設為首頁收藏本站

粵語協會

 找回密碼
 註冊

QQ登錄

只需一步,快速開始

掃一掃,訪問微社區

搜索
熱搜: 活動 交友 discuz
樓主: 余OK

[資料收集] 《廣州方言詞典》年華漸逝之詞彙歸納(連載)

[複製鏈接]
發表於 2008-7-6 06:54:46 | 顯示全部樓層

原帖由 余OK 於 2006-12-9 07:45 發表 [Post=20]paa扒扒挖挖——到處he3嘢,亂搞啲嘢,例:嗰個細路哥眞係乞人憎嘅,成日都喺處~噉扒頭——而家多數講「超車」扒長龍——舊時指強盜船嚟搶劫扒屈頭艇——舊時指嫖尼姑 ‖屈,集韻迄韻渠勿切:「博雅短也。一曰無尾」扒 ...

 

我就系想搵呢个正字。

發表於 2008-7-6 06:58:47 | 顯示全部樓層

原帖由 余OK 於 2006-12-9 07:45 發表
paa

扒扒挖挖——到處he3嘢,亂搞啲嘢,例:嗰個細路哥眞係乞人憎嘅,成日都喺處~噉
扒頭——而家多數講「超車」
扒長龍——舊時指強盜船嚟搶劫
扒屈頭艇——舊時指嫖尼姑 ‖屈,集韻迄韻渠勿切:「博雅短也。一曰無尾」
扒逆水——1. 喜歡同人哋爭辯 2. 做事不合時宜 ‖逆,此處白讀成ngaak6,文讀jik6
爬皮——非常怕熱,多用於細路仔
爬離挖壁——參看「扶籬挖壁」(後補)
撓——筢取柴草用嘅竹器 ‖撓,此處白讀成jaau1,文讀naau4

 

呢个字点读?

發表於 2008-7-6 07:07:43 | 顯示全部樓層

maa

媽夫——諷刺,挖苦 ‖同音字
螞螂艇——一種尖頭小艇,一人喺艇尾搖穞,有船篷,陳設講究。要僱用須包艇,價較貴。可坐四五人,艇上可設酒宴 ‖據講此種艇划行好快,如蜻蜓點水,故名「螞螂」。音借滿語,即蜻蜓。而家北京口語仍叫蜻蜓做「螞螂」
孖孖頭——並頭,形容親密無間
孖頭——戲指頭上長有大肉瘤嘅人
孖頭公仔——雙頭玩偶,形容兩人形影不離
麻茶——而家多數講模糊
麻米——1. 孤寒,小氣 2. 鍾意挑剔,瑣碎,刻薄
麻經——加工較粗嘅、鬆鬆噉擰起嚟嘅雙股麻繩 ‖亦叫「粗麻繩」,經,白讀成gaang1
麻鷹——亦叫「崖鷹」
麻糖鷄——黃色嘅稀鷄屎 ‖渜,讀nan1
麻通——芝麻同糖做成嘅圓筒形嘅食品,飲茶時作茶點
麻鬣——舊時婚禮所用嘅油炸饊,兩端相連,上面有芝麻 ‖鬣,讀lip3
嫲姐——舊時指較年輕嘅女傭
痳痘——痳疹同天花嘅統稱
馬子膠——膠布,橡皮膏嘅舊稱
馬杌——較大嘅四方木櫈 ‖杌,讀wu2,訓讀字。亦可能係借北方音。北京叫四方大櫈做「杌子」
魚——即鳳尾魚
馬騮(留)衣——又短又窄嘅、唔啱身嘅衣服(含貶義)
馬後跳——舊時指辦喜事嘅人家臨時僱嚟嘅人,服務內容諸如請客人、送客人、送禮物、分嘢等
馬標——即賽馬票
馬臣席——南洋進口嘅一種精緻嘅席,用細藤皮編成 ‖馬臣,印尼語譯音
馬閘——1. 一種可以摺疊嘅挨椅 2. 唔能夠摺疊嘅木製挨椅:酸枝~
榪——1. 用繩紥 2. 用釘釘
榪釘——一種好長嘅鐵釘
碼子——天平上用嘅銅砝碼,豬腰形
螞螂kong4——螳螂

 

呢个正斗!读一切个而家好少可用到,怕且好多人都未见过

發表於 2008-7-6 07:10:40 | 顯示全部樓層

原帖由 Wai 於 2006-12-11 06:01 發表 好多詞都未見過。睇嚟真係要惡補吓先得囉。都係舊時嘅詞好玩啲,生鬼啲。

 

旧时嘅词其实都好IN、好潮下!

發表於 2008-7-6 07:13:23 | 顯示全部樓層

原帖由 eddiejones 於 2006-12-11 06:25 發表 QUOTE:以下是引用余OK在2006-12-10 21:54:03的發言:  喺論壇發夠20帖都唔係難事啫。若果係有心入嚟粵協學嘢同分享成果嘅,應該多啲支持論壇並且共同搞旺佢,而唔係一味噉要求分享人哋所有嘅辛勞得返嚟嘅果實,發多兩張帖( ...

 

UID
2188 
帖子
22 
精華
0 
積分
88 
閱讀權限
10 
在線時間
0 小時 
註冊時間
2006-12-11 
最後登錄
2006-12-20 

查看詳細資料

 

事实证明系:张士贵打摩天岭——望下就走。

發表於 2008-7-6 07:20:38 | 顯示全部樓層

faa

花鼓——中空嘅墩仔,瓷製,外形似鼓,可坐,亦可愛嚟放花盆 ‖亦叫「鼓墩」
花會——舊時嘅一種賭博,開賭局者以千字文嘅字句為根據,每日開出其中一字,參賭者買中則贏錢。參加賭博俗稱「買字花」
花冧(?)——花蕾,花骨朵
花墩——1. 置放花盆嘅磚砌嘅墩 2. 舊時迷信者家中若無子女,則買一女仔養,名叫「花墩」,以求生養
花王——管理花木嘅園丁,花匠,北方叫「花兒把式」
花花——1. 輕浮,輕佻;冇信用,靠唔住 2. 大手大腳使錢,揮霍 ‖掝,集韻職韻忽域切:「裂聲」
花婆(或花公)——舊時結婚拜堂時,必搵一好命嘅伯爺婆同伯爺公,同時點燃一對花燭。伯爺婆叫「花婆」,伯爺公叫「花公」
花被冚(??)鷄籠——1. 冇錢而假裝有錢 2. 冇本事而自誇,資格唔夠而硬充數
花尾渡——知道「拍拖」來由就肯定知呢個詞嘞
花生腳——乾癟嘅帶殼嘅花生,北京叫「半空兒」
仔(或女)——調皮搗蛋,唔聽大人話嘅後生仔(女),多指未成年嘅 ‖笭係一種竹器,舊時愛嚟殮童屍去埋葬。此語鬧人極惡毒,今原義已漸消失。亦講「笭仔(女)」
花筒——煙花嘅一種,圓筒形,燃放時噴出各種花卉形狀嘅煙火
化水——湮,墨水喺紙上散開

 

唔系花花fit咩?系咪代替呀?点读呀?

 

發表於 2008-7-6 07:53:20 | 顯示全部樓層

daa
打孖——成對,成雙 ‖亦講「打雙」
打牙骹——而家通常講「吹水」
打蛇隨棍上——因利乘便,鑽空子
打瀉茶——舊時指女子定婚之後,未婚夫死亡
打個突兀——而家一般會講好意外
打個框——而家多數講打個round
打硪——打地基 ‖硪,讀ngo4,廣韻歌韻五何切:「說文曰石巖也」
打河——燒鴉片煙泡
打荷——負責管理賭客落注、收賭注,即「荷倌」行使職務
打思——即係「打臊肊」 ‖肊,廣韻職韻於力切:「氣滿」
打鼓趁興——順勢,乘興
打鼓邊——敲邊鼓,喩幫腔助勢 ‖亦講「敲鼓邊」
打預——預料,估計
打敗仗——患病嘅委婉講法 ‖亦講「敗陣」
打大翻——即係打關斗
打晒骰(色)——而家多數講「揸晒fit1」
打鷄——用六粒骰仔玩嘅賭博
打地氣——坐臥喺地上以吸收涼氣,或將衣物置放地上使其涼。舊時去城隍廟打地氣,據說可以邀福
打理——1. 管理,料理 2. 理會,顧及 3. 理會、顧及之否定
打戲釘——混入戲院睇霸王戲
打背語——講暗語,講行話,講黑話。包括打手勢,使眼色
打包踭——即係起踭
打飽oek6——打飽嗝
打抽——一種遊戲,北方叫「打??」。用一長一短兩條木棍,兩人輪流以長棍擊短棍,勝者可繼續打落去
打武仔——練武術嘅人
打倒掟(椗)——1. 將物品倒過嚟 2. 頭向下
打尿震——細路仔喺小便前打冷顫
打對臺——唱對臺戲
打店——去飯店食飯
打掂——豎住
打單——舊時土匪勒索客商,畀咗單據,先可以通行。呢個係早先嘅講法,後嚟指土匪寫信向人家恫嚇勒索
打單幫——獨自一人
打爛齋缽(鉢)——開齋,破咗齋戒
打涊道服——比喻好人沾染咗污點,或無端做咗壞事 ‖涊,讀nan2,集韻混韻弩本切:「淟涊,濁也。」
打綫刀——用一條綫絞去面上嘅寒毛,北方叫「絞臉」
打燕——即係踢燕(踢毽子)
打亂種——1. 混血兒嘅舊稱 2. 雜種(鬧人嘅說話)
打旋風——颳旋風 ‖旋,讀zyun4,廣韻線韻辭戀切:「遶也」
打踭(打掌)——修鞋時釘後掌 ‖釘前掌叫「打掌」
打????——形容響聲,指器物空貌 ‖??,讀kwaang1,集韻庚韻口觥切:「????」,石聲
打橫打掂——1. 橫七豎八噉(亂放) 2. 橫豎,反正,亦講「橫掂」
定螺——抽陀螺,用細繩繞住木陀螺,然後突然抽出條繩,使陀螺旋轉不止
打整——1. 收拾,整理 2. 打扮,修飾
打醒主意——提高注意力同警惕
打傾筐——將器物翻轉,搞亂,翻騰啲嘢並整出響聲
打相知——舊時女子相約不嫁,結盟為姊妹,若有人變心,另找相知,其他姊妹就聯合起嚟去打佢和佢嘅相知
打杠——改卷時,用紅筆喺旁邊畫一直杠,表示有錯誤或唔妥 ‖亦戙大杉
打杠架——玩單杠
打仰瞓——仰面瞓覺 ‖亦講「反瞓」。仰,此處讀ngong5,係口語音
打風車——側翻跟頭,北方叫「打紡車輪兒」
打風舊——颳颱風 ‖舊,同音字
打鳳眼——鎖扣嘅眼 ‖亦講「鎖紐門」
打通關——打敗一切對手,所向無敵。多用於猜拳及賭博
打通廳——舊時指喺酒家大擺宴席,打通所有嘅房間同廳堂
打同通——一讀「打籠通」。1. 兩人或多人合冚一牀被 2. 合謀,串通起嚟
打種——動物交配
打??——皮膚上出現皺紋 ‖??,讀zaap3(2),廣韻洽韻側洽切:「皺??,皮老」
打褶——縫紉用語,做出衫褶 ‖褶,讀zaap3
打躓——1. 忽然停頓,一愣 2. 打斷,阻止 ‖躓,讀zat6,集韻質韻職日切:「跲也。」
打出——裸露出
打得埋——合得嚟,打成一片 ‖亦講「滾得埋」
打樴——打橛子 ‖樴,讀dak6,廣韻德韻徒得切:「杙也。」杙,廣韻職韻興職切:「亦橛也」
打黑摸——即摸黑
打赤肋——光住膊頭 ‖亦講「打赤膊」
打剔——打勾 ‖剔,英文tick嘅音譯
打骰(色)——賭博時莊家擲骰仔,引申為做主,揸主意
打躆跲——1. (鞋肥大)唔抱腳 2. 放唔穩,搖動 ‖躆,讀kik1,集韻陌韻迄逆切:「一曰動作也。」跲,讀kap1,集韻緝韻訖立切:「躓也。」
打腳綁——打綁腿,纏裹腿
打腳骨——1. 攔路搶劫 2. 引申為敲竹杠
打薄刀——細路仔遊戲之一,兩人用手掌互拍,可以拍出好多花樣,同時唱道:「打薄刀,打過姑娘剃面毛。」毛讀高平調

 

读打思亿?唔系话人冇咗饭碗咩?唔系拧「乐」咩?反ngong5棹都系呢个?呢个好,觉得管理太恶俗, 管咩理嗟?官瘾大!真系打尿震

重有讲打单信咖!

發表於 2008-7-6 07:59:02 | 顯示全部樓層

taa
——呢個詞大家都熟知,該字典解釋「佻」:廣韻蕭韻徒聊切:「獨行貌」

naa

挐挐掕掕(或挐掕)——1. 藕斷絲連,瓜葛 2. 物品相連嚟一齊嘅樣子
??家——即係黐家
??脷——即係黐脷根(或黐脷底)
??黏——1. 粘貼得好緊 2. (小輩對長輩)親密體貼 3. 脾氣相投,合得嚟

laa

揦埋——而家講「多數」多
揦篩——1. 做事馬馬虎虎,敷衍塞責 2. 做工好差,偷工減料
揦草入——比喻人食相不佳
揦飲揦食(揦食)——用手攞嘢食(含貶義)
揦鹽入口——形容味道好鹹

 

而家先知正字,读他全部问号!重以为揦草入添!

發表於 2008-7-6 08:08:46 | 顯示全部樓層

zaa
揸價——唔肯降低價錢
揸二攤——1. 買酒樓飯館嘅殘羹剩飯充飢,食人家嘅剩餘 2. 買舊貨,執拾人家用過嘅衣物 3. 接手去做人哋未完成嘅事 4. 娶再婚女人 ‖亦講「執二攤」
揸住髻是丁——揸住辮仔,揸住要害 ‖亦講「執住辮頂」
揸大葵扇——比喻做媒人
揸袋——舊時銀鋪用嘅裝銀幣嘅錢袋,用草蓆或麻布做成,長尺許,每袋能裝到一百文嘅銀幣
揸手——1. 舊時指握手 2. 手入邊攞住 3. 管理,掌管 4. 做抵押,做質
揸腰——細腰,上下闊而中間窄
揸水——1. 輕輕洗,涮一涮 2. 擠出水分
揸頸——忍氣 ‖亦講「忍頸」或‖「減勁」
揸痛腳——揸住人家嘅弱點或短處
揸抸——做投機生意,買空賣空 ‖抸,讀zaap3,集韻合韻作答切:「持也」
揸骨——按摩
(或)斗——次,差,劣,而家多數講cheap
皻鼻——酒糟鼻 ‖皻,讀zaa1,廣韻麻韻側加切:「皰鼻」
詐呆詐吽——詐傻扮懵 ‖吽,俗字
詐鬼詐馬——作怪,裝神扮鬼
詐嬌弄嗲——即詐嬌
詐癲賣戇——即詐癲扮傻
詐癲納福——唔願勞動而詐傻以佔得某種着數
詐生賴死——詐死扭計以向人勒索
詐聾扮啞——裝聾裝啞

屙尿;重有揸颈就命;而家先知正字;漏咗揸网顶或者揦网顶。

發表於 2008-7-6 08:14:45 | 顯示全部樓層

caa
差皮——人品差
差一皮——差少少,差尐尐
——失足踩入(泥水等) ‖讀caa1,集韻作「?」,佳韻攄佳切:「蹋也」
茶瓜——用白瓜醃製嘅小菜,爽甜。病人人食慾不佳者多用佢嚟送飯或送粥
茶籮——舊時嘅茶壺保暖器,籮形,裏面有棉襯
茶果——1. 待客飲茶時食嘅小食品,如油炸芋頭絲、白薯片、慈菇片等,亦叫「或茶泡」 2. 舊時結婚前後,男方喺過禮同回門時送女方嘅各種小食品
茶檳——大酒樓飯店畀伙記嘅賞金,嚟自向顧客收取嘅檳榔小碟費等小費
茶竿竹——1. 一種細而堅實嘅竹,多愛嚟晾衣服 2. 比喻外表精瘦但好結實嘅人
茶盅——有蓋嘅茶碗,底下有碟托住,北京叫「蓋碗兒」 ‖亦叫「焗盅」
茶腳——1. 飲剩低嘅茶或隔夜嘅剩茶水 2. 舊式婚俗,男方喺過禮或三朝回門時送食品畀女方,女方回送嘅糕餅小食之類,男方將其分送畀親友,叫「茶腳」
查揦——審問,查問,追查
?——塗改,塗抹 ‖讀caa5,廣韻馬韻徐野切:「?,墁污也。出文字辨疑」
?涴(或?涴檔、?汪)——破壞,搞污糟 ‖涴,讀wo2,廣韻過韻烏臥切:「泥着物也,亦作污」
岔亂——打斷(人哋嘅話),打岔 ‖亦講「柵亂」。岔,呢處讀caa5
岔亂歌柄——打斷人哋唱歌或講說話 ‖亦講「劖亂歌柄」或「柵亂歌柄」
——叉開,張開 ‖讀caa3,廣韻禡韻陟駕切:「張也,開也」
奓鼻——鼻翅闊,鼻孔大
奓腳——1. 腿向外撇開 2. 上窄下闊嘅
奓膊——闊膊頭

错脚;字?呢个好!

發表於 2008-7-6 08:22:00 | 顯示全部樓層

saa
卅六向——心意不決,心猿意馬 ‖亦講「廿四向」
沙屎蟲——蚊嘅幼蟲,孑孓
沙梨?——豬臀部嘅肉,呢個部位最佳 ‖?,集韻屋韻都木切
沙煲兄弟——喩關係唔牢固嘅「老朋、老死」,好似沙煲易打爛
沙膽——大膽,膽大包天
——蟬嘅一種
沙潬——水中沙洲逐漸成為可種植水草嘅沙地,叫「沙潬」。再經過多年始成為沙田,可以種稻 ‖潬,廣韻旱韻徒旱切:「水中沙出為潬。」
沙塵(或沙塵白)——浮誇輕佻,盲目自大
沙艇——舊時江上遊艇嘅一種,有篷,兩頭鈍,行駛平穩。艇中陳設講究,可供飲酒、住宿。僱用要包艇,唔搭散客,費用較貴。
沙蝨——1. 沙中蟲仔,會咬人皮膚 2. 白薯病,肉有黃點,有苦味
唦唦滾——浮躁,作風唔踏實
唦哩弄??——莽撞,亂嚟 ‖弄,集韻送韻盧貢切:「說文玩也。」。又寫作「挵」。??,集韻用韻昌用切:「挵??,邪行」
耍把戲——魔術嘅俗稱 ‖亦叫「變戲法」或「敕cik1法」
耍得——有本事,有一手
挱盲盲——細路仔遊戲之一,捉伊人,一人蒙住眼嚟摸眾人 ‖挱,讀saa2,集韻麻韻師加切:「挓挱,開貌。」亦講「摸盲盲」或「捉盲盲」
灑灰水——抹石灰漿 ‖亦講「油灰水」或「掃灰水」

而家净系识讲;沙尘白字?

發表於 2008-7-6 08:27:37 | 顯示全部樓層

gaa
加拿——格硬插入嚟做自己唔該做嘅事或唔會做嘅事,多用於細路仔
加羅——管閒事,嘥工夫,?張羅
家揸頭——五香大頭菜,黑色,味鹹中帶甜
家伙仔——1. 僆仔,指細蚊仔 2. 手藝,本領,功夫,辦法
家持——1. 尼姑庵嘅庵主 2. 做法事時尼姑中嘅主持人
家機——家庭手工生產嘅,精工製作嘅
家欄鷄——自家養嘅鷄
家山發——舊時指因祖墳風水好而行好運,現指財運亨通
家用——質量佳嘅,上好嘅
假使間——假如
假魚肚——豬肉皮搞乾淨晾乾後,用沙炒勻,使其膨鬆,可用其烹製菜餚。因形似魚肚,故名。商品名稱「浮皮」
假罶——1. 假情假意,唔眞心 2. 唔結實,手工好差,以假當眞 ‖罶,讀lau5,集韻有韻力九切:「說文曲梁,寡婦之笱,魚所留也。」
架步——1. 黑話,手段、辦法 2. 指非法娼賭場所
架生——1. 家具、器物嘅統稱 2. 工人用嘅工具,演員用嘅道具 ‖古書有寫作「家生」

kaa

卡位——1. 舊時指站崗嘅崗位 2. 茶樓酒館中隔開嘅背靠背嘅座椅 3. 火車車廂中隔開嘅背靠背嘅座椅
卡口——1. 指官方收稅嘅關卡 2. 舊時指土匪惡霸設嘅勒索過客嘅關卡
抲住——1. 制服,壓制,抑制 2. 超過 ‖抲,讀kaa1,集韻麻韻丘加切:「扼也」
揢罅——1. 兩個物體之間嘅夾縫 2. 副詞。交叉,交互。 ‖揢,集韻禡韻丘駕切:「持也」

听过,而家好少可用;细个食家机蛋,事关自己养鸡;好,用返

發表於 2008-7-6 08:33:25 | 顯示全部樓層

ngaa
牙齒打卦——牙齒打顫 ‖亦講「牙關打卦」
牙屎——一個意思係「牙擦」
牙灰——稻穀殻製成嘅去污粉,用嚟擦洗器皿
牙骹鏟——指自傲而又口水多過茶嘅人
牙斬斬——自負而又唔曉講說話
牙譫譫——喋喋不休,亂講一通 ‖譫,讀zaap3,廣韻盍韻章盍切:「多言也」
牙力——權威,威信
瓦桁——屋頂上嘅瓦壟溝,排水用
瓦公仔——老式屋脊上安裝嘅陶製小人、小動物
閕髀閕趽——1. 兩腿分開坐住 2. 走路時兩腳向外撇 ‖趽,讀baang 6,廣韻唐韻步光切:「膝脛曲貌。」集韻庚韻蒲庚切:「說文曲脛馬也。」

牙屎屎、牙擦擦; 正斗閕髀閕趽,冇嚟斯文,好羞家嗟!

發表於 2008-7-6 08:39:19 | 顯示全部樓層

haa
蝦仔飯——硬飯,煮得顆粒分明有如蝦仔 
蝦膠——鮮蝦肉做成泥狀,係菜餚嘅半成品
蝦笱——捕捉河蝦嘅器具,比蝦籠大啲 ‖笱,讀gau2,廣韻厚韻古厚切:「魚笱,取魚竹器」
蝦毛——1. 極細嘅蝦,可腌製成蝦醬 2. 比喻低微人物:大魚食細魚,細魚食~
蝦春——河汊中嘅一種浮游生物,以前街市有賣,生嘅灰色,蒸熟後紅色,味美,可做菜餚配料。有人誤以為蝦膥 ‖亦叫「泥蝦」
蝦餃——1. 蝦肉餃子 2. 戲指老人嘅八字鬚 3. 戲指八字鬚嘅老人
蝦眼水——啱水滾時有小泡如蝦眼大,此時嘅水叫「蝦眼水」
瘕淋咳嗽——久咳不止 ‖瘕,讀haa1,集韻麻韻虛加切:「喉病」
謑、謑霸——欺負
謑人謑物——欺人太甚
霞霧——1. 浮躁,魯莽 2. 礙事 3. 愛挑剔,難侍候
下水船——向下游行駛嘅船(同「上水船」相對) ‖下,讀haa5
下水——牛、豬嘅內臟 ‖亦叫「下雜」
下間——廚房嘅舊稱
下滿堂——結婚時,新娘封賞男家下人嘅利市嘅總稱;回門時,男家回封畀女家下人嘅利市嘅總稱
下腳——唔能夠用嘅剩料,下腳料
下作——舉止唔高雅,唔斯文

我阿妈至钟意!原来虾仁用呢个謑人 以前有个人好霞霧

發表於 2008-7-6 08:50:24 | 顯示全部樓層

原帖由 余OK 於 2007-4-29 05:59 發表
aa

丫丫開——1. 唔相干,冇關係 2. 唔協調,唔和諧
丫角——舊時細路仔嘅一種髮型,祇留頭兩側圓形頭髮,其餘部分全部剃晒
丫角髻——十二三歲女仔梳嘅髮型,頭兩側各有一圓形髻。亦有梳得一側嘅
阿揸——老五,排行第五者(背稱)
阿家——1. 姐姐(面稱) 2. 母親(面稱。帶迷信色彩)
阿啞——啞人,啞巴
阿蝦——嬰兒 ‖亦叫「臊蝦仔」。蝦,同音字。本字可能係「孲」。集韻麻韻於加切:「孲??,赤子」
阿瓜——1. 闊少爺 2. 老四,排行第四者 ‖2亦叫「瓜四」
阿姐——庶母、父親之妾(舊時面稱)
阿婆髻——舊時伯爺婆梳嘅小髻 ‖亦講「婆仔髻」
阿駝——駝背者
阿初——新手,唔熟練者 ‖亦叫「初哥」
阿傻——傻瓜,傻仔
阿傅——尼姑(面稱,較尊敬嘅語氣)
阿姑——細路女嘅舊稱 ‖亦叫「姑仔」
阿大——父親嘅正妻(舊時面稱同背稱) ‖亦叫「阿娘」,大讀daai6
阿大——老大,排行最大者 ‖亦叫「老大」,大讀daai2
阿奶——舊時有功名嘅人家面稱母親
阿孻——排行最屘一個,行末(父母叫子女)
阿跛——跛仔
阿肥——肥仔,肥胖者
阿泡——偸仔嘅別名 ‖亦叫「泡哥」,泡讀paau1
阿愗——蠢人,舉動笨拙、淨係識食唔識做嘅人 ‖一寫作「阿茂」,愗,讀mau6,廣韻候韻莫候切:「怐愗。」怐,苦候切:「怐愗,愚貌」
阿斗官——闊少爺,敗家仔
阿頭——領頭者,頭目
阿壽——蠢人,唔精叻、唔敏捷嘅人
阿舅——妻之兄弟嘅統稱
阿母——父之嫂(背稱) ‖亦叫「大母」
阿三——批馬騮 ‖亦叫「馬騮三」
阿嬸——1. 叔父之妻 2. 夫之弟婦 3. 大嬸,中年婦女嘅泛稱 4. 母親。迷信者驚細蚊仔唔成人,改稱母為嬸 5. 伯父之妻(面稱。忌諱伯母,音同「百冇」)
阿妗——女性稱弟之妻(背稱)
阿單——單眼者
阿奀——矮細瘦弱者
阿官仔——紈絝子弟,好食懶做嘅人
阿崩——1. 缺唇、豁唇嘅人 2. 缺門牙嘅人
阿聲——先生,舊時對一般男人嘅尊稱。「聲」即「先生」嘅合音 ‖先生嘅合音唔可以讀高平。又,而家稱先生嘅合音為saang1
阿丁——蠢人,冇知識亦冇本事嘅人
阿聾——耳聾者
阿笪——舊時指天足女人,唔扎腳嘅女人
阿紥——舊時指細腳婦女,扎腳嘅女人
阿擦——傲慢自大者 ‖參看「牙擦」
阿乜人——等如「阿邊個」
阿隔——孤寒嘅人 ‖參看「隔渣」
阿嚗——鄉下人 ‖嚗,讀bok1,同音字
阿督——舊時指店鋪中嘅總管
阿叔——除常義外,另有指父親。迷信者驚細蚊仔唔成人,改稱父為叔

五只手指为一揸,而家个个独生,边度重有阿揸?捞头就有! 行路———舂舂(中中)地 整饼 叫狗 乜水/谁?

[ 本帖最後由 外外星人 於 2008-7-6 08:51 編輯 ]
發表於 2008-7-6 08:58:05 | 顯示全部樓層
原帖由 余OK 於 2007-4-29 06:38 發表

jaa

呀呀烏——最差,最次
廿四向——心意唔定,心猿意馬 ‖亦講「卅六向」

gwaa

瓜皮艇——形如西瓜皮嘅無篷小船,兩端係齊頭嘅,用以運輸
瓜四——老四,排行第四者 ‖亦叫「阿瓜」
瓜門——單扇門
瓜英——木瓜、黃瓜等切細絲用糖腌製,甜中帶酸,係五柳料之一,做五柳魚用
瓜竇——死咗
瓜老襯——1. 死咗 2. 失敗,整衰咗

瓜得——1. 死 2. 攞命
瓜直——1. 比喩死 2. 蝕咗大本錢
呱呱叫——1. 口出大言卻唔會做 2. 喊
寡仔——單身漢,未結婚嘅男子
寡淡、寡褪褪、寡瀎瀎——淡而無味
掛意——1. 掛念,掛心 2. 介意,在乎
掛帶——1. 牽掛 2. 惦記、記掛 3. 記住
掛爐鴨——明爐燒烤嘅脆皮鴨
掛單——去人家屋企搭食
掛單和尚——1. 去第處寺廟搭食嘅和尚 2. 喺人家屋企搭食者
掛燈——等如「開燈」
掛燈椅——高背椅
掛望——掛念,惦念
掛廊——老式房屋天井旁邊嘅走廊

kwaa

跨竈——個仔超過老竇
?裙——舊時結婚三日後,新娘除咗鳳冠霞帔換上嘅衣服。上衣係黑底綉花褂,裙係紅底綉花嘅 ‖?,讀kwaa2,廣韻馬韻苦瓦切:「?,衿袍也」

waa

挖——1. 用手指甲抓取 2. 用勺子刮取 ‖挖,此處讀waa2,集韻馬韻烏瓦切:「吳俗謂手爬物曰挖」
話是——做主
話是偈——(某人)講嘅,轉述人哋嘅話時用
話口——講緊嘢,通常講「話口未完」
話三話四、话乜话物——唔講老實話,淨係講啲不着邊際嘅話

话事偈?

發表於 2008-7-6 09:02:39 | 顯示全部樓層

原帖由 余OK 於 2007-4-29 07:22 發表 be觱——哨子 ‖觱,讀be1,廣韻質韻卑吉切pe??過你——鬧人嘅說話。呸 ‖??,讀pe1,集韻脂韻篇夷切:「叱聲。」古脂韻幫系字應讀ei,口語變讀e韻。亦講「啋過你」??——蹣跚而行,走路姿勢唔正 ‖??,讀pe5,廣韻脂韻房脂切:「???, ...

 

好有用,可惜好多字都系问号。

發表於 2008-7-6 09:09:23 | 顯示全部樓層
原帖由 余OK 於 2007-5-7 04:45 發表

ze

遮頭——遮柄端手揸之處
遮嘴——遮柄嘅尖端
ze6——1. 炒菜時加啲水入鑊 2. 淋水以熄火 ‖由聲音而嚟
姐姐噉手——好似小姐嘅手,唔識做嘢
借頭借路——藉口
借尿遁——指喺飯館食完飯唔畀錢而藉故溜走
借水遁——睺住機會溜走,製造迷霧以掩護自己甩身
借轉——借
蔗軲轆——甘蔗去皮後切成小段
蔗綟——甘蔗節
蔗枅——蔗綟生出嚟嘅芽 ‖枅,讀gai1

ce

車歪(乜)——陀螺
車貨——私娼嘅舊稱
車軲轆——木製嘅滑輪,中間有小圓孔,用於冇軸嘅窗戶,靠佢拉上拉落以開閂窗門
車鞍——單車嘅sit1
車綫——軸綫,軲轆綫(用於衣車嘅)
車葉——螺旋槳
車渡——舊時嘅一種用人力踩轆而行嘅大木船
車腳——坐車嘅費用,車錢
斜——斜紋布
斜哩眼——舊時指天生嘅斜眼 ‖而家亦叫「斜眼」
斜襟衫——斜領衫,多數係BB仔着
斜紋絨——一種斜紋呢子
扯瘕——哮喘 ‖瘕,讀haa1,集韻麻韻虛加切:「喉病。」亦講「牽瘕」或「絣mang1瘕」
扯皮鞋——縫皮鞋,因將綫頭扯嚟扯去,故云
扯氣——臨死前喘氣 ‖亦講「牽氣」
扯頭纜——牽頭,帶頭,發起 ‖亦講「拉頭纜」或「帶頭」
扯綫——介紹,搭橋 ‖亦講「拉綫」
扯風——通風,使空氣對流
扯風箱——1. 拉風箱 2. 比喻哮喘
跙,跙記——走開,離去 ‖跙,讀ce2,集韻馬韻淺野切:「??跙,足利。」??,叉鑒切:「行貌。」一般寫作「扯」
跙人——同上 ‖亦講「走人」

笡——1. 有坡度,陡 2. 斜坡,陡坡 ‖笡,讀ce3,廣韻禡韻遷謝切:「斜逆也」
笡肩——削肩膀,俗謂美人肩 ‖亦講「笡膊」

 

车字好有用,车头密(机器佬术语),本指机器转数快;引申为话人脚步快而密,行动迅速。

發表於 2008-7-6 09:23:57 | 顯示全部樓層
原帖由 余OK 於 2007-5-8 05:39 發表

se

賒得過——躲得過去,能夠免去。一般用於否定語氣
蛇——1. 長蟲 2. 懶而且精明滑頭 3. 偷懶,躲懶
蛇仔——舊時指汽車司機嘅助手,幫助整車同招呼乘客
蛇頭——1. 蛇嘅腦袋 2. 手指頭上生嘅一種毒瘡
蛇殼——去皮去埋內臟嘅蛇
寫契——定契約
寫單——喺飯館用餐完畢叫服務員結賬 ‖亦講「睇數」或「埋單」
社壇——社神所在,農村多設喺大樹腳底,亦有設喺街頭巷尾嘅
社公——社神,以一嚿大石頭刻上「社神」二字,放喺社壇上面以供祭祀
卸車——將車上嘅東西搬落嚟

ke

ke1——屎嘅俗稱
騎馬帶——月經帶
騎籬??——一種會上樹、會以尿射向敵人嘅青蛙,較瘦。以之喻瘦人 ‖??,俗字
騎留王馬——吞沒經手嘅人哋嘅錢物
騎劫——打劫,搶劫

je

——1. 理睬,答理 2. 出聲,吭聲 ‖喏,讀je1,廣韻寫作「??」,馬韻人者切:「應聲也。」今從集韻作喏,古上聲,今讀如陰平。有人讀nge1
椰——1. 椰子嘅簡稱 2. 戲指人個頭
椰升頭——舊時戲指剪短髮嘅女人髮式 ‖亦叫「椰升殼」
野味——1. 可作肴饌嘅野生動物 2. 指暗娼
野貓——1. 野生嘅貓 2. 有姘夫嘅女人
夜鬼——夜貓子,鍾意喺夜晚做嘢嘅人
夜遊鶴——1. 鶴嘅一種 2. 比喻夜遊嘅人
夜盜蟲——一種硬殼蟲,夜晚出嚟咬花,日頭多數匿喺花盆底
夜冷——1. 二手貨,平價貨,舊貨 2. 賣平嘢貨、二手貨之處 ‖英文yelling嘅音譯
夜冷貨——1. 拍賣嘅貨物 2. 舊貨,平價貨
夜工——夜班

we

撝——1. 咧開(嘴),裂開(口子) 2. (布類撕開後,毛邊)鬆弛歪斜 3. (布類、織物)鬆,唔平整 ‖撝,讀we5,集韻紙韻羽委切:「裂也。」紙韻合口見系字一般讀wai韻,口語變讀we韻
撝身——(布匹)鬆,稀疏

撝口袋——1. 闊口嘅袋 2. 喻鍾意喊嘅細路
撝口——1. 咧嘴,張開嘴 2. 口闊大嘅
撝撝te5 te5——1. (布類、織物)鬆而變形,唔平整 2. 無精打采,做事唔起勁

蛇头「贱」指;几乎记唔返 咩字?怪?[马圣]?我都以为系骑牛王马/刘(备)王马 YEAH?椰青?家下重有用。

發表於 2009-12-31 20:53:53 | 顯示全部樓層
唔連載啦?
您需要登錄後才可以回帖 登錄 | 註冊

本版積分規則

粵語協會官方網站
網友發帖之言論,純屬個人意見,與本會立場無關

手機版|Archiver|粵語協會    

GMT+8, 2020-7-7 00:56 , Processed in 0.237833 second(s), 22 queries .

Copyright © 2003 - 2016 Cantonese Association. All Rights Reserved. 粵語協會 版權所有

快速回復 返回頂部 返回列表