閒話粤式歇後語之「喃嘸先生跌利是」

余OK

先嗰排同人吹水過程中學到咗一個好有本地語言特色嘅歇後語：喃嘸先生跌利是。。。

　　有冇人聽或講過呢句歇後語呢？我以前就未聽過嘞，後半句對應返前半句眞係幾形象貼切o架，如果冇人知後半句係乜我再講啦，暫時留返啲懸念。。。

[此帖子已經被作者於2006-10-13 17:47:23編輯過]

Kathy

有無提示呢??

Anl

開估啦，冇人識啊。

余OK

喃嘸先生係指幫人打齋嘅看道士，佢哋所收薪酬係用利是形式收取，如果跌咗，你會想像到乜嘢？？？

Anl

齋做囉係咪呀？我諗唔到喇。

余OK

我畀咗tips意思就好明顯，至於點樣用最貼切嘅廣東方言講出嚟，就幾考功夫囉。。。

highyun

超级无敌掌门人估词都会讲埋几多个字啦，你要讲估几多个字先得架。

Cactus

冇米工---形容白做，搵唔到食。 同喃嘸佬冇關。俾多少少 tip 喇。 唔通係呢句？ 柯呢吉蒂---好似係外來語，許冠傑《賣身契》歌仔裡面有。

余OK

四個字，再畀啲tips，喃嘸佬主要靠口噏噏念經嚟揾飯食。。。

芬1012

系唔系“吟吟沉沉”？

余OK

開估：下半句係“嘥聲蝕氣”，可能廣州話少啲講，可以當呢個係順德話嘅成語，意思即係講得多都嘥口水，耳提面命都毫無作用。。。

Anl

無聊。

余OK

居然有人話無聊？！其實呢啲舊派粵式歇後語家吓啲人少講咗就冇幾個知道，差唔多失傳。。。

Anl

係你講得無聊。

余OK

點無聊法？？？

highyun

我觉得系啲tips误导人

芬1012

余ok在2005-07-01 13:23:24說道：[br]開估：下半句係“嘥聲蝕氣”，可能廣州話少啲講，可以當呢個係順德話嘅成語，意思即係講得多都嘥口水，耳提面命都毫無作用。。。

喃嘸先生本来就係吟吟沉沉咖啦，而家重跌埋钱添，重唔更加吟吟沉沉？ 讲笑嗟。 好多谢你讲我哋知，粤文化而家係越来越缩水嘞，希望大家能够多些关注一下。

卢总

余ok在2005-07-01 21:22:11說道：[br]點無聊法？？？

我想发表下我多年前悟到“无聊”嘅原因。 “无聊”，顾名思义就系冇得聊——冇人同你倾偈。 正因为冇人同你倾偈，所以你先会上网揾人同你倾偈。 有人同佢聊，又或者畀人撩紧嗰啲人，得鬼闲上网揾人撩咩？ 所以，希望各位下次想话人无聊嗰阵，唔该检讨下自己——因为你都系一样咁无聊先会上网，揾第个“无聊”嘅人，同你一齐变成“有聊”！

loist

多谢分亨.

Anl

我想发表下我多年前悟到“无聊”嘅原因。 “无聊”，顾名思义就系冇得聊——冇人同你倾偈。 正因为冇人同你倾偈，所以你先会上网揾人同你倾偈。 有人同佢聊，又或者畀人撩紧嗰啲人，得鬼闲上网揾人撩咩？ 所以，希望各位下次想话人无聊嗰阵，唔该检讨下自己——因为你都系一样咁无聊先会上网，揾第个“无聊”嘅人，同你一齐变成“有聊”！

可能你係無聊先上嚟傾偈，但我而家唔係，我係爲興趣而同其餘幾個粵語協會管理員佮份搞起呢個網站。唔該你下次講無聊嘅時候檢討吓自己。