[轉貼]《滿城盡帶黃金甲》嘅影評，值得睇。

Wai

睇咗其他影評人嘅評論，佢哋都認為呢齣電影比起張導演嘅前作“英雄”，“十面埋伏”，今次係重文戲多過武戲，畀觀眾睇電影，唔係睇打鬥。

講到服裝嘅效果，男嘅着金甲，女嘅着低胸，啲佈景咁貴價，都係為咗吸引鬼佬市場，啱啱咁好又同電影嘅主旨襯到。“金玉其外，敗絮其中”。

講到導演，今次用咗好多嘅舞台設計，搞到齣電影似舞台劇多啲。

今次齣電影咁成功，引用石琪嘅話“大概只有經歷過文革武鬥，現在畸形暴發的中國大陸，才會拍出這麼浮華、荒淫、毒辣和狂殺的怪片。”

Wai

《滿城盡帶黃金甲》古怪
(明報)12月 27日 星期三 05:05AM

【明報專訊】張藝謀導演這部最新古裝大製作，不是娛樂片，而是充滿亂倫和殘殺的家庭倫常大悲劇，並用極誇張的豪華宮闈包裝，擴展為一個國家政權的大醜聞大屠殺。此片竟然成為中國迎賀新年的賣座戲，很古怪，甚至變態，但無疑有好大膽的政治諷喻。

《滿城盡帶黃金甲》把一九三三年曹禺創作的著名話劇《雷雨》，自由改編為唐朝以後五代十國時代。片名來自唐朝造反殺人王黃巢的《不第後賦菊》詩﹕「待到秋來九月八，我花開後百花殺。衝天香陣透長安，滿城盡帶黃金甲。」黃巢喜歡的菊花和殺氣，亦在片中鋪張炮製出來。

此片加插大打大殺，主體則保持話劇格局。周潤發與鞏俐演國王、王后，等於《雷雨》的資本家周樸園及太太蘩漪，兩夫妻勾心鬥角，王后被迫天天飲藥便按照原劇而大大加料。前妻所生太子劉燁（即大少爺周萍）與王后通姦，又與同母異父的的李曼（即女僕四鳳）相戀亂倫，跟原劇一樣。

原劇的前妻侍萍、改嫁之夫、周家小少爺（舊粵語片《雷雨》由李小龍飾演）都變相出現。次子魯大海就變為二王子周杰倫，身世簡單了一些，但同樣向父王作反。

曹禺廿三歲寫出《雷雨》，驚世駭俗，不過那些亂倫、愛恨和死亡，太奇情巧合。這個古裝電影版本就變本加厲，盡力賣弄金碧輝煌的布景道具，華貴香艷的服裝（宮中女人都酥胸半露），飛來飛去的打鬥。劇情還在原劇以外搞出重陽夜宴大陰謀，夫妻父子各有軍隊在禁宮大決鬥，用數碼特技弄到人山人海，殺得死屍無數。

發哥夠奸 鞏俐表情好

大概只有經歷過文革武鬥，現在畸形暴發的中國大陸，才會拍出這麼浮華、荒淫、毒辣和狂殺的怪片。片中幾乎全無好人，周潤發演得老奸巨猾，佔戲最重和表情最好是鞏俐，都不是善男信女。此片的政治性，是顯出一個中式政權家族的殘酷內鬥，最有諷刺性是王宮廣場大屠殺後，統治者不變，迅速地洗血漬和滿鋪花朵，粉飾太平盛世。

石琪

轉貼自香港雅虎http://hk.news.yahoo.com/061226/12/1yv4n.html

[此帖子已經被作者於2006-12-27 7:25:38編輯過]

highyun

一個發展中國家，竟然為咗一部電影，用咗幾個億，浪費數以千萬計嘅鮮花，對呢樣嘢，我始終唔係太認同。不過市場就係咁現實，喺中國，只要有錢賺，咪話摧殘鮮花，就算放毒藥落食品都大把人做。

唔係人0敢品

唔知大家記唔記得阿才子講過嘅一句話形容大陸嘅現狀--“冇錢開飯，有錢叫雞”

大话吹水

就係囉，浪費。

woaideshikk

呢出野都唔講乜

羊城惜花人

正如Wai生所講，此片非常“點題”

另外喺選材方面亦做咗啲功夫~，例如：用“周杰倫”則取其名之“倫”字，以反應此片之中嘅“亂倫”~

為咗以免中途作嘔，所以我係決定咗唔睇呢齣戲嘅啦~

唔係人0敢品

我聽有啲人話呢出嘢同十幾年前嘅唔知乜乜事件有關喎，不過我睇咗幾次都睇唔出嚟。

Wai

張導演啲電影係好有嗰啲嘢嘅諷刺意味，果真難估到噉都畀播，原來錢係大晒嘅喺內地。

“最後嗰度王宮廣場大屠殺後，統治者又冇變，同時好快手噉洗血漬同滿鋪花朵粉飾太平盛世。”你哋可以自已對號入座喇。

齣電影重反諷咗好多嘢，好似個皇宮整到成個夜總會噉，裏面全部都係宮女喎。

南粤高凉仔

黃巢喜歡的菊花和殺氣，哈哈黄巢的确系个杀人狂，只系政府中意区所谓的农民出身，所以将区当成农民起义领袖来睇。

Wai

噉睇嚟張導演真係好識玩暗喻。

重記得佢齣“活著”，而家內地重係禁播添。

睇嚟佢唯有玩暗諷。

士多啤梨

有香港評論話此劇有點影射6 4.

Wai

最後一幕，係幾有諷刺力，至於似乜就自已對號入座喇。「金玉其外，敗絮其中」。

Kathy

滿城盡帶黃金甲好血腥~成套戲都一般般...入戲院為咗睇下大場面~

[em04]

Wai

齣戲用咗舞台劇方式演繹，幾有實驗性質。劇情夠嘅。觀眾未必接受到。

卢总

垃圾导演＋垃圾演员＋垃圾制片嘅电影，贴埋钱，揾八人大轿请我都唔睇！

Wai

你未細心欣賞過又點知好唔好呢？

個導演前幾齣戲係拍得唔好，重脫離劇情。

今次算係佢回歸劇情，畀返觀眾睇電影嘅感覺。

我喺外國電影節睇嘅。啲人都覺得ok喇。

劇情嚟講，佢係落咗好心思。當然冇十幾年前齣《活著》講 民膈 講都咁搞鬼喇。但係今次應該係報咗被人禁播嘅仇喇。

[此帖子已經被作者於2007-2-1 19:12:04編輯過]

neo

簡直係變態電影，變態社會嘅變態產物。

Wai

我都係最鍾意張導演拍《活著》嗰時嘅對白：“咱们現在家里养着小雞，雞長大了就變成鴨，鴨長大了就变鵝，鵝長大了就變成羊，羊長大了就變成牛；牛長大了呢？牛长大了啊，那就到共產主義了....”

好明顯嘅中國色彩，傳統中國人覺得牛就係最好嘅。有牛有地，就係好。

今次黃金甲嘅主題都好明顯喇。導演幾用心o架。

Wai

《英雄》,《十面埋伏》同《滿城盡帶黃金甲》可以講係張藝謀嘅古裝暴力三部曲，亦係佢否定佢自已以前所提倡嘅父愛，母愛，倫理嘅作品（《紅高梁》，《菊豆》，《大紅燈籠高高掛》，《秋菊打官司》，《我的父親母親》，《千里走單騎》)。嚟一次反諷，嚟次終極暴力篇。

我諗呢兩年都唔會有佢嘅作品出現。