設為首頁收藏本站

粵語協會

 找回密碼
 註冊

QQ登錄

只需一步,快速開始

掃一掃,訪問微社區

搜索
熱搜: 活動 交友 discuz
查看: 5945|回復: 28

[詞彙及文法] “早晨”早到幾時?

[複製鏈接]
發表於 2007-7-25 19:03:09 | 顯示全部樓層 |閱讀模式
“早晨”普通話中係名詞,指早上,而粵語中係一句問候語,時下啲後生仔鍾意一日廿四小時都講早晨,其實早晨係有限制時段嘅,多數人認為係中午十二點前,而我覺得早晨應作早辰,即辰時(七點至九點盡)向人講聲早,當然啲公公婆婆晨運起得早,卯時已經講早晨了~
發表於 2007-7-25 20:06:19 | 顯示全部樓層

“早上”或者“上昼”,亦有人叫“上午”应该喺“午时”(即系11点钟)之前。

 樓主| 發表於 2007-7-25 21:52:13 | 顯示全部樓層

你認為“早晨”與“上午”一樣咩?

發表於 2007-7-26 04:21:06 | 顯示全部樓層

我觉得早晨应该系比上午要早啲嘅~

顺便问一句,发贴系咪要用繁体字嘎?

發表於 2007-7-26 06:24:42 | 顯示全部樓層
以下是引用Ema在2007-7-25 20:21:06的發言:

我觉得早晨应该系比上午要早啲嘅~

顺便问一句,发贴系咪要用繁体字嘎?

我冇话过“早晨”同“上午”一样--两者当然系唔一样啦!“早晨”的确比“上午”早。

在此发“”唔一定要用繁体字。

發表於 2007-7-26 08:13:34 | 顯示全部樓層

九點不為過,但係過咗九點就有啲問題勒!

過咗九點你同佢講話“早晨”,人哋都會話唔早喇!!!c。。。

發表於 2007-7-31 09:30:23 | 顯示全部樓層
早晨应该系食早餐果段时间先系。一般都系去叹茶打招呼先话早。。。
發表於 2007-8-3 02:27:02 | 顯示全部樓層
早晨就梗应该早过早上
發表於 2007-8-3 03:12:56 | 顯示全部樓層

基本上中午之前,你讲“早晨”都冇人会话有意见。

好似今朝十点几,茗荷介见到我都话“卢总早晨~”。

發表於 2007-8-3 04:05:18 | 顯示全部樓層

你冇意見唔代表人哋冇意見。。。

至於你今朝嘅遭遇。。無解。。。。。

發表於 2007-8-3 04:25:49 | 顯示全部樓層
以下是引用auyeung在2007-8-2 20:05:18的發言:

你冇意見唔代表人哋冇意見。。。

至於你今朝嘅遭遇。。無解。。。。。

有意见咪提出嚟啰!何必在此单打?

不过提意见最好有根有据,唔好戾横折曲!

[此帖子已經被作者於2007-8-2 20:28:04編輯過]
發表於 2007-8-3 05:22:50 | 顯示全部樓層
以下是引用卢总在2007-8-2 19:12:56的發言:

基本上中午之前,你讲“早晨”都冇人会话有意见。

好似今朝十点几,茗荷介见到我都话“卢总早晨~”。

妖,卢总做咩摆我上台?
其实我觉得日常用语,又唔使规定得咁死嘅,好多词都有原来嘅意思同后来嘅引申义。
未到中午,早上见到人问候下“早晨”都好平常啩?打个招呼啫。

如果真系要计……

    十二时辰制。西周时就已使用。汉代命名为夜半、鸡鸣、平旦、日出、食时、隅中、日中、日昳、晡时、日入、黄昏、人定。又用十二地支来表示,以夜半二十三点至一点为子时,一至三点为丑时,三至五点为寅时,依次递推。

【子时】夜半,又名子夜、中夜:十二时辰的第一个时辰。(23时至01时)。

【丑时】鸡鸣,又名荒鸡:十二时辰的第二个时辰。(01时至03时)。

【寅时】平旦,又称黎明、早晨、日旦等:时是夜与日的交替之际。(03时至05时)。

【卯时】日出,又名日始、破晓、旭日等:指太阳刚刚露脸,冉冉初升的那段时间。(05时至07时)。

【辰时】食时,又名早食等:古人“朝食”之时也就是吃早饭时间,(07时至09时)。

【巳时】隅中,又名日禺等:临近中午的时候称为隅中。(09 时至11时)。

【午时】日中,又名日正、中午等:(11时至13时)。

【未时】日昳,又名日跌、日央等:太阳偏西为日跌。(13时至15时)。

【申时】哺时,又名日铺、夕食等:(15时至17时)。

【酉时】日入,又名日落、日沉、傍晚:意为太阳落山的时候。(17时至19时)。

【戌时】黄昏,又名日夕、日暮、日晚等:此时太阳已经落山,天将黑未黑。天地昏黄,万物朦胧,故称黄昏。(19时至21时)。

【亥时】人定,又名定昏等定,又名定昏等:此时夜色已深,人们也已经停止活动,安歇睡眠了。人定也就是人静。(21时至23时)。

    嗱,冚唪唥错晒!以后早上见到人都唔准讲早晨!呵呵~

發表於 2007-8-3 05:40:16 | 顯示全部樓層

边有摆你上台?最多都系摆你上枱!嘿嘿!

少少嘢就发娇嗔,唔准人哋如何如何,想打横嚟!

“以后早上见到人都唔准讲早晨”——噉请问讲咩呢?哈哈哈!

發表於 2007-8-3 07:19:55 | 顯示全部樓層

「早晨」 應指清晨、天明之際。

早,是天剛亮的時候。

晨,早上太陽剛出來的時候。有道:「一日之計在於晨」

發表於 2007-8-3 11:06:49 | 顯示全部樓層
。。。。咁,“倒屎都冇咁早”虽然係话D人无端白事早起身,咁比倒屎更早嘅时间。。。又係指几点之前?
發表於 2007-8-3 12:22:44 | 顯示全部樓層

廣東話:倒塔咁早

塔者,糞塔之謂,雅稱馬埇,即盛載糞便之器皿。 

所謂 倒塔咁早,其實又有幾早?

倒塔就是收集置於各家各户門口的糞桶裡的冀便,時間是傍晚六、七點鐘,是說收夜香的來得早,不是早上的早。以下是南方網新聞中心報導有關“倒夜香”的記載,內文陳述倒夜香的時間:

‘據在荔灣區住了幾十年的黃伯回憶,在上世紀六七十年代,居民住宅密集的街巷,每到傍晚六七時,清糞工的搖鈴響徹大街,家家戶戶都將一家大小的糞缸排在自家門口,有許多街巷一眼望過去是一溜各式糞缸,蔚為壯觀。但由於倒糞時間在傍晚,也正是許多人家晚飯時間,所以當時許多人覺得倒胃口。’

備註:

倒夜香 這工作出現於有見平房的時候,約民國時期,因當時樓宇沒有水厠設施,所以出現這種服務。

另,倒夜香 這工作非我國專有,今天的印度仍存在着這種工作,為因印度一些老式的廁所沒有下水道連接化糞池,靠的是人工把排泄物掏出來,搬運到特定的處理地點,而且他們還會將這東西置於頭頂上來運送呢。

發表於 2007-8-3 16:47:10 | 顯示全部樓層
以下是引用茗荷介在2007-8-2 21:22:50的發言:

妖,卢总做咩摆我上台?
其实我觉得日常用语,又唔使规定得咁死嘅,好多词都有原来嘅意思同后来嘅引申义。
未到中午,早上见到人问候下“早晨”都好平常啩?打个招呼啫。

如果真系要计……

    十二时辰制。西周时就已使用。汉代命名为夜半、鸡鸣、平旦、日出、食时、隅中、日中、日昳、晡时、日入、黄昏、人定。又用十二地支来表示,以夜半二十三点至一点为子时,一至三点为丑时,三至五点为寅时,依次递推。

【子时】夜半,又名子夜、中夜:十二时辰的第一个时辰。(23时至01时)。

【丑时】鸡鸣,又名荒鸡:十二时辰的第二个时辰。(01时至03时)。

【寅时】平旦,又称黎明、早晨、日旦等:时是夜与日的交替之际。(03时至05时)。

【卯时】日出,又名日始、破晓、旭日等:指太阳刚刚露脸,冉冉初升的那段时间。(05时至07时)。

【辰时】食时,又名早食等:古人“朝食”之时也就是吃早饭时间,(07时至09时)。

【巳时】隅中,又名日禺等:临近中午的时候称为隅中。(09 时至11时)。

【午时】日中,又名日正、中午等:(11时至13时)。

【未时】日昳,又名日跌、日央等:太阳偏西为日跌。(13时至15时)。

【申时】哺时,又名日铺、夕食等:(15时至17时)。

【酉时】日入,又名日落、日沉、傍晚:意为太阳落山的时候。(17时至19时)。

【戌时】黄昏,又名日夕、日暮、日晚等:此时太阳已经落山,天将黑未黑。天地昏黄,万物朦胧,故称黄昏。(19时至21时)。

【亥时】人定,又名定昏等定,又名定昏等:此时夜色已深,人们也已经停止活动,安歇睡眠了。人定也就是人静。(21时至23时)。

    嗱,冚唪唥错晒!以后早上见到人都唔准讲早晨!呵呵~

引得真係好,又學到嘢...直頭想加你分

[此帖子已經被作者於2007-8-3 8:58:32編輯過]
 樓主| 發表於 2007-8-4 03:41:06 | 顯示全部樓層

雖則“一日之計在於晨”亦有版本作“一日之計在於寅”

但寅時真係早過頭喎~~相信呢個時候多數人都未起身,難道同周公講早晨咩~

發表於 2007-8-4 03:49:10 | 顯示全部樓層

“早朝”。有呢個講法。

“早晨”幾時講,睇個人習慣。

發表於 2007-8-4 04:23:37 | 顯示全部樓層
以下是引用羊城惜花人在2007-8-3 19:41:06的發言:

雖則“一日之計在於晨”亦有版本作“一日之計在於寅”

但寅時真係早過頭喎~~相信呢個時候多數人都未起身,難道同周公講早晨咩~

“点卯”者,卯时就已经要喺校场集队进行嘞。

若然寅时都重未起身,做计划嘅话,系要受军法处置嘅。

您需要登錄後才可以回帖 登錄 | 註冊

本版積分規則

粵語協會官方網站
網友發帖之言論,純屬個人意見,與本會立場無關

手機版|Archiver|粵語協會    

GMT+8, 2022-5-18 13:31 , Processed in 0.220257 second(s), 26 queries .

Copyright © 2003 - 2021 Cantonese Association. All Rights Reserved. 粵語協會 版權所有

快速回復 返回頂部 返回列表