設為首頁收藏本站

粵語協會

 找回密碼
 註冊

QQ登錄

只需一步,快速開始

掃一掃,訪問微社區

搜索
熱搜: 活動 交友 discuz
查看: 5589|回復: 17

[原创+分享]徐小凤演唱会2006

[複製鏈接]
發表於 2007-1-4 08:21:48 | 顯示全部樓層 |閱讀模式

2006年12月15日至12月20日晚,以及2006年12月23日至12月26日晚,徐小凤于香港红堪体育馆共举行10场《景福珠宝金光灿烂徐小凤演唱会2006》SHOW,而小弟有幸喺12月16日晚上到香港红堪体育馆观赏咗小凤姐嘅次场演出。由于呢次扑飞时间比较早,准备亦较为充分,小弟一早就顺利买到咗张价钱$400嘅靓飞---正中间略靠右侧第四排(唔知算唔算靓位置呢?哈哈),演唱会当晚,小弟匆匆用过晚饭,就赶到红馆坐定定等睇精彩演出嘞--呢次係小弟继2005年8月之后,第二次欣赏小凤嘅演出。向来形像高贵嘅小凤姐,依旧保持佢一贯风格---表演服装亮丽多彩、雍容华贵。小凤姐以一身火红伞裙出场,甚有圣诞气氛!舞台上吊著巨型水晶灯,十分华丽,无论舞台灯光嘅整体布置,抑或音响效果,红馆都确实一流!小凤姐颇具歌坛大姐大嘅风范,佢以一贯高水准之歌艺及幽默道白,引得坐满全场嘅观众不时以热烈掌声回应。小弟最深印象嘅系,小凤姐当晚曾讲:“我今晚非常激动,咁多年以来,大家都对我不离不弃,一如既往噉支持我......你哋係为咗追随我嘅歌声而来嘅,而其实我却係为咗追随你哋嘅掌声而来嘅......”。演唱会上,小凤姐除咗唱出其连串经典金曲外,更首次Rap歌,唱出佢嘅新歌“徐想曲”,小凤姐边唱歌边向台上观众献飞吻,表现甚为活跃。小凤姐今次嘅演唱会当中,将多首歌曲重新编排。除咗其必唱嘅首本金曲之外,所有演唱歌曲跟上次2005演唱会完全唔同.现场演绎Hip Hop风格嘅新歌[徐想曲]就最有特色。其他歌曲包括[深秋立楼头],[柔道龙虎榜],[明日天涯],[似水流年],[功夫舞],[黄昏放牛],[誓要去入刀山]等等,都令众FANS耳目一新。不过个人觉得呢次演唱会小凤姐所选嘅曲目,有两大特点,第一係唱咗多首“别人的歌”(包括郑少秋、梅艳芳、关正杰等);第二係较少演唱佢喺宝丽金时期嘅名曲(记忆中好似只有一首《每一步》)。呢场SHOW,担任嘉宾嘅乃係张祟基与张祟德,兄弟二人于台上表演摹仿其他歌星唱歌(学罗文唱《狮子山下》嗰几句就最似、最生动嘞!),之后又用女声演绎《帝女花》添,哇,模仿起来,都米话唔似嘎,哈哈,仲引来小凤姐都用阿LAM腔整番几句[在水中央]添,张祟德仲以阿LAM声线回应,全场爆笑!
总之,呢场SHOW,真係精彩纷呈,令歌迷大饱眼福、耳福,个人觉得:价钱$400嘅飞,实在超值!

[此帖子已經被作者於2007-1-4 21:48:04編輯過]
 樓主| 發表於 2007-1-4 08:35:05 | 顯示全部樓層

呢张就係小弟当晚嘅门飞,点啊?位置够晒靓嘞啩,拍照就绝对係一流,哈哈。

?

?

[原创+分享]徐小凤演唱会2006

[原创+分享]徐小凤演唱会2006

 樓主| 發表於 2007-1-4 08:36:35 | 顯示全部樓層

呢张小凤姐嘅照片,就系当晚大会赠送嘅纪念品之一。

?

[原创+分享]徐小凤演唱会2006

[原创+分享]徐小凤演唱会2006

 樓主| 發表於 2007-1-4 08:39:41 | 顯示全部樓層

当晚所有嘅入场观众,都获赠呢只会闪闪发出七色光嘅戒指,令整台SHOW嘅过程,整个红馆都熠熠生辉,场面颇为壮观动人!

6LICYHcU.jpg
[此帖子已經被作者於2007-1-4 0:40:09編輯過]
發表於 2007-1-4 20:19:48 | 顯示全部樓層
05年睇過小鳳姐0既星光燦爛演唱會,有好多首靚歌都係康藝成音時期果D.
發表於 2007-1-5 02:18:26 | 顯示全部樓層
谢谢楼主的精彩报道!
發表於 2007-1-5 03:49:23 | 顯示全部樓層
聽落真係覺得好精彩,有冇當晚嘅曲目?《徐想曲》幾時先有CD聽?
發表於 2007-1-5 04:04:54 | 顯示全部樓層
  幾時喺大陸可以開返場?呢啲樂壇老前輩演唱會眞係賣少見少,希望第時可以親臨現場感受。
發表於 2007-1-5 04:35:43 | 顯示全部樓層
QUOTE:
以下是引用余OK在2007-1-4 20:04:54的發言:
  幾時喺大陸可以開返場?呢啲樂壇老前輩演唱會眞係賣少見少,希望第時可以親臨現場感受。

我反而對大陸開開演唱會冇咁大興趣,因爲好多歌星喺大陸開演唱會都减咗好多精彩環節。就如阿Sam,04香港紅舘演唱會從8點開到12點幾,但大陸嗰機場,8點半都未開得場,11點半唔夠就冇咗,其中重少咗許冠文揶揄政府嘅棟篤笑,加之大陸嘅音像設備同紅舘差得遠,所以香港400文嘅飛絕對超值過大陸200文嘅飛。
 樓主| 發表於 2007-1-5 05:52:45 | 顯示全部樓層
估计小凤姐以后嚟大陆地区开SHOW嘅机会唔大,而且,亦正如H兄所言,就同一个歌手而言,喺大陆开嘅SHOW,同香港及其他海外地区相比,无论係场SHOW嘅时间、灯光、音响效果、演唱内容丰富程度等等都大打折扣,呢样嘢已经有过唔少嘅先例。
[此帖子已經被作者於2007-1-4 21:53:18編輯過]
發表於 2007-1-5 06:35:14 | 顯示全部樓層

被个谜语大家估下:谜面:金光灿烂,谜底?更是徐小凤啦!
上年的复出更是全城轰动,门票几个钟卖晒,几度加场,足以证明她是乐坛的大姐大啦!~今年的澳门国际音乐艺术节《金光灿烂——徐小凤与澳门中乐团》的门票更是1个钟卖晒,再度加场,同样爆满!~更是打破澳门国际音乐艺术节表演项目的前例——门票销售迅速,再度加场!~今年的演唱会更是被观众耳目一新的感觉!~正如samkong讲的:“小凤姐,依旧保持佢一贯风格---表演服装亮丽多彩、雍容华贵。”
一点都无错。还有今年她的演出水平是好过旧年好多倍,选曲方面更是耳目一新!~~但是,我因为要考试,所以无法前往红馆欣赏,希望呢次演唱会会出DVD。

不过小凤姐在结束香港的10场演唱会后亲口证实,于今年展开她的个人巡回演唱会!~期待中,希望来佛山开!~~我地到时一定要早点去扑飞!~~

[此帖子已經被作者於2007-1-4 22:55:36編輯過]
發表於 2007-1-6 01:28:11 | 顯示全部樓層
严重期待小凤嘅演唱会将来能够喺中国大陆开啊。
發表於 2007-1-21 02:23:32 | 顯示全部樓層

咋冇音樂滴嘶

發表於 2007-1-15 01:04:28 | 顯示全部樓層

今年第一次看她演唱会...该说去年了,看的23.24号的两场,看完喜欢的居然是她不常唱的几首,功夫舞,两只鞋子,你懂不懂,明日天涯等.....

觉得她声音已经值回票价了,听一次少一次,希望有机会再多听几次

發表於 2007-1-25 03:54:26 | 顯示全部樓層
大人你的这个文还有下面的照片可以转么??偶自己照出来效果好烂.......
發表於 2007-12-22 12:58:59 | 顯示全部樓層

多謝

非常開心可以成為粵語協會官方論壇的一份子.以後我一定多些來這裡.多謝您!
發表於 2011-12-22 11:18:58 | 顯示全部樓層
Thanks for sharing this article with us.
發表於 2013-6-18 23:00:55 | 顯示全部樓層
I had gone to the concert too. Cant forget this memories !
您需要登錄後才可以回帖 登錄 | 註冊

本版積分規則

粵語協會官方網站
網友發帖之言論,純屬個人意見,與本會立場無關

手機版|Archiver|粵語協會    

GMT+8, 2017-9-20 15:35 , Processed in 0.398368 second(s), 29 queries .

Copyright © 2003 - 2016 Cantonese Association. All Rights Reserved. 粵語協會 版權所有

快速回復 返回頂部 返回列表