【原创】飮茶吹水纪要之二（粤语版）

gzshuzha

【原创】飮茶吹水纪要之二（粤语版）
人物：茶客甲 ＋? 茶客乙
地点：广州某茶楼茶皇厅
时间：本月某日

甲：“的省市领导就来唔使返屋企食饭架啦。”
乙：“点解？”
甲：“禽流感个时黄省长出嚟食鸡，前几日苏市长出嚟食咸旦，唔知过几日又有边个出嚟食多宝鱼。总之，查出乜嘢有毒，领导就出嚟食乜嘢，查出越多，领导就越唔得闲。卒???????
之搞到唔使返屋企食饭。”
乙：“所以话领导唔易做架。好在的专家话唔使惊，一日食千二只咸旦先会有事嗟。”
甲：“专家的话就要信嘅咩？人地自己养鸭的人都唔食的旦啊。你问下的专家自己食唔食。”
乙：“依家市长咪食畀你睇啰，唔通你条命仲矜贵过市长条命咩？”
甲：“我唔系惊毒死，我系惊吓死嗟。你一的嘢有毒，一的嘢冇毒，有毒个的又唔知几时先发作，好烦。你一系就全部搞成油炸鬼咁。”
乙：“即系点啊？”
甲：“一百挡油炸鬼有九十七挡落咗明矾同埋洗衣粉，咁就唔使惊啦，唔使估估下，食亲实中招，你净系拣食定系唔食就搞掂，冇咁烦。“
乙：“会晤会有一日查出无论乜嘢都有毒啊拿？”
甲：“咁又唔会蜗，起码依家已经查出有种老鼠药系冇毒嘅啵。就算有日查出样样都有毒，就一天都光晒，仲有乜嘢好担心嗟？一系拣毒死，一系拣饿死，唔使依家咁烦。”
乙：“唉，都唔知点解会搞成咁嘅。”

luizlam

今期省市長要出來食雞蛋了

余OK

　　有電臺午晚間嗰類劇場節目廣播嘅feeling，正如「十八樓C座」長盛不衰。

dejavu

^_^

喝茶可是最好的吹水时间呢

最喜欢那个时候吹水了

余OK

　　一於將佢搞成劇場版啦。