設為首頁收藏本站

粵語協會

 找回密碼
 註冊

QQ登錄

只需一步,快速開始

掃一掃,訪問微社區

搜索
熱搜: 活動 交友 discuz
查看: 12430|回復: 13

2007年粵語協會大事回顧

[複製鏈接]
發表於 2008-1-4 23:08:48 | 顯示全部樓層 |閱讀模式

  一年人事幾番新,粵語協會又走過咗唔平凡嘅第四年。喺粵語同粵文化日漸備受冷落、飽遭「推普機」侵蝕、得唔到China Gov有效保護嘅今日,粵語協會呢把由民間保育衛士編就嘅堅韌之傘,遮擋住省港澳日益污染煙霞密佈嘅上空,隔離渾濁到難以喘息嘅空氣,為粵語、粵文化撐起一片晴天,並延展到世界各地華人世界,蔭護一眾愛粵赤子,得以在此間享受清新暢快自由嘅南粵氣息。
  繼往開來,08年注定係多事之秋,新年伊始又係回顧返過往一年成果嘅時候,相信經常關注協會動態嘅網友,都知道舊年難忘嘅大事,而家一齊嚟重溫吓(排列不分先後,有補充請跟帖):


  1. 再次成功更換網站伺服器:前年我哋經已揼過重本換咗一次伺服器,隨住論壇訪問人數不斷攀陞,後來嚴重超出負荷,於是乎喺8月底9月初,幾位管理員死慳死抵自扲荷包,花費近兩萬文,一次過更換咗速度更快、容量更大嘅伺服器同網絡空間,大大加快咗網站及論壇嘅訪問速度。


  2. 受眾多傳媒採訪或做客串嘉賓:
  a. 自1月31號大陸傳媒(最早採訪係香港電臺)首度喺《羊城晚報》全面報道協會,之後計有珠江商報、廣州日報、佛山日報、佛山電臺、信息時報、廣州電視臺等傳媒以唔同角度採訪協會成員。
  b. 由協會開發嘅粵拼輸入法廣受好評,得到眾多傳媒追訪(可惜呢類報道都過於失實)如:南方都市報、廣州日報、羊城晚報、廣州電視臺、香港大公報、東莞電視臺、東莞日報以及中新網等媒體。
  c. 協會聯合幾大兄弟網站製作嘅《難忘您的音韻》CD,喺本地原創音樂界產生極大迴響,眾成員8月份亦獲邀上三水電臺節目客串嘉賓。


  3. 協會舉辦嘅各種活動得到眾會員響應同支持,尤其係2月4號喺廣州越秀山別開生面嘅大型聚會(聚集到唔少元老級及新丁會員),以及十月初嘅街頭掃錯字行動,後者更被羊城晚報及Poco網專題報道。


  4. 南方都市報開辟協會專欄文章:10月30號開始該報嘅「白話廣州」版以數種專題刊登會員嘅原創作品,大受讀者歡迎,更主持該版唯一可以同讀者互動嘅問答專欄。


  5. 會員盧總獲博客之星大獎:獎品就係坐遊輪去越南遊埠,據稱一路宣傳粵語文化收效甚豐。今年佢再戰江湖,現時正密鑼緊鼓以其粵文博客對其他千篇一律嘅普文博客發起攻勢,但願可以再為粵人爭光。


  6. 網站及論壇人氣急陞:訪問人數再創高峰,註冊會員人數現已接近8000。增設嘅錯字誤音澄教署同外語角版,都展示住佢哋獨特嘅風采,為粵語嘅規範性同全球推廣增色唔少。論壇發帖質素為同類論壇之翹楚,尤其係Dada主持《每日一句與粵語有關之古詩詞》嘅專題帖長做長有,迄今跨度達三年之久,余OK主持嘅每日名家專欄帖亦堅持咗半年時間冇間斷。


  7. 為咗實現成為官府註冊登記嘅機構,核心成員作過多番努力同嘗試,如聯絡紅線女、倪惠英等前輩,趡過多個Gov部門,雖然最終食咗閉門羹,依然冇削弱到我哋對粵語粵文化嘅熱情,更加激發我哋事事做得更好嘅鬥志。

[ 本帖最後由 余OK 於 2008-1-5 00:38 編輯 ]
發表於 2008-1-4 23:37:44 | 顯示全部樓層
盧總今鑊真係要請食飯啦
發表於 2008-1-5 00:10:37 | 顯示全部樓層

咩树要我请食饭?

之前已经讲好咗,如果我赢到就我请食饭,否则就虾仁请——你去揾佢啦!

發表於 2008-1-5 00:19:07 | 顯示全部樓層

07年嘅嘢全部講晒,不如我講下08年嘅大計啦:

1、正式版會服嘅製作。現時已經出咗設計初稿,唔使幾耐,會員就會擁有潮得嚟又有文化底蘊嘅粵語協會制服!

2、更換網站程序,準備使用super site,同論壇無縫嵌接。到時網站功能更強大。

3、執掂個字詞庫,推出新版嘅輕鬆粵拼。

發表於 2008-1-5 03:16:48 | 顯示全部樓層

重有两件好重要嘅事唔可以唔提:

 

一件系,我哋联合咗好多爱广人士,一齐粉碎咗广州地铁取消广州话报站嘅阴谋诡计——话之佢广州地铁点样解释,或者我哋嘅作用如何。

 

另外一件就系,我哋联同一众反推普人士插屎「文远竹」嗰只仆街走狗。

 

呢两件事都不可不提,因为呢两件事都吸引到好多人嘅关注,为我哋发展事业带嚟咗好多人才,壮大咗我哋嘅队伍,而且我哋最后亦取得咗空前嘅胜利!

發表於 2008-1-5 12:59:58 | 顯示全部樓層

粉碎陽謀扑死狗,粵恊兄弟真一流 !

 

發表於 2008-1-13 19:35:55 | 顯示全部樓層

好嘢,真威風 ~

發表於 2008-1-15 22:32:13 | 顯示全部樓層

做個論壇仔就算喇.

人唔好抱太大嘅野心.

 

想注冊?No money no talk.

想登記?No power no talk.

發表於 2008-1-18 07:21:20 | 顯示全部樓層

原帖由 饅饅 於 2008-1-15 22:32 發表 做個論壇仔就算喇. 人唔好抱太大嘅野心.   想注冊?No money no talk. 想登記?No power no talk.

 

有时女仔嘅直觉重犀利过男人嘅智慧!

發表於 2008-4-6 21:27:54 | 顯示全部樓層

感谢有一班咁伟大,默默付出嘅人

發表於 2008-4-7 23:30:34 | 顯示全部樓層

原帖由 外外星人 於 2008-1-18 07:21 發表   有时女仔嘅直觉重犀利过男人嘅智慧!

 

嗱,睇下我几有先见之明啦!

發表於 2008-4-22 20:04:11 | 顯示全部樓層

同心协力 共同努力

 樓主| 發表於 2008-5-13 23:48:43 | 顯示全部樓層
原帖由 余OK 於 2008-1-4 23:08 發表 繼往開來,08年注定係多事之秋
  今年中國流年不利,噖日又整鑊咁勁嘅。眞係畀我批中咗,而家睇返都幾唏噓。
您需要登錄後才可以回帖 登錄 | 註冊

本版積分規則

粵語協會官方網站
網友發帖之言論,純屬個人意見,與本會立場無關

手機版|Archiver|粵語協會    

GMT+8, 2017-11-22 11:53 , Processed in 0.340248 second(s), 25 queries .

Copyright © 2003 - 2016 Cantonese Association. All Rights Reserved. 粵語協會 版權所有

快速回復 返回頂部 返回列表