粤语版〈背影〉
<DIV class=t_msgfont>忠於原文粵語版《背影》<BR><BR>我同我爸已經兩年幾冇見過喇，我最忘記唔倒嘅係佢嘅背影。（阿水）<BR><BR>嗰年冬天，嫲嫲過咗身，阿爸又冇咗份工，真係禍不單行。我由<SPAN class=t_tag onclick=tagshow(event) href="tag.php?name=%B1%B1%BE%A9">北京</SPAN>去徐州，打算同爸爸返屋企送殯。到咗徐州見到阿爸，睇見個天井一片狼藉，又諗起嫲嫲，忍唔住流出眼涙。爸爸講：「都到咗咁嘅地步咯，唔好難過，好在天無絕人之路！」（malsony）<BR><BR>返到屋企，爸爸變賣質押，但都重未夠錢，又借咗錢，辦埋喪事。近牌屋企嘅環境好差，一半係因爲喪事，一半係因爲爸爸失業。辦完喪事，爸爸要去南京搵嘢做，而我又要返北京讀書，我哋就一齊走。（malsony）本文来源于达信论坛<A href="http://bbs.pcnet.cc/thread-35196-1-1.html">http://bbs.pcnet.cc/thread-35196-1-1.html</A><BR><BR>到咗南京嗰時，有個朋友揾我去行街，噉就行咗一日；第二日上晝就即刻要坐船去浦口，下晝坐車北上。因為阿爸有嘢做，本來已經講好咗唔送我，叫旅館嘅一個相熟嘅茶房陪我去。佢對茶房千叮萬囑，好細心。但喺佢都係唔放心，怕茶房唔穩陣，左踱右踱咗一牌。其實嗰時我都廿歲啦，經已去過北京兩三次，都唔打緊啦。佢踱咗一陣，終於諗掂，都係自己親自去送我。我勸咗佢幾次話唔使啦，佢淨係講：「唔緊要，佢哋去唔好！」（guoaen）<BR><BR>我哋過咗江，入咗車站，我去買票，佢顧住睇實啲行李。行李實在太多，要畀啲錢過腳夫先可以過得去。佢又忙住同佢哋講價，我嗰陣時真係聰明得滯，硬係覺得佢唔識講嘢，係都要插嘴先得嘅。不過佢最後都講掂咗價錢，就送我上車。佢同我揀定咗近車門嘅位；我將佢同我做嘅紫毛大衣鋪好座位。佢叮囑我路上小心，夜晚要警醒啲，唔好冷親。又吩咐茶房好好照應我。我心入邊暗笑佢懵；佢哋浄係識得錢嘅，托佢哋咪盞搞！而且我又咁大個喇，唔通重照顧唔好自己？唉，宜家諗返，當時真係聰明得滯咯！（malsony、唐伯牛點蚊香）<BR><BR>我話：「爸爸，你走啦。」佢望咗一下車外邊，講：「我去買幾個橘仔，你留喺度，唔好行開。」我望見對面月臺嘅圍欄出邊有幾個小販擺檔。要去到對面月臺，就要穿過鐵軌，又要跳落去再爬返上去。爸爸都幾肥，行過去自然辛苦啲。我本來要去，但佢唔肯。唯有由得佢去。我見佢戴住頂黑布帽仔，著住件黑布大馬褂，深青色嘅棉衲，蹣跚行到鐵路邊，慢慢wu3低身落去，都唔算太難。但係佢穿過鐵軌，要爬上對面月臺，就唔簡單喇。佢用兩隻手摱住上邊，兩只腳向上縮；佢肥胖嘅身軀向左邊微微傾側，好努力噉様。呢個時候我望見佢嘅背影，我嘅眼涙好快噉流落嚟。我喇喇聲抹乾眼涙，怕畀佢睇見，又怕人哋睇見。我再望出去嘅時候，佢已經抱住朱紅色嘅橘仔行返轉頭。過鐵路嘅時候，佢先放啲橘仔落地，自己慢慢爬落去，再抱返起啲橘仔行。到咗呢邊，我即刻去扶佢。佢同我行入部車度，將啲橘仔一氣放落我件皮褛上邊。然後佢拍走件衫啲泥土，個心好似好輕鬆咁。過咗一陣之後，就講：「我走喇，到嗰邊寫信嚟！」我望住佢行出去。佢行咗幾步，擰轉頭望見我，講：「返入去啦，裏邊冇人。」等佢嘅背影混入來來往往嘅人入邊，再都搵唔到之後，我先行返入嚟坐低，我嘅眼涙又嚟喇。（malsony）<BR><BR>近幾年嚟，阿爸同我都係周圍頻撲，屋企嘅環境一日唔及一日。佢自細就出去搵食，乜都靠自己，做咗好多大事，點知老來咁落魄！佢觸目傷懷，難以控制自己感情係自然嘅事。鬱住鬱住，自然要發泄出嚟；成日爲咗屋企一啲瑣碎事情而發嬲。佢對我慢慢咁冇以前咁好。但係最近兩年冇見，佢終于忘記我嘅唔好，浄係挂住我，挂住我個仔。我嚟咗北方之後，佢寫咗封信畀我，信入邊話：「我身體平安，就係條頸痛得好犀利，揸筆揸筷子，都好唔方便，估計都嗰頭近咯。」我睇到呢度，滿眶眼涙之中，又睇見嗰個肥胖嘅，青布棉衲，黑布馬褂嘅背影。唉！都唔知幾時先可以再見到佢！（malsony、阿水）<BR><BR><A href="http://bbs.pcnet.cc/thread-35196-1-1.html">本文来源于达信论坛</A> <A href="http://bbs.pcnet.cc/thread-35196-1-1.html">http://bbs.pcnet.cc/thread-35196-1-1.html</A></DIV><DIV class=t_msgfont><BR>鬼馬粵語版《背影〉<BR><BR>我同老竇都有兩年幾冇見，我最冇可能唔記得嘅係佢嘅背影。（Wai）<BR><BR>嗰年冬天，阿嫲過咗身，老竇做晒手頭上嘅嘢又落埋崗，眞係黑開有條路。我由北京趯去徐州，諗住跟埋老竇返歸送阿嫲最後一程。去到徐州見到老竇，睇到個天井七國咁亂，又諗返起婆婆，忍唔住「吧吧」聲眼淚流。老竇講：「都搞成噉咯，唔好咁難過啦，好在船到橋頭自然直！」（余OK、阿水）<BR><BR>老竇返歸變賣典質，補咗倉，跟住又度水搞白事。呢牌，屋企真係唔係咁好景，一嚟要搞白事，二嚟老竇冇工開。搞完白事，老竇要去南京做嘢，我都要返北京讀書，就噉我哋一齊走喇。（Wai）<BR><BR>到咗南京嗰時，有個老友約我出去玩，saau3咗成日街。第二日上晝就即刻要坐搭船去浦口，下晝搭車北上。因為阿爸有嘢做，本來已經講好咗唔送我，叫旅館嘅一個相熟嘅伙記陪我去。佢對個伙記千叮萬囑，好仔細。但喺佢都係唔放心，怕茶房唔穩陣，左踱右踱咗一牌。其實嗰時我都廿歲仔啦，北京都去過兩三勻，有咩好擔心啫。佢踱咗一陣，終於諗掂，都係自己親自去送我。我勸咗佢幾次話唔使啦，佢淨係講：「唔緊要，佢哋去唔好！」（Highyun、guoaen）<BR><BR>我哋過咗條河，入埋車站，我就去買飛，佢顧住「目及」實啲行李。啲行李又鬼死噉多，冇計啦，梗係要花啲錢叫啲搬運佬幫下手先過得到去。噉佢就係度忙住同佢哋講價，嗰陣時我真是覺得自己好醒，硬係覺得佢把嘴唔掂，嘅我就伸把嘴過去幫拖。結果最屘都係佢講掂咗啲價，送埋我上車。老竇重同我搵咗一個靠車門嘅位，我拎佢幫我整嘅紫毛大褸鋪係個位度。佢嗌我路上小心啲，夜间注意咪凍親。佢又嗌啲打雜好好服侍我。我覺得佢「OUT」到暈，班打雜嘅直頭認錢唔認人啦，托佢哋幫手真係搵嚟托！加之我都噉大個仔啦，唔通重唔識照顧自己咩？唉，家陣諗返起，嗰陣真係叻唔切！（Highyun、金永明）<BR><BR>我話：「老竇，你走啦。」佢望一望車外，講：「我去買幾個桔先，你喺度等我，唔好周围去。」我睇下嗰邊月臺嘅欄杆出面有幾個走鬼等緊人帮衬。行到嗰邊月臺，要先穿過鐵路，跳落去又爬返上嚟。老竇係個肥佬，行過去自然要辛苦啲。本來我話我去，老竇唔肯，唯有畀佢去。我睇到佢戴住頂黑色嘅帽，着住黑色嘅大褸，深藍色嘅棉衲，慢慢噉行去鐵路邊，嘗試爬落去，都未算話好難。但係佢穿過鐵路，要爬上另一邊嘅月臺，就冇咁容易喇。佢用兩隻手摱住上面，兩隻腳向上縮。佢肥腯腯嘅身體微向左傾，似乎好出力。呢個時候，我見到佢嘅背影，我啲眼淚好快噉飇咗出嚟。我即刻抹乾眼淚，驚畀老竇睇到，亦都驚畀其他人「目及」到。我再望出去嘅時候，佢經已攬住红色嘅桔仔行返轉頭，穿過鐵路嗰陣，佢先將啲桔放喺地下，自己慢慢爬落去，再攬住啲桔行。行到呢邊，我即刻去扶住佢。佢同我一齐行上車，將啲桔全部放係我件大皮褸上面，跟住拍下件衫上面啲灰塵，好似好輕鬆噉。過咗陣，佢話：「我扯喇，去到嗰邊寫信返嚟！」我望住佢行出去，佢行咗幾步，擰轉頭睇住我，話：「入去啦，入面冇人。」等到佢嘅背影混入人群入面，點都搵唔返，我就入去坐低，我啲馬尿又嚟喇。（Highyun、lpoohl）<BR><BR>呢幾年，老竇同我都係周圍頻撲，屋企環境越嚟越唔掂當。佢細細個就出去揾食，一個搞掂，做咗好多大事。點知臨老就唔過得世！佢見到乜都諗起啲傷心嘢，自然就控制唔到自己感情。個心naa2住naa2住，自然就要發洩下；屋企啲濕碎嘢都成日都會激親佢，佢對我慢慢都冇之前咁好。不過話晒都兩年冇見，佢最終都唔記得我唔好嘅嘢,只係掛住我,掛住我個仔。我嚟北方之後，距寫過封信畀我，信裏面話：[我身體幾好，就係膊頭好鬼痛，扐筷扐筆都唔方便，可能快摺埋架喇。]我讀到呢度，就眼濕濕，又試見到嗰個肥肥嘅，青布棉笠，黑布馬罩衫嘅背影。唉！我都唔知幾時先可以見返佢啊！（Highyun、tsukushi）</DIV>
<DIV class=t_msgfont> </DIV>
<DIV class=t_msgfont>本文来源于达信论坛<A href="http://bbs.pcnet.cc/thread-35196-1-1.html">http://bbs.pcnet.cc/thread-35196-1-1.html</A></DIV>
<DIV class=t_msgfont><BR>〈背影》原文 朱自清<BR><BR>我與父親不相見已二年餘了，我最不能忘記的是他的背影。<BR><BR>那年冬天，祖母死了，父親的差使也交卸了，正是禍不單行的日子。我從北京到徐州，打算跟著父親奔喪回家。到徐州見著父親，看見滿院狼籍的東西，又想起祖母，不禁簌簌地流下眼淚。父親說：「事已如此，不必難過，好在天無絕人之路！」<BR><BR>父親回家變賣典質，還了虧空，又借錢辦了喪事。這些日子，家中光景很是慘淡，一半為了喪事，一半為了父親的賦閑。喪事完畢，父親要到南京謀事，我也要回北京念書，我們便同行。<BR><BR>到南京時，有朋友約去遊逛，勾留了一日；第二日上午便須渡江到浦口，下午上車北去。父親因為事忙，本已說定不送我，叫旅館裏一個熟識的茶房陪我同去。他再三囑咐茶房，甚是仔細。但他還是(終於)不放心，怕茶房不妥帖，頗躊躇了一會。其實我那年已二十歲，北京已來往過兩三次，是沒有什麼要緊的了。他躊躇了一會，終於決定，還是自己送我去。我兩三回勸他不必去，他只說：「不要緊，他們去不好！」<BR><BR>我們過了江，進了車站，我買票，他忙著照顧(看)行李。行李太多了，得向腳夫行些小費，才可過去。他便又忙著和他們講價錢，我那時真是聰明過分，總覺他說話不大漂亮，非自己插嘴不可。但他終於講定了價錢，就送我上車。他給我揀定了靠車門的一張椅子；我將他給我做的紫毛大衣鋪好座位。他囑我路上小心，夜裏要警醒些，不要受涼。又囑託茶房好好照應我。我心裏暗笑他的迂；他們只認得錢，托他們直(真)是白托！而且我這樣大年紀的人，難道還不能料理自己麼？唉，我現在想想，那時真是太聰明了！<BR><BR>我說道：「爸爸，你走吧。」他望車外看了看，說：「我買幾個桔子去。你就在此地，不要走動。」我看那邊月臺的柵欄外有幾個賣東西的等著顧客。走到那邊月臺，須穿過鐵道，須跳下去又爬上去。父親是一個胖子,走過去自然要費事些。我本來要去的，他不肯，只好讓他去。我看見他戴著黑布小帽，穿著黑布大馬褂，深青布棉袍，蹣跚地走到鐵道邊，慢慢探身下去，尚不太（大）難。可是他穿過鐵道，要爬上那邊月臺，就不容易了。他用兩手攀著上面，兩腳再向上縮；他肥胖的身子向左微傾，顯出努力的樣子。這時我看見他的背影，我的淚很快地流下來了。我趕緊拭幹了淚，怕他看見，也怕別人看見。我再向外看時，他已抱了朱紅的桔子望回走了。過鐵道時，他先將桔子散放在地上，自己慢慢爬下，再抱起桔子走。到這邊時，我趕緊去攙他。他和我走到車上，將桔子一股腦兒放在我的皮大衣上。於是撲撲衣上的泥土，心裏很輕鬆似的。過一會兒說：「我走了，到那邊來信！」我望著他走出去。他走了幾步，回過頭看見我，說：「進去吧，裏邊沒人。」等他的背影混入來來往往的人裏，再找不著了，我便進來坐下，我的眼淚又來了。<BR><BR>近幾年來，父親和我都是東奔西走，家中光景是一日不如一日。他少年出外謀生，獨自支持，做了許多大事。哪知老境卻如此頹唐！他觸目傷懷，自然情不能自已。情郁于中,自然要發之於外；家庭瑣屑便往往觸他之怒。他待我漸漸不同往日。但最近兩年的不見，他終於忘卻我的不好，只是惦記著我，惦記著我的兒子。我北來後，他寫了一信給我，信中說道：「我身體平安，惟膀子疼痛厲害，舉箸提筆，諸多不便，大約大去之期不遠矣。」我讀到此處，在晶瑩的淚光中，又看見那肥胖的、青布棉袍、黑布馬褂的背影。唉！我不知何時再能與他相見！</DIV>
<DIV class=t_msgfont> </DIV>
<DIV class=t_msgfont>本文来源于达信论坛 <A href="http://bbs.pcnet.cc/thread-35196-1-1.html">http://bbs.pcnet.cc/thread-35196-1-1.html</A></DIV>
[ 本帖最後由 itechren 於 2008-5-7 20:06 編輯 ] 收藏 <IMG alt="" src="http://bbs.cantonese.asia/images/smilies/default/sweat.gif" border=0 smilieid="10"> 呢篇嘢嘅出处系呢个网站就真！<IMG alt="" src="http://bbs.cantonese.asia/images/smilies/default/mad.gif" border=0 smilieid="11"> 认真无厘头！
頁:
[1]