Re:[公告]改编SAM歌曲歌词创作大奖赛
samkong大哥！真是太棒了！我会努力将他演唱Re:[公告]改编SAM歌曲歌词创作大奖赛
呵呵，又有新作品Re:[公告]改编SAM歌曲歌词创作大奖赛
《太空舞》好耐冇听，要听返先可以对到samkong嘅歌词。Re:[公告]改编SAM歌曲歌词创作大奖赛
啲新词都配得好啱音。Re:[公告]改编SAM歌曲歌词创作大奖赛
首新词好正。推薦大家聽~掂呀!!
http://www.samuelhui.net/bbs/dispbbs.asp?boardid=13&id=988&page=1嘩~呢個伍兄把聲極似阿sam~加上highyun 既詞, 正!!!
如果音效好d 更好~ em5:
Re:[公告]改编SAM歌曲歌词创作大奖赛
呢个帖后面有个回帖，直头系将highyun亲自演绎嘅版本都摆埋上去添啵，大家可以听到highyun自创自唱嘅好歌，认真系正啊！十二万分支持啊！！Re:[公告]改编SAM歌曲歌词创作大奖赛
hi！hi！各位老友，近日灵感一现，将阿sam唱嘅一首英文歌曲《street of london》改编为粤语歌词，歌名叫做《忆旧情》，发觉写呢首歌词都有啲难度，小弟就本住试下玩下开心吓嘅精神，将歌词发上嚟，仲系嗰句：请各位同好多多批评指正啦。《憶舊情》
原曲：許冠傑英文歌曲《street of london》
作曲：r.mctell
重新改編粵語歌詞：samkong
寂寞坐近窗軒追憶以往初戀
共漫步翠柳裡這愛詩已向你宣
霧露滴滴花間轉暢眺美景小山村
綠葉靜聽鳥語圓圓紅日漸遠
情與愛要實現今生不厭倦
讓溫馨依舊永長存
珍惜此刻光陰雖短
吻你秀髮講出心愿
望落日說再見浮雲難定預算
又在獨自想起江邊我倆抱緊相擁
蜜蜜互勉細訴這愛曲唱醉晚空
夏夜沐浴輕風曾與你挽手傾心衷
默念月老契約琴弦良樂伴送
情與愛似幻夢只感心震動
目光顯深情意萬重
珍惜當天光陰匆匆
暖意遍布星星歌頌
面上愉快滿載攜情苗同合種
輾轉秋冬苦盼也未有見愛卿歸返
淚滿眼冷雪沿途彌漫
覓盡路徑將芳蹤找遍卻再感孤單
無奈我慨嘆已晚 緣來緣盡聚散
又踏舊地西山春色再染草坡一番
艷鸝喚叫雨季快到歡欣滿世間
在默默為你祝福祝卿快慰永不孤單
我痴心希冀復見愛侶笑對群鷺盛贊
情與愛那浪漫飄忽短暫
愿卿他朝仍會復還
幽香青竹倒映溪澗
滲透曠野姿彩千萬
就象為我寄托從前情能復誕
Re:[公告]改编SAM歌曲歌词创作大奖赛
我一喽都钟意呢种婉约派嘅词风嘅，今次要对住旋律细品先得。Re:[公告]改编SAM歌曲歌词创作大奖赛
歌詞好正~描繪出0黎0個個意境好靚Re:[公告]改编SAM歌曲歌词创作大奖赛
samkong为词神！！！永远支持！！！Re:[公告]改编SAM歌曲歌词创作大奖赛
又有新嘢？！一浪接一浪喎Re:[公告]改编SAM歌曲歌词创作大奖赛
歌词很华丽，很好。如果有人把这词唱出来，就更好。《再谱新粤韵》
见词神samkong兄填词填得咁开心，我都忍唔住填咗一首歌仔玩吓，不过相形见绌，有啲地方唔够顺畅，希望各位帮手执执：再譜新粵韻
這世上，現已好歌難尋
我獨吟，歷記滄桑經世音
往日情，懷舊韻驅散愁雲
旋律曲中寄意，隨記憶撫我心
可嘆是，俗世不惜賢能
愛樂人，棄理想追逐名分
染俗塵，停下了一生足印
時光不可倒退，前方坎坷路暗
我要結伴良朋，合力譜出歌韻
每次感觸僅記於心
互愛的歡欣，理想的指引
深情頌父母親恩
創意帶動人群，舊日光輝重臨，
母語歌聲繼續延伸
重現世間裏，最美好的聲音
在每個角落盡情滲
這世上，現已好歌難尋
我獨吟，歷記滄桑經世音
往日情，懷舊韻驅散愁雲
旋律曲中寄意，隨記憶撫我心
可嘆是，俗世不惜賢能
愛樂人，棄理想追逐名分
染俗塵，停下了一生足印
時光不可倒退，前方坎坷路暗
我要結伴良朋，合力譜出歌韻
每次感觸僅記於心
互愛的歡欣，理想的指引
深情頌父母親恩
創意帶動人群，舊日光輝重臨，
母語歌聲繼續延伸
重現世間裏，最美好的聲音
在每個角落盡情滲
（終句：華人世界裏面盡情滲）
有感于而家商业化造星运动导致乐坛衰败，垃圾歌充斥乐坛。我无尽怀念昔日嘅粤语流行曲，更借抒发对昔日怀念，今日不满嘅感情，立志同一班同道嘅好友创作自己嘅歌，尽自己一分力重振粤语流行曲。
《憤怒》
“快樂”的反面就是“憤怒”。人生在世，很多事情都值得快樂；同樣，也有很多事情使人感到憤怒。《憤怒》這首歌首先列舉了人生中，社會上使人感到憤怒的種種事情，最後，提出了一種樂觀的態度：既然世上如此多不順心的事情終究不能避免，爲何不能以一種樂觀的態度面對它呢？歌曲的主旨就是希望所有憤怒的人能做到“笑口常開，笑天下可笑之人；大肚能容，容天下難容之事”。憤怒
憤怒份糧奀過嗰啲饑民
憤怒情場失意做咗光棍
憤怒依家啲僆仔講懶音
開口佢就懶將“等”講作“躉”
憤怒被人撻錢試咗幾勻
憤怒近鄰狗叫晚黑點瞓
憤怒發嬲嗰陣好傷身
嗱起塊面過日辰
人喫翅我食米粉坐ben士我就咪諗
世事變更朋友變心
憤怒悶煩事你點忍？
憤怒無良醫生會醫死人
憤怒冒牌假貨充斥圩鎮
憤怒啲乞兒乞錢幾冇品
偷搶騙案一天天咁增
憤怒平時出街似足吸塵
憤怒地球污染天空灰暗
憤怒人在世幾多不稱心
總該要學會容人
人有米我就冇銀買單車我就有份
世事變更情侶變心
憤怒悶煩事你點忍？
憤怒無良醫生會醫死人
憤怒冒牌假貨充斥圩鎮
憤怒乞兒仔扯衫起勢掹
飛車劫案一天天咁增
憤怒平時出街似足吸塵
憤怒地球污染天空灰暗
憤怒人在世幾多不稱心
總該要學會容人
（終句）
記住查實你因乜鬼咁忟
開心快樂去做人
Re:[公告]改编SAM歌曲歌词创作大奖赛
首新詞又幾得意喎~ em5:Re:[公告]改编SAM歌曲歌词创作大奖赛
《愤怒》呢一首，真系好经典嘅代表作，除咗歌词写得好合原歌曲嘅旋律，而且歌词紧扣“因何而感愤怒”这个主题，把愤怒的根源直接切入社会生活的方方面面，好有当年sam hui针贬时弊之鬼马歌曲嘅感觉，呢首改编歌词，确乃佳作一篇！Re:[公告]改编SAM歌曲歌词创作大奖赛
街灯兄近来因为事务缠身，已经好长时间冇写歌词嘞，昨日终于见佢重出江湖，仲写咗首好盏鬼嘅作品：《歌迷製造》
原曲：許冠傑《香港製造》填詞：allen(藍色街燈)
搞返吓改篇翻唱咁鬼好玩
使乜怕想哼即唱認真簡單
歌聲夠勁高聲送
所有聽衆掌聲咪悭
組織吓一班好友遠足登山
跟手再k歌飲勝喫番幾餐
知音再聚心舒暢
所有歡笑fans製造
晚黑，訓覺太早，身心枯燥，倍感孤單
咪驚，快快趣即上論壇
發帖、創作似煮飯
梗盞鬼 晚晚正嘢繼續嚟
想傾偈 次次都有靓話題
講出位 個個老友也入圍
笑語歡聲全有齊 ----
時間唔夠使
forum有一班好友組織睇show
彼此有啲乜谂法也可商討
qq裏面乜都八
鬼馬搞嘢各領風騷
sam哥嘅新碟梗買最憎download
影音鋪兜左幾轉見到珍寶
cd夠平黑膠靓
整佢幾套出手夠豪
晚黑，訓覺太早，身心枯燥，倍感孤單
咪驚，快快趣即上論壇
發帖、創作似煮飯
梗盞鬼 晚晚正嘢繼續嚟
想傾計 次次都有靓話題
講出位 個個老友也入圍
笑語歡聲全有齊 ----
時間唔夠使
Re:[公告]改编SAM歌曲歌词创作大奖赛
睇嚟呢段時間大家改編阿sam歌詞嘅熱情都甚高，好作品陸續有來，一浪緊接一浪。睇睇下，我自己又再度手痕想整多首上嚟，今日剛好經過一所中學，忽然回想起自己嘅求學年代，于是就打算用阿sam嘅情歌《春夢》嚟改寫一首半鬼馬半哲理嘅粵語歌，歌名叫《醒悟》，與原歌曲風格迥異。填詞時純粹一時有感而發，粗制濫造，還望各位老友多指點。《醒悟》
原曲：許冠傑《春夢》
作曲：許冠傑
重新改編粵語歌詞：samkong
聽少陣失咗魂
堂上老師講學（我）瞌緊眼瞓
前途冇乜諗“熟食”變“生滾”
一于懶溫功課通處亂咁混
瘟瘟燉 驚衰運
明日要趕科場周身猛震
難題占幾分？唔明又懶問
深宵死“咪”書我總算入神
尤恨以前貪玩實在太放任
隨后猛然醒覺光陰重千斤
原來學嘢必須憑刻苦浸
懶惰其實最蠢笨
金榜臨 皆辛勤
遙望滿天星辰不想再自困
學業更專心落力去開墾
知識掌握手裡當有用人