[求助]“食”的拼音是sik,请问后面为什么会有k呢？

好好学习

现在一些教粤语的书的拼音中，“食”的拼音是sik,请问为什么会有k呢？谢谢！

desmond

粵語「食」字發音係 /sik/ ，讀音類似英文詞 sick，尾音為 k，係一個普通話冇嘅尾音。

粵語語音較為豐富，總共有六個尾音︰m / n / ng / p / t / k

好好学习

甘写出来就得，唔使发音？

desmond

QUOTE:

以下是引用好好学习在2006-12-22 15:34:44的發言：
甘写出来就得，唔使发音？

「食」字嘅發音，可參考下面嘅真人發音。

http://humanum.arts.cuhk.edu.hk/Lexis/Canton/sound/sik6.wav

殺人王

粵語唔發音嘅尾音相信叫"入聲",何謂'入聲'?我唔多曉解釋,LG可以自己搜一下.不過我自己嘅理解即係一個音節讀音尾處"嘎然而止"嘅發音,可能類似於日本語嘅"促音"?

粵語P T K尾音唔發音,不過你千祈唔好睇低呢幾個唔發音嘅尾音.外省人如果可以掌握呢D尾音,學習粵語難度即時減半!!

外地人學習粵語,最難搞嘅就係呢幾個尾音

例如:"一"字粵語發音為"jat",不過外省人往往尾音發音失效會讀成"ya"(國語鴨字發音),皆因佢地母語(國語)入邊無"入聲"所以腦入面對此類發音一片空白,"jat"音無咗"-t"自然就變成"鴨"

對於呢類尾音(p-t-k),就算係廣東人本身都未必分得清.但係佢地亦都唔care,因為呢類發音對土生嘅廣東人來講就好似植物嘅光合作用一樣自然,如果唔係研究,大部分嘅人都認為無必要理清佢地嘅關係.但係外來人想要學好粵語,弄懂後就可以在學習廣州話上事半功倍!

如果樓主母語為普語,有此種疑問應該係你對廣州話尾音嘅疑問

如果樓主母語為白話而有此疑問,則好有可能係樓主從小學習嘅係漢語拼音,當睇見自身母語拼音嘅時候發覺發音拼法都同存於腦海深處嘅"拼音"有出入,反而有D"無所適從".......

I have a dream,以後廣東話拼音會出現在省港澳嘅中小課堂上!

I have a dream,以後我哋後代喺學習漢語拼音嘅時候會問"點解普語拼音無咗-p -t -k"而唔係而家"點解粵語拼音多咗-p -t -k"!

[此帖子已經被作者於2006-12-22 20:08:07編輯過]

余OK

　　殺人兄講嘅嘢好精警。。。[em17]

殺人王

QUOTE:

以下是引用余OK在2006-12-22 20:18:14的發言：
　　殺人兄講嘅嘢好精警。。。[em17]

週未消遣當然上來講嘢都多D

Wai

殺人王嘅dream好嘢嚟嘅。

malsony

k

同six發音里的k一樣發音

p，k，t

都是是爆破音。

p，雙唇正常閉合，突然張開送氣，估計大家都曉得發音，“怕，派，婆”的聲母就是發這個音（取普語粵語一樣例子）。

k，舌根頂著喉嚨，突然放開送氣，“卡”的聲母就是這個音。

t，舌尖頂著上齒根，突然放開送氣，“他，胎”的聲母。

在粵語里，若這三個音素都做聲母的時候，發音跟普語一樣。但是在“尾音”里，就要按照殺人王兄所解釋的發了。具體如下（以下例子字音皆爲粵語）：

p，如“合”字，尾音爲“p”，發音只需要發到雙唇自然閉合就完成了，不用再送氣。

k，如“格”字，尾音爲“k”，發音只需要發到舌根頂著喉嚨就完成了，不用再送氣。

t，如“不”字，尾音爲“t”，發音只需要發到舌尖頂著上齒根就完成了，不用再送氣。

看到了嗎？關鍵就是“不用再送氣”，樓主仔細揣摩一下，看看自己的理解“合格不”？

好好学习

唔该晒你啊，杀人王。

母语系就系白话拉，不过之前就无乜研究，亦无乜留意，以家醒起拉，而且又知道左呢度，所以就请教吓你

地拉。

唔该晒啊！

愛粵者

QUOTE:

以下是引用殺人王在2006-12-22 20:31:28的發言：

週未消遣當然上來講嘢都多D

何謂「週未」？「多D」，多個字母D！並非「多啲」？

殺人王

QUOTE:

以下是引用愛粵者在2006-12-24 12:22:52的發言：

何謂「週未」？「多D」，多個字母D！並非「多啲」？

用"啲"字你認為好"正字"咩?慳D喇

我用"D"字簡潔易打,個人愛好,並唔輪到你理

"未"同"末"係手誤

未? 十木

末 木十

[此帖子已經被作者於2007-1-10 5:25:45編輯過]

馬萬千

QUOTE:

以下是引用殺人王在2007-1-10 5:20:59的發言：

用"啲"字你認為好"正字"咩?慳D喇

我用"D"字簡潔易打,個人愛好,並唔輪到你理

"未"同"末"係手誤

未 十木

末 木十

相嗌唔好口

夠薑就隻搊

禾苗小昭

-p -t -k作为入声字的韵尾本身就不用发音，只作限制音长和控制口型用。