|
好耐冇影過相啦！攞返以前啲相出嚟睇，真係好多感觸。——G肉佬（2007年2月27日）
過年嗰排，親戚朋友嚟我屋企拜年，除咗寒暄一番之外，無外乎講返我細個嗰啲爆笑嘢，我會攞啲相簿出嚟畀佢哋睇。
當時（我出世嗰陣）我喺屋企係同輩中最大又係唯一嘅男丁，父母、阿爺阿嫲、姑姐阿叔個個都當正我係寶，搞到我依家咁任性我諗都係畀佢哋種壞曬。
我細細個就好有扮嘢天分咖喇，有相為證咖，不過唔畀你哋睇，因為有好多都露點嘅！重有吖，我細個成日著啲花花衫嘅（唔知點解買咗咁多），個面又圓碌碌，眼仔又好鬼精靈喔，真係好鬼得意咖！唔怪得嗰時幼稚園啲女同學成日搣我塊面啦！
不過我其實好怕影相，幾歲嗰時啲相十張有九張都係喊嘅，就算依家都係，如果唔係同啲好熟嘅人影相，一定笑得好唔自然（連自己都唔知點解）。再睇返老竇抱住我影嗰張相，感觸重大，想當年我老竇被譽為「泮塘第一美男」，迷到唔少「西關小姐」咖，我都係有佢嘅遺傳先有返咁上下倜儻！不過「美男」依家變成「肥腩」喇，真係歲月不饒人！至於母親大人，我就唔講喇，費事佢小器吖。
睇睇下，有啲相原嚟重未過塑，都係扐去過塑先，話曬都係好珍貴嘅回憶錄嚟個喎！
[ 本帖最後由 gboss 於 2008-11-13 16:13 編輯 ] | 
發表於 2007-5-25 03:09:29