|
近日关于发哥周润发嘅消息，甚嚣尘上嘅当数佢同张伟平之间嘅口水战。睇完报道之后嘅感觉就系周润发最笨实呢次！ 有人话，想知一个人系点，睇下佢身边嘅人就可以略知个大概嘞。从周润发今次返嚟大陆拍戏嘅合作对象就应该可以预料会有今日咁不幸嘅事情发生。 首先，嗰个乡下佬导演本身就系垃圾。呢条粉肠本身系乡下佬出身，由于八字生得正，食屎食着豆，畀佢拍咗几部反映中国农村贫困落后面貌嘅电影，啱晒一班伺机奚落中国人嘅鬼佬嘅“合尺”（“合尺”在此读作“荷车”），于是就被捧到有多少沾沾自喜。点知一返到中国就被国人唾骂到体无完肤，于是此厮就立心拍戏畀洋大人睇，企图进军荷李活，扬威奥斯卡。点知佢嘅如意算盘一直都打唔响，不但冇得到洋大人对佢呢只狗奴才嘅垂青，反而被国人一次又一次痛骂佢无能、垃圾。乡下佬拍农村片损害中国人形象，拍现代城市片又被人闹佢老土、唔真实，拍古装片又被指浪费、冇内涵——呢啲咁嘅垃圾乡下佬，真系唔明周润发点解重要同佢合作！ 其次，嗰个乡下婆又系唔知咩回事，估计都系个老公唔掂等钱使，所以先返转头揾返以前嘅老相好，希望可以咸鱼翻生。听讲有发哥坐阵就更加系欢天喜地啦！听见发哥好客套噉赞佢两句，就犹如飞上枝头变凤凰嘅乌鸦般一脸红霞，难为我哋见到此情此景，连隔夜饭都呕埋出嚟。发哥又被人成功借咗上位嘞！ 至于嗰只垃圾周贱伦就更加不知所谓啦——着起龙袍都唔似太子，真系唔明佢当初何以胆敢接呢个角色，佢知唔知个“丑”字点写？佢嗰个死款有咩说服力呢？以为有一班无知嘅细路喺台下为佢尖叫，佢就真系台上嘅王者，更有电影海报就只得佢一个人，当正佢就系唯一嘅男猪脚——有四个字真系最啱形容佢：恬不知耻。发哥要提携后辈都拣啲正经、正派，对社会有正面影响嘅后生仔啦嘛，何必益咗呢啲噉嘅契弟呢？ 电影编剧吴楠透露，片中周润发嘅表演同剧本创作相差甚远：原本设计嘅大王系一个相对羸弱嘅人，甚至身体都有啲佝偻，并非咁霸道同威风凛凛——既然如此，当初点解要揾发哥呢？发哥之所以系发哥，就系因为佢有嗰股皇者嘅霸气，你估“阿哥”咁易做嘎？如果觉得发哥嗰种霸气系唔合适嘅，当初就根本唔应该揾佢，或者喺拍摄嘅过程中，导演同编剧就应该予以纠正。而家先嚟讲啲噉嘅嘢，佢哋咩意思啊？！系咪当初怕票房冇保证，冇乜号召力，所以先走去求发哥啊？ 最后讲下嗰个张伟平，其实亦唔使点讲嘞，成日同得乡下佬埋堆嘅都唔慌好得去边！所以事后说三道四，讲出啲唔该讲嘅说话亦不足为奇，素质问题啦，人品问题啦，大家都应该知道系乜嘢问题咖嘞！ 其实以周润发今时今日嘅地位、身家，既唔系等钱使，又唔系博攞奖，使乜同啲噉嘅人合作呢？希望发哥经一事，长一智，以后小心选择合作伙伴，唔好再畀人踩住自己嘅膊头上位，重要喺正头上屙屎，影响自己嘅光辉形象！我相信发哥笨实完呢次，以后都唔会再犯同样嘅错误！ 部垃圾戏呢我就肯定冇睇过，亦都未曾听过有朋友赞部戏好，更加唔会去睇，话之佢正版定老翻！我都系中意睇“船头尺”、“阿Ｍａｒｋ”、“猫仔”、“剂哥”…… 原文出处： http://www.blogcn.com/user25/general_lo/blog/50985883.html 写于２００７－０１－１５
[此帖子已經被作者於2007-2-1 2:52:52編輯過]
| 
發表於 2007-2-1 10:50:46
發表於 2007-2-1 13:08:45