《佛山话速成班》已经修正，欢迎各位继续补充内容

highyun 發表於 2005-6-19 19:55:33

http://www.cantonese.asia/school/canbasic/faatsaanwaa_ca.asp

修正咗其中唔规范嘅粤语拼法以及增加咗“就间/旧间”呢个词，希望各位继续帮手补充词汇。

desmond 發表於 2005-6-20 05:03:13

Re:《佛山话速成班》已经修正，欢迎各位继续补充内容

確實係好文，滿足咗我呢啲「玩音人」對語音轉換規則知識嘅追求。粵語協會網站所登嘅文章用返粵語協會所推薦嘅《粵語拼音方案》(jyutping) 當然係好，但係唔好話其他粵拼方案唔規範囉。因為粵語協會權衡過各粵拼方案嘅利害，認為綜合呢講《粵語拼音方案》(jyutping) 較其他方案優勝，所以推薦粵語學習者使用，並唔代表粵語協會認為其他粵拼方案唔規範。

dada 發表於 2005-6-20 13:33:12

Re:《佛山话速成班》已经修正，欢迎各位继续补充内容

佛山、順德習慣用語﹕
打→撅kyut3﹕打人→撅人
完→罷﹕食完飯→食罷飯

Anl 發表於 2005-6-21 02:52:19

Re:《佛山话速成班》已经修正，欢迎各位继续补充内容

desmond在2005-06-19 21:03:13說道：確實係好文，滿足咗我呢啲「玩音人」對語音轉換規則知識嘅追求。粵語協會網站所登嘅文章用返粵語協會所推薦嘅《粵語拼音方案》(jyutping) 當然係好，但係唔好話其他粵拼方案唔規範囉。因為粵語協會權衡過各粵拼方案嘅利害，認為綜合呢講《粵語拼音方案》(jyutping) 較其他方案優勝，所以推薦粵語學習者使用，並唔代表粵語協會認為其他粵拼方案唔規範。冇錯，每套粵拼方案都有佢各自適用之處，而《粵語拼音方案》可以喺電腦度直接用26個字母打出，亦區分長短元音及oe/eo發音，係有佢獨特之處，爲方便粵語愛好者學習，使用呢套拼音幾唔錯。不過亦都應該要識吓《國際音標》及《漢語拼音》嘅粵語注音方案，對於音韻上嘅研究頗有幫助。

余OK 發表於 2005-6-21 03:40:37

Re:《佛山话速成班》已经修正，欢迎各位继续补充内容

聲母 t —> h
　　佛山話聲母嘅最大特點就係冇聲母t，廣州話以t為聲母嘅字，喺佛山話一律以h代替。例如：“天天見面”講成“牽牽見面”、“通殺”講成“兇殺”。更有頑固人士，將呢個規律應用到普通話上，因此“普通話”變成“普哄話”，“太陽”變成“害陽”。

　　眞係孤陋寡聞，未聽過呢種音。其實佛山話喺佛山老城區逐漸消失或者已經蛻變成廣州話嘞，要揾返講正宗佛山話嘅市民都唔係易事。不过我有一次喺東華里，發覺入邊啲街坊佛山音重保留幾好，同佢哋吹咗陣水，我聽得出佢哋係正宗佛山话，但佢哋居然话唔覺得自己講嘅話同廣州話有乜分別喎，暈，其實分別好大好大。又有一次喺市東上路問路，兩位五十歲開外嘅阿嬸又係用好純正嘅佛山話嚟答我，令我頗感意外，雖知我接觸過嘅好多佛山人都講同廣州話冇乜分別嘅話嘞。。。

　　補充啲佛山話詞：卵（音譯，未知有冇正字），“滿”嘅意思。另外，唔知佛山話係咪噉講，南海鹽步老一輩人講：噹，“罐”嘅意思；筍殼——順德話“林哥”，一種小魚，呢種魚我問過廣州人都唔知廣州話點叫。。。

Kathy 發表於 2005-6-21 04:10:15

Re:《佛山话速成班》已经修正，欢迎各位继续补充内容

我婆婆d 佛山話都幾正宗咖...

卵（音譯，未知有冇正字），“滿”嘅意思<---我成日聽呢個字, 原來係佛山話?
筍殼，一種小魚<---我又聽過喎...我以為全世界都咁講添...

Anl 發表於 2005-6-21 04:21:32

Re:《佛山话速成班》已经修正，欢迎各位继续补充内容

我亞媽鄉下係新會，佢哋都係t->h嘅。相同講“相紅”，不過佢哋發音係sieong5 heng5。
“滿”嘅意思讀leon5，我都聽過，而家好少用嘞。例如：斟茶唔好斟咁leon5。
“噹”廣州話都有，亦係少咗用，用“嘜”或“罐”多。正確嚟講，鐵罐之類識得響先叫“噹”。
可能筍殼好少人知。所以你問廣州人都冇乜人識。我都唔識。

dada 發表於 2005-6-21 05:15:46

Re:《佛山话速成班》已经修正，欢迎各位继续补充内容

斟茶唔好斟咁deoi1/teoi1。你哋聽過未﹖

itxu2k 發表於 2005-6-21 08:55:33

Re:《佛山话速成班》已经修正，欢迎各位继续补充内容

deoi2好似系指流水噉解...我读阴上调

highyun 發表於 2005-6-21 09:36:06

Re:《佛山话速成班》已经修正，欢迎各位继续补充内容

好多谢各位嘅补充，我会继续充实。不过：

打→撅kyut3﹕打人→撅人
斟茶唔好斟咁deoi1/teoi1。

呢两个都“命轻过”。余ok话连t、h之间嘅互化都未听过就真系太讲唔过去喇，呢个系佛山话一个好大嘅特色。禅城区、南海区讲佛山话嘅人都系噉讲，顺德嘅我唔系太清楚，不过应该都系噉嘅。

顺德水蛇粥 發表於 2005-6-21 11:56:27

Re:《佛山话速成班》已经修正，欢迎各位继续补充内容

名轻过

dada 發表於 2005-6-21 12:10:36

Re:《佛山话速成班》已经修正，欢迎各位继续补充内容

喺佛山话(搞笑版) @ 粤语学堂睇到。
http://www.yanzigd.com/bbs/cgi-bin/topic.cgi?forum=8&topic=26&show=0

佛山南庄地方方言:
1.食罢饭
好容易就会听成"食白饭",有次个同学同我甘讲,我就话当然系食白饭啦,悟通食黑饭咩?!
其实真正的意思是:食完饭
2."延"仔
呢个真系好地道的佛山人先明白,意思是:小朋友
3.够"命"
听落就好似系"救命",意思是:够未啊?
4."决"
意思是:打
……
我只知第4个!
因为顺德有d人都甘讲!

余OK 發表於 2005-6-22 02:03:20

Re:《佛山话速成班》已经修正，欢迎各位继续补充内容

“撅”順德人經常講，尤其係大人教訓細蚊仔時。至於t、h互化，順德話就肯定唔會噉講啦。我都話而家佛山、南海一帶啲人講嘅話逐漸蛻變成廣州話，噉當然好少聽到呢啲音啦，鬼叫佛山話（又或者南海話）逐漸消失，特別係佛山禪城、南海桂城、鹽步、黃岐等呢幾個地方嘅民衆大多數講晒廣州話，唔少人講嘅話甚至比廣州人講得重好，我就冇乜點聽到佢哋“gw-g”呢類懶音嘞，事關大佛山地區嘅民衆發gw音比廣州人更加圓唇。

highyun 發表於 2005-6-22 08:52:13

Re:《佛山话速成班》已经修正，欢迎各位继续补充内容

我都经常听到有人叫“细蚊字”做“二蚊仔”，发音系噉，我唔知点写。

余ok讲嘅佛山话向广州话同化系事实，但系呢种同化唔系音调嘅变化，而系讲佛山话嘅人越嚟越少。我文章中讲到嘅发音都系一直以嚟佛山话嘅发音，而唔系近嚟嘅读音。

dada 發表於 2005-6-22 11:13:27

Re:《佛山话速成班》已经修正，欢迎各位继续补充内容

我哋都係話「二蚊仔」。

余OK 發表於 2005-6-22 17:02:42

Re:《佛山话速成班》已经修正，欢迎各位继续补充内容

我重聽過“嫩蚊仔”嘅講法。。。

dada 發表於 2005-6-22 21:14:34

Re:《佛山话速成班》已经修正，欢迎各位继续补充内容

余ok講得啱。我以為係「念蚊仔」。因為冇自信心﹐我問過兩個人。一個話「女蚊仔」﹐我細佬話「二蚊仔」。我諗﹐既然我細佬都話「二蚊仔」……

原來係「嫩蚊仔」﹗

余OK 發表於 2005-6-23 06:02:22

Re:《佛山话速成班》已经修正，欢迎各位继续补充内容

“嫩蚊仔”就肯定有人噉講，我順德陳村一個遠房親戚就係噉叫啲細路仔。再舉多兩個佛山話詞，從老竇講述以前喺佛山水泵厰做嘢嘅同事處聽返嚟，相信依家祇有老一輩佛山人先知，不過都係有音冇字：oe1 hoe4——廣州話“論盡、唔小心”嘅意思，oe1 zoe2——順德話“喪家嘢”或者廣州話“死鏟”之類嘅鬧人說話。。。

余OK 發表於 2005-6-23 06:10:24

Re:《佛山话速成班》已经修正，欢迎各位继续补充内容

即使佛山人而家逐漸轉晒講廣州話，但一啲語調同詞彙重係明顯露出佛山口音嘅特征，譬如好少講“嗰個”，講“阿個”多。。。

dada 發表於 2005-6-23 09:16:38

Re:《佛山话速成班》已经修正，欢迎各位继续补充内容

係吖！我哋講「阿個」﹐同講廣州話嘅人先正講「嗰個」。

重有﹐我哋講「怒人」﹐唔係「鬧人」。《國語辭典》﹕「怒[動詞]﹐譴責。韓非子．五蠹：『今有不才之子，父母怒之弗為改。』禮記．內則：『姑教之，若不可教而後怒之。』鄭玄．注：『怒，譴責也。』」「鬧人」嘅正字應該係「怒人」。

頁: [1] 2

粵語協會's Archiver