只需一步，快速開始
dam doen 紫姜，你阿嫲，孭枝槍，去打仗，返嚟食舊咸酸姜，dam doen ...
鼻涕蟲，孖煙囪，火車行過 gung gung gung, 你又 gung, 我又 gung.
又喊又笑，烏蠅打照，蠄蟧瀨尿。
舉報
我哋嘅版本系：
dam doen ，贱格leung（第一声），你阿爸，揸枝枪，去打仗。打完仗，返嚟食碗辣椒酱。
又喊又笑，乌蝇打照，蠄蟧瀨尿。行过西门口，畀人打箩柚，打到个箩柚生／屙豆豆。
我記得係：
大笨象，揸支鎗，去打仗，打完仗，返來食碗鹹酸薑。
鋼盔個大頭佛，着鞋唔着袜。
董存瑞，十八歲，為國犧牲炸堡壘，炸到堡壘喎喎脆，全國人民流眼淚。
原帖由 Lucciora 於 2007-12-19 09:25 發表 董存瑞當年衹能講係為黨犧牲
童謠係噉唱，我都係照抄。佢為黨定係為國，自己諗。
重有一首超經典：
河邊有隻羊，河邊有隻象，河邊有隻馬騮仔，好似你噉樣。
不過我聽吉隆坡嗰邊嘅版本係：
河邊有隻羊，羊邊有隻象，象邊有隻馬騮仔，好似你噉樣。
按現今國際價值觀評價，董生呢鍾行為叫「自殺式恐怖襲擊」。
原帖由 紫凤凰 於 2007-12-19 06:45 AM 發表 我記得係： 大笨象，揸支鎗，去打仗，打完仗，返來食碗鹹酸薑。 鋼盔個大頭佛，着鞋唔着袜。 董存瑞，十八歲，為國犧牲炸堡壘，炸到堡壘喎喎脆，全國人民流眼淚。 ...
大笨象，揸支枪，去打仗，打完仗，返嚟食番碗辣椒酱。
钢盔个大头佛，着鞋唔着袜。（后面重可以加多句：老土兼核突。）
ＸＸＸ，十八岁，就去参加游击队，佢食饭唔规矩，夹餸乱咁「队」，揸住双筷子流口水。
原帖由 Lucciora 於 2007-12-19 09:25 AM 發表 董存瑞當年衹能講係為黨犧牲
原帖由 馬萬千 於 2007-12-19 01:11 PM 發表 按現今國際價值觀評價，董生呢鍾行為叫「自殺式恐怖襲擊」。
原帖由 卢总 於 2007-12-19 14:02 發表 唔知阿马生你「呢鍾行為」又叫乜嘢呢？
對共和國某位教科書中的英雄給予幽默式評價。
原帖由 紫凤凰 於 2007-12-19 06:45 發表 我記得係： 大笨象，揸支鎗，去打仗，打完仗，返來食碗鹹酸薑。 鋼盔個大頭佛，着鞋唔着袜。 董存瑞，十八歲，為國犧牲炸堡壘，炸到堡壘喎喎脆，全國人民流眼淚。 ...
帶有政治性質嘅童謠應該忽略。
第一首童謠我未聽過。
「河邊有隻羊」哩首聽過，好似係第一個版本。
我哋細嗰時唱嘅係「董存瑞，炸堡壘，炸到堡壘濕濕碎」。
原帖由 卢总 於 2007-12-19 13:59 發表 顶！乜你哋咁钟意「咸酸姜」？都唔够押韵嘅！ 我哋嘅版本系： 大笨象，揸支枪，去打仗，打完仗，返嚟食番碗辣椒酱。钢盔个大头佛，着鞋唔着袜。（后面重可以加多句：老土兼核突。）ＸＸＸ，十八岁，就去参加游击队，佢食饭唔规矩，夹餸乱咁 ...
我哋嘅版本係：XXX未夠十八歲，參加游擊隊，食飯冇規矩，瞓覺流口水，揸住個飯兜周圍去，屙尿唔排隊。
喚起咗唔少童年回憶
請問有冇人聽過：
啯啯雞，半夜啼
提醒我，去（當刂）雞。
gue~~
如果無人聽過，噉可能系我媽老作喇。
我表妹嗰陣就係「何家公雞何家猜」囉。
突然間諗起一首：
一支竹仔會易折彎，幾支竹一氣斷折難。
我成日都唔曉唱足成首。
重有下邊都好經典下：
學生個，好咪書囉……
原帖由 芬1012 於 2007-12-19 15:54 發表 帶有政治性質嘅童謠應該忽略。
政治性嘅重有「過年有餅食，全靠毛主席。」
原帖由 柳寻风 於 2007-12-21 21:13 發表 重有下邊都好經典下： 學生個，好咪書囉……
呢首係亞sam首歌來架。
將啲細路當架罉噉使，係佢哋至做得出咖喳。
以前係噉，而家又係噉。
本版積分規則 發表回復 回帖後跳轉到最後一頁
Archiver|手機版|粵語協會
GMT+8, 2024-4-27 04:31 , Processed in 0.087897 second(s), 20 queries .
Powered by Discuz! X3.5 Licensed
© 2001-2024 Discuz! Team.
發表於 2007-12-19 03:46:00
發表於 2007-12-19 03:57:59
發表於 2007-12-19 09:25:57
