絕對唔會講畀你聽，諸葛丞相手上只有二千五百兵，而且城裡面又冇武將，得幾個文官喺度嘅。<o:p></o:p>
司馬懿：哎吔吔~~諸葛亮，你陰我~~~~<o:p></o:p>
山民：咦~我乜都冇講過啊，點解佢咁嬲嘅呢？啊，係啊，諸葛丞相話見到你嘅話就畀呢張紙你喎。<o:p></o:p>
（司馬懿取紙閱之，只見上書：「陰你咪陰你囉，陰你唔起啊？」<o:p></o:p>
旁白：哈哈~司馬懿呢鑊真係「老貓燒鬚」啊。呢，有詩為證啊：瑤琴三尺勝雄師，諸葛西城退敵時。十五萬人回馬處，土人指點到今疑。好喇，司馬懿嬲到扎扎跳，呢方面我哋唔講佢嘞。講返馬謖，佢呢鋪真係床下底破柴——撞晒大板，呢隻鑊佢孭硬噶喇。今次輪到孔明嬲到扎扎跳啊，噉到底孔明會點處置佢呢？欲知後事如何……<o:p></o:p>

羊城惜花人 發表於 2008-7-28 18:15:46

第三部：孔明揮淚斬馬謖<?xml:namespace prefix = o ns = "urn:schemas-microsoft-com:office:office" /><o:p></o:p>
第八場：漢中蜀寨<o:p></o:p>
孔明：點將！<o:p></o:p>
點將官：報告，除咗去街亭嗰班將官之外，得返趙雲同鄧芝兩位將軍未返咋。<o:p></o:p>
孔明：弊嘞，咁耐都未返，會唔會出咗事呢？關、張兩位將軍，勞煩你兩位各帶一支軍出去接應吓。<o:p></o:p>
關興、張苞：係~（正欲起身）<o:p></o:p>
傳令官：報……趙、鄧兩位將軍返嚟喇。而且一兵一卒都冇少到啊。<o:p></o:p>
孔明：（大喜）真嘅？嚟嚟嚟，扶我出去迎接。<o:p></o:p>
趙雲：（受寵若驚，下馬伏地）敗軍之將，何勞丞相遠迎呢？<o:p></o:p>
孔明：（內疚自責）唔係，唔係，係我唔識用人先搞到今時今日噉嘅地步。啊，係嘞，各隊兵馬都有損傷，點解唯獨係子龍你無損一兵一卒呢？<o:p></o:p>
鄧芝：哦，係噉嘅，我引兵先行，子龍獨自斷後，哇，子龍真係犀利，斬將立功，嚇都班仆街唔敢埋嚟。所以咪乜都冇少到囉。<o:p></o:p>
孔明：認真冇得頂。嚟人，攞五十斤黃金賞賜畀子龍，再攞一萬匹絹賞畀子龍部屬。<o:p></o:p>
趙雲：唔得，我唔收得噶，打咗敗仗，我哋個個都有罪，如果噉都重有得賞嘅話，盞畀人話丞相你賞罰不明啫。所以，呢啲嘢我係點都唔會收嘅，或者丞相先將佢寄存倉庫，等第日立咗功再賞賜都未遲啊。<o:p></o:p>
孔明：先帝喺度嗰陣時，成日都話子龍好嘢，今日睇嚟，的確如此啊。<o:p></o:p>
傳令官：報……馬謖、王平、魏延、高翔各將軍都返到喇。<o:p></o:p>
孔明：哼~我重要好好審佢哋咧，叫王平入嚟先。<o:p></o:p>
傳令官：傳王平入帳~~<o:p></o:p>
王平：（膽怯）丞相~<o:p></o:p>
孔明：我叫你去同馬謖守街亭，佢指揮錯誤，你點解唔同佢講，搞到今時今日噉嘅樣。<o:p></o:p>
王平：唔係呀，丞相，我再三勸過佢，要喺當道處築土城，安營把守，之但係佢係都唔聽，噉我都冇計噶，唯有自己帶五千兵離山十里扎寨囉。魏兵嚟到嗰陣，將山四面圍到實，我帶兵衝殺咗十幾次都入唔到去。第日，土崩瓦解，降者無數。我孤軍難立，咪去搵文長兄求救囉。點知，喺半路遇到佢畀魏兵圍喺山谷入便，我奮死殺入去啦，救返佢之後我哋一齊回營，點知返到去，我哋啲營寨已經掛晒魏兵旗幟嘞。噉咪諗住去列柳城囉，喺半路就撞到高翔嘞，我哋商量之後，決定兵分三路去劫魏寨，指望可以克服街亭。我去到見到居然冇伏路軍喎，噉就奇啦，於是就登上高處望吓啦，見到魏延同高翔畀魏兵圍住，重得了嘅，我咪即刻衝落去，殺入重圍，救返佢兩個。返到列柳城，發現又畀魏兵佔埋。我哋驚連陽平關都失埋，噉就弊弊都冇咁弊喇，所以咪即刻趕返嚟囉。——唔係我冇話佢啊，如果丞相你唔信嘅話，可以問吓各部將校啊。<o:p></o:p>
孔明：好喇，好喇，你一輪嘴噉，講完未啊？你返出去先，叫馬謖入嚟見我。<o:p></o:p>
馬謖：（自縛跪於帳前）我知錯喇，丞相。<o:p></o:p>
孔明：（變色）哼，你話你自幼飽讀兵書，熟識兵法。好啊，我畀你去守街亭，我話街亭好重要，不容有失，我有冇同你講過？！！！<o:p></o:p>
馬謖：有~<o:p></o:p>
孔明：你重立埋軍令狀，攞冚家性命嚟擔保，有冇噉回事？！<o:p></o:p>
馬謖：有~<o:p></o:p>
孔明：如果你早聽王平講，重點會搞到噉啊？而家敗軍折將，失地陷城，全部都係你一個人嘅錯。如果唔正軍法，你叫我點樣服眾？<o:p></o:p>
馬謖：……（淚湧）<o:p></o:p>
孔明：不過你放心，我唔會要你冚家性命填數。你死咗之後，你一家大細我會照顧，會按月畀俸祿，你唔使掛心。<o:p></o:p>
馬謖：丞相視我如子侄，我亦視丞相如叔父。我自知死罪難逃，但希望丞相可以好似舜帝噉殺咗治水失敗嘅鯀（音滾）之後起用佢個仔禹。噉我死咗都無憾於九泉囉！<o:p></o:p>
孔明：（揮淚）我同你，義同兄弟，你個仔咪即係我個仔，呢啲嘢重使你講咩？好，冇嘢講啦嘛，左右，推出去……<o:p></o:p>
左右：臨死都重要拋吓書包嘅，真係服咗你啊~<o:p></o:p>

羊城惜花人 發表於 2008-7-28 18:16:13

第九場：轅門外<?xml:namespace prefix = o ns = "urn:schemas-microsoft-com:office:office" /><o:p></o:p>
旁白：終於到咗最後一場嘞，本來喺呢部戲入面啲血腥暴力鏡頭係全部刪晒嘅，但呢一段斬頭戲對劇情嘅發展又干係甚大，唔刪得，唯有將就吓啦。好嘞，回歸劇情，話說啊，蔣琬從成都趕嚟，見到要斬馬謖喎，吓咗一跳。<o:p></o:p>
蔣琬：刀下留人……（急到孔明前）當年楚國大將成得臣同晉國打咗敗仗，返到去畀楚成王逼佢自殺，晉文公得知後大為高興。而家天下未定，丞相你就殺咗有智謀嘅人，噉……噉唔係好可惜咩？<o:p></o:p>
孔明：（流淚）噉你又知唔知當年孫武之所以可以制勝天下，係因為用法明。而家天下分爭，如果冇咗法治嘅話，點樣去討伐曹賊呢？所以呢，唔斬唔得啊。<o:p></o:p>
（須臾，武士獻上馬謖首級）<o:p></o:p>
孔明：（痛哭）<o:p></o:p>
蔣琬：你唔係好想佢死嘅咩？既然軍法已經正咗，你重喊咩喎？<o:p></o:p>
孔明：我唔係為馬謖而喊，我係諗起先帝喺白帝城托孤嗰陣，佢話：「馬謖呢個人，言過其實，唔可以重用。」今日真係畀佢講中。我係嬲我自己，冇聽先帝講，搞到今日噉嘅局面啫。<o:p></o:p>
旁白：唉~可憐馬謖死嗰陣時先得三十九歲。正是：失守街亭罪不輕，堪啫馬謖枉談兵。轅門斬首嚴軍法，拭淚猶思先帝明啊~好嘞，一部《失街亭》就到此為止，希望三國精神可以源遠流長，齒頜留香。請啊~~~<o:p></o:p>

猫妖008 發表於 2008-7-28 19:49:00

对三国嘅情节好难畀到意见，事关我睇三国，从来唔可以睇落去，睇到几章就有好重嘅代入感，即系会有一种，如果我系边个边个，可能我会点样做，反正总有一种蠢蠢欲动嘅感觉，唔好，所以从来未睇完过，怕要心好静先可以睇完
 
边个写红楼，我可以畀意见，事关睇咗不下20次，前80回啊，后40回一眼都冇睇

羊城惜花人 發表於 2008-7-28 20:34:32

原帖由 猫妖008 於 2008-7-28 19:49 發表 <A href="http://bbs.cantonese.asia/redirect.php?goto=findpost&pid=95980&ptid=11414" target=_blank><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> 对三国嘅情节好难畀到意见，事关我睇三国，从来唔可以睇落去，睇到几章就有好重嘅代入感，即系会有一种，如果我系边个边个，可能我会点样做，反正总有一种蠢蠢欲动嘅感觉，唔好，所以从来未睇完过，怕要心好静先可以睇完   边个写红 ... 
《紅樓夢》冇乜人會改編，因為冇乜人有噉嘅水平。不過反而《紅樓》我睇唔落去，第一次睇咗第一回，第二次睇到第五回，第三次睇到第八回，次次都睇唔落去，不過次次睇都睇到上次睇唔到嘅嘢~

highyun 發表於 2008-7-28 21:08:25

馬謖：（打個突兀）你嚟真噶？
孔明：你講笑噶？
馬謖：（苦笑）……唔係唔係……
（馬謖簽咗軍令狀呈上）
孔明：嗱，而家我畀兩萬五千精兵你，再撥多一員上將去幫你手。（指著旁邊一員上將）阿……邊個邊個……
 
 
呢段好似搞笑版。

外外星人 發表於 2008-7-28 21:15:45

边个写咖？<IMG alt="" src="http://bbs.cantonese.asia/images/smilies/default/tongue.gif" border=0 smilieid="7">

humgrachan 發表於 2008-7-28 21:43:17

某等拜服！

羊城惜花人 發表於 2008-7-28 21:54:10

原帖由 highyun 於 2008-7-28 21:08 發表 <A href="http://bbs.cantonese.asia/redirect.php?goto=findpost&pid=95991&ptid=11414" target=_blank><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> 馬謖：（打個突兀）你嚟真噶？孔明：你講笑噶？馬謖：（苦笑）……唔係唔係…… （馬謖簽咗軍令狀呈上）孔明：嗱，而家我畀兩萬五千精兵你，再撥多一員上將去幫你手。（指著旁邊一員上將）阿……邊個邊個……     呢段好似搞笑版。 ... 
基本上成篇都係喺原著嘅基礎上加插搞笑版
或者你可以搵原著嚟對比吓我增刪咗啲咩~

紫凤凰 發表於 2008-7-29 00:18:12

睇來羊城君係識寫劇本嘅人嚟喎。唔知閣下第一個接觸學習嘅劇本係邊位大家嘅作品，作品名？

頁: [1]

粵語協會's Archiver

失街亭（粵語改編劇本）