設為首頁收藏本站

粵語協會

 找回密碼
 註冊

QQ登錄

只需一步,快速開始

掃一掃,訪問微社區

搜索
熱搜: 活動 交友 discuz
查看: 468|回復: 1

[名勝建築] 吾土吾鄉,江門市旅遊景點小手冊

[複製鏈接]
發表於 2016-1-3 05:56:26 | 顯示全部樓層 |閱讀模式
http://forum1.hkgolden.com/view.aspx?type=TR&message=6195056
有冇高登巴絲想去我家鄉廣東省江門市旅遊 - 香港高登討論區

江門市在珠江出海口的另一邊,香港深圳東莞在東,江門市在西,近澳門珠海中山佛山

窮鄉僻壤,經濟不發達,相對而言物價較平,酒店房一晚可能都係幾百蚊,隨時在江門住十日的酒店錢等於在香港住一日酒店。自然環境幾好。不過當地人質素幾差下。最正係由於身處珠西,交通不便,冇乜香港人及外地人,基本上係本地人為主,亦有些外省打工仔

推介幾個景點:

1. 新會郊區圭峰山,離市區幾個鐘車程,有巴士路線去到,或者搭的士都得,的士錢好平,幾個人一齊搭好抵,都幾遠下。山腳有網球場之類的球場,山上有滑草場同玉湖,好大個湖,入面有好多金魚,有檔口賣魚餌,可以餵魚。半山腰有座玉臺寺,好大間寺,比甚麼車公廟之類大十倍都唔止。玉臺寺有排都未係山頂,行過少少有山路上山頂,不過小心,條山路係人車並行,會有車上落山,小心俾車撞,不過由於大霧,加上山路兜兜轉轉容易衝落山,通常都好少車上落山。條上山頂的路好多時雲霧彌漫,伸手不見五指,好有穿越時空異度空間feel。山頂其實冇野睇,不過空氣清新,成功上到山頂會好有成就感。

由山腳上玉臺寺的石梯有幾千級,行到你仆街。另外仲有條車路上山,可以搭車上去玉臺寺,車路旁有斜坡。還有一些較冷門較偏僻冇乜人行的石梯路,景觀開揚,雲霧彌漫。山腳球場附近仲有條極冷門的上山的路,不過好難行,唔行也罷。唔記得山腳定山腰有幾間餐廳都唔錯

2. 東湖公園,喺正市區,交通方便,而且入面好大,同香港的公園冇得比,應該有幾十個維園咁大,入面有座英雄山,埋住幾位CCP的戰爭英雄,英雄山環境都唔錯。東湖公園入面有個東湖,個湖好大

3. 常安路步行街都唔錯,相當於香港的行人專用區,有好多民國時期當地富商興建的西式騎樓式建築,還有好多賣衫賣褲的小商鋪

4. 白水帶風景區,在麻園村,市區一過橋,過左江門河對岸就係,一片連綿不絕的山脈,山上有座龍光塔,十年前我上龍光塔,塔入面好大浸尿「壓」味,因為有人隨地痾尿,唔知家陣情況有冇改變。入塔要俾錢。七八年前在塔上的夾層(即上層地板與下層天花皮之間的夾層)發現大量被有意收埋的佛教文物,轟動一時。同圭峰山一樣,山腳有球場。另外入面有幾間寺廟,好多鋪頭賣香及元寶蠟燭,有座大觀音像   http://www.twwiki.com/wiki/白水帶風景名勝區

5. 郊區有小島天堂,巴金有一篇文叫《鳥的天堂》就係講佢

6. 逸豪酒店及附近的購物商場都係好去處,果間購物商場的面積好大,可能仲大過灣仔會展

7. 市區果度有條酒吧街,可以去消遣,不過呢d地方好雜,加上係大陸,有一定危險性,小心為上

8. 開平恩平果邊有碉樓同溫泉,不過離市區極遠極遠。江門市加埋下面的五邑,總面積係香港9倍,大到仆街,人口只有420萬

交通好簡單,尖沙咀中港城搭船去江門港落船,船票幾百蚊,船程兩個半鐘左右

評分

1

查看全部評分

 樓主| 發表於 2016-2-3 01:09:14 | 顯示全部樓層
最新打包版 / 下載離線閱覽版(28 MB / 29,287,225 個位元組):

https://drive.google.com/open?id=0B1tkiSmxn92CUGltcmhFcDJ3d2s
您需要登錄後才可以回帖 登錄 | 註冊

本版積分規則

粵語協會官方網站
網友發帖之言論,純屬個人意見,與本會立場無關

手機版|Archiver|粵語協會    

GMT+8, 2017-9-24 14:39 , Processed in 0.432848 second(s), 25 queries .

Copyright © 2003 - 2016 Cantonese Association. All Rights Reserved. 粵語協會 版權所有

快速回復 返回頂部 返回列表