標點符號嘅問題

desmond

我知道呢個版塊度有好多人都支持用正體字，噉你哋覺得用正體字嘅同時，係咪應該用返傳統嘅標點符號，例如「」『』，代替西方味道濃厚嘅“”同‘’呢？

MarkXD

一向都係用「」同『』呢啲。 唔慣中文用“”同‘’。

desmond

但係喺中國內地啲人都係用“”同‘’，冇乜人用「」同『』咖啦！就連 anl 都係用“”同‘’！人哋日本都係用緊「」啦，我覺得自己唔用「」同『』，會有啲可惜囉！

dada

我寫簡體時用“”同‘’，寫繁體時看心情（打「」同『』比較麻煩）。以後寫繁體我就用「」同『』喇。

desmond

而家個論壇有咗點字板，你打「」『』好易啫。duk1吓duk1吓咪得囉。duk1字點寫。

dada

《廣州話方言詞典》同《廣州話正音字典》話係「督」。當然從「扌」好啲﹐但係「督」有催迫嘅意思﹐都唔算太離譜。

highyun

笃 字更合适

dada

我知道「督」好勉強﹐但點解「篤」更合適呢﹖

highyun

我都冇咩证据，只系见“栋笃笑”用呢个“笃”啫。而“督”就真系狗唔拉肺

MarkXD

粵語字打法(http://www.cantonese.asia/anl/oncc/data/letters.htm) 嗰度寫係「厾」

dada

《異體字字典》﹕ 方言： 1. 畫家不經意之點。雄縣新志．卷四：「聞見俗錄：畫家之筆法，隨筆點染以成花葉，若甚不注意者謂之點厾。讀如篤，今讀如都，或轉為低憂切。俗以遺失為厾。」 2. 擲物，義同「丟」。太倉州志．卷六：「擲物曰豁，又曰厾，當入聲。」 3. 戲曲小說中語氣詞。綴白裘．荊釵記．說親：「成親之後，大盤大盒，吃弗盡厾來。」