"伱"係"你"本字??[討論]
今日係字典見到"伱", 話係"你"本字...真定假呀?
同埋我唔明咩叫本字,咩叫正字?
Re:"伱"係"你"本字??[討論]
http://140.111.1.40/yitia/fra/fra00124.htm「伱」為「你」之異體。你，不見於《說文》，《廣韻．上聲．止韻》：「伱，秦人呼傍人之稱。」今見《明．方以智．通雅．卷一》：「爾、你、而、若、乃，一聲之轉。爾又為尔，尔又音寧禮切，俗作伱。」而《正字通．人部》、《康熙字典．人部》引之皆作「伱」，筆勢稍異，今從俗以「你」為正字，「伱」即為「你」之異體，當收。
Re:"伱"係"你"本字??[討論]
多謝dada賜教~~但我重有d唔明..."伱"比"你"早出現,咁以前d 人係唔係用"伱"多?
Re:"伱"係"你"本字??[討論]
紫光拼音个繁体功能，只能打出“妳”或“伱”，打唔出“你”Re:"伱"係"你"本字??[討論]
但香港都係同你...而唔用伱Re:"伱"係"你"本字??[討論]
以前唔係用「伱」多﹐因為「伱」好似淨係「尔」嘅俗字。除咗「爾/尔/伱」﹐古人重有「汝、女、而、若、乃」。不過《說文》唔係直接收入嗰啲字﹐例如﹕「讄﹐禱也。累功德以求福。《論語》云：『讄曰：「禱尔于上下神祇。」』」
Re:"伱"係"你"本字??[討論]
kathy在2005-06-23 02:35:44說道：同埋我唔明咩叫本字,咩叫正字?古人重聲唔重字﹐有時為時興﹐或一時諗唔到一個字點寫﹐就寫一個同音嘅字。例如「疲」、「罷」古時同音﹐左傳．成公七年有句：「余必使爾罷於奔命以死。」呢個「罷」係「疲」嘅意思﹐讀「疲」。「罷」係通假字﹐「疲」係本字。
同假借字相對嘅亦都係本字。例如第二人稱代詞﹐初時借用男女個「女」字﹐又借用汝水個「汝」字。「（男）女」同「汝（水）」就係本字。
至於正字﹐我諗係規範字嘅意思﹐例如「伱」係異體字﹐「你」係正字。
Re:"伱"係"你"本字??[討論]
明白~~~多謝dada 咁詳細既解釋 em6:
Re:"伱"係"你"本字??[討論]
古人好少用“你”字，比較常用嘅係“爾、汝、乃”，dada所講嘅“尔、女、而、若”我都好少見。李白《將進酒》末句：與爾同消萬古愁。重有“爾虞我詐”當中“爾”都係解作“你”。
《康熙字典》伱：汝也。《通雅》：爾汝、而若，乃一聲之轉。爾又爲尔，尔又作伱，俗書作你。
《康熙字典》伲：《集韻》伱本字。
按《康熙字典》所講，爾、尔都係同一意思，不過可能後來有人覺得稱呼人當用“人”部。所以加“亻”於“尔”上，同時將“尔”寫作“氽”。不過大眾按“尔”字加上“亻”嘅習慣寫法，就成爲“你”，書寫起嚟都方便啲。
且《康熙字典》無“你”字，僅以“伱”字作解。
頁:
[1]