設為首頁收藏本站

粵語協會

 找回密碼
 註冊

QQ登錄

只需一步,快速開始

掃一掃,訪問微社區

搜索
熱搜: 活動 交友 discuz
查看: 2474|回復: 9

[族群溯源] 粵人喺中世紀已經混入瑤人血統

[複製鏈接]
發表於 2012-11-28 16:18:51 | 顯示全部樓層 |閱讀模式
本帖最後由 粵嚟粵掂 於 2012-11-29 17:12 編輯

粵人喺中世紀已經混入瑤人血統




鶴山嗰帶係廣府四邑交匯地,亦有唔少所謂嘅「客家」。 鶴山大體文化上屬於廣府,行政劃分上歸四邑管。


有一樣好緊要嘅嘢各位可能唔醒起,四邑高陽三羅山區以前瑤人廣佈,呢帶嘅瑤人後嚟幾乎絕跡(依家陽春西部深山仲有幾條村有瑤人講勉語),去晒邊?咪畀四邑同廣府同化晒囉!剩低嗰啲,就變晒做哎人,亦即所謂嘅「粵西客家」。


四邑至今仲流傳著一個同同化征服瑤人相關嘅習俗,叫:夏至狗,冇得走。狗係苗瑤系民族嘅圖騰,四邑人好食狗肉,就有如西班牙人好食豬肉一樣,係勝利同化或者驅趕異民族嘅一個習俗遺證。


我亞爺亞嫲都係台山嘅,離我鄉下冇幾遠,廿公里都冇,就係台山一個好有名嘅深山區,據新寧史誌記載,喺200幾年前,嗰帶瑤人廣佈,翻查瑤人尤其係勉人資料,發現佢哋有幾個大姓同時亦係廣東嘅大姓,更啱嘅係,我家族嗰個姓就喺呢幾個大姓入邊,睇返我家族嘅祖居地又離瑤人歷史上嘅活躍地咁近,好易令我對我家族以至四邑人嘅真正源流作出重新研判:四邑人查實係越種+瑤種,中部廣府人尤其係三羅肇慶梧州一帶嘅廣府人亦係越種+瑤種。


基本上可以確定,以前分佈喺四邑高陽三羅嘅瑤人經已全數異質化。瑤人融入廣府嘅極多,尤其係喺三羅(羅定雲浮鬱南),三羅係昔日羅旁瑤嘅總竇口,我一睇蔡延楷張相,就100%肯定佢係粵化瑤人嘅後裔。喺廣州周邊鄉郊,亦分佈著唔少鍾姓,鍾係瑤人四大姓之一,廣州鄉郊農村呢啲鍾姓絕對同瑤人相關。瑤人融入四邑嘅應該亦唔少,尤其喺靠近山區嘅埞方。至於嗰啲住喺深山嘅瑤人後嚟點解變晒做所謂嘅「客家」,就真係要再深入研究,13-18世紀,粵東北同粵北嘅「客家」並冇向西江以南大規模遷徙嘅明確記載,相反喺13-18世紀,西江流域瑤人遍佈,呢段時間瑤同「客家」應該冇緊密接觸,既然冇,噉呢啲深山瑤後嚟又點會冚族「講哎」嘅呢?唯一解釋就係,瑤人喺南遷入粵之前,就經已開始咗哎化進程,由瑤變哎,至少歷經五六百年。


廣府嘅南越起源唔使多講,銅鼓扒龍船粵語禾樓舞都有排嗲。四邑嘅越種起源,喺文化上亦有好多遺習遺俗可以追溯。直至幾十年前,新會都好興「住女屋」,台山就有跳禾樓嘅習俗,兼且仲過三月三節。聽我老竇講,台山鄉下以前每逢三月三,啲亞嬸亞姆都要做cei仔(一種外邊黐著好多芝麻炸到金黃式又依又韌嘅甜味糕點)供祭,至於供祭啲乜相信亞嫲嗰輩應該有記憶,不過呢,我哋查實祇需要知道係三月三呢個日子搞就經已明白好多嘢嘞:三月三又叫歌墟節,係侗臺系民族最盛大嘅節日,佢哋會喺呢日供祭祖先,然後齊齊載歌載舞。住女屋跳禾樓三月三,呢啲都係100%嘅侗臺系文化元素,呢啲文化元素喺四邑人身度搵出咁多,足見邑人越底厚重。
發表於 2012-11-29 07:15:31 | 顯示全部樓層
我諗除咗越種+瑤種外,仲有好多係來自外省。
 樓主| 發表於 2012-11-29 12:30:19 | 顯示全部樓層
粵人裡頭唔會有撈頭種,嗰啲自認撈頭嘅經已晨早死晒返支×那。
 樓主| 發表於 2012-11-29 17:12:56 | 顯示全部樓層
基本上可以確定,以前分佈喺四邑高陽三羅嘅瑤人經已全數異質化。瑤人融入廣府嘅極多,尤其係喺三羅(羅定雲浮鬱南),三羅係昔日羅旁瑤嘅總竇口,我一睇蔡延楷張相,就100%肯定佢係粵化瑤人嘅後裔。喺廣州周邊鄉郊,亦分佈著唔少鍾姓,鍾係瑤人四大姓之一,廣州鄉郊農村呢啲鍾姓絕對同瑤人相關。瑤人融入四邑嘅應該亦唔少,尤其喺靠近山區嘅埞方。至於嗰啲住喺深山嘅瑤人後嚟點解變晒做所謂嘅「客家」,就真係要再深入研究,13-18世紀,粵東北同粵北嘅「客家」並冇向西江以南大規模遷徙嘅明確記載,相反喺13-18世紀,西江流域瑤人遍佈,呢段時間瑤同「客家」應該冇緊密接觸,既然冇,噉呢啲深山瑤後嚟又點會冚族「講哎」嘅呢?唯一解釋就係,瑤人喺南遷入粵之前,就經已開始咗哎化進程,由瑤變哎,至少歷經五六百年。


廣府嘅南越起源唔使多講,銅鼓扒龍船粵語禾樓舞都有排嗲。四邑嘅越種起源,喺文化上亦有好多遺習遺俗可以追溯。直至幾十年前,新會都好興「住女屋」,台山就有跳禾樓嘅習俗,兼且仲過三月三節。聽我老竇講,台山鄉下以前每逢三月三,啲亞嬸亞姆都要做cei仔(一種外邊黐著好多芝麻炸到金黃式又依又韌嘅甜味糕點)供祭,至於供祭啲乜相信亞嫲嗰輩應該有記憶,不過呢,我哋查實祇需要知道係三月三呢個日子搞就經已明白好多嘢嘞:三月三又叫歌墟節,係侗臺系民族最盛大嘅節日,佢哋會喺呢日供祭祖先,然後齊齊載歌載舞。住女屋跳禾樓三月三,呢啲都係100%嘅侗臺系文化元素,呢啲文化元素喺四邑人身度搵出咁多,足見邑人越底厚重。
發表於 2012-11-29 19:24:49 | 顯示全部樓層
鹤山佬过年先整 寒糍(hon4 cei4) 食。广西各族过年除了整糍,还整粽;三月三就整 五色糯米饭 食。

鹤山、台山 的寒糍,同江南苏浙一带过年食的 水磨年糕 一样,整成一饼饼长条,白色,上面印啲公仔图案,都系百粤稻作文明饮食风俗。鹤山人食稻米、食「心薯」(淮山的远亲),少食麦麵,饮食口味本土化。

南番顺饮食口味其实偏北,中意食油炸麦麵(崩砂 煎堆)同乳制品(双皮奶)。

南番顺年糕同云南蒙自(傣、彝 等族聚居)年糕一样,都系红色,大大钵。哩点就唔同寒糍。
發表於 2012-11-29 19:27:38 | 顯示全部樓層
本帖最後由 使君子 於 2012-11-29 19:29 編輯

福州乃至整个闽语区的年糕(「粿」 gue)又有自己特色,整成黄色。

所以,中意整白色年糕的地域:广西、江门、粤东北客家、苏浙。
發表於 2012-11-30 07:25:56 | 顯示全部樓層
回覆 3# 粵嚟粵掂


    咁要睇【撈頭種】嘅概念係乜喇!
發表於 2012-12-15 20:37:52 | 顯示全部樓層
本帖最後由 huishanese 於 2012-12-15 20:41 編輯

四邑里面大部分都是来自中原的汉人后代,找本族谱看看就知道啦。河南光州故始。
「安人」是乜?你应该听过吧?
「天九」你家的老人家有玩吗?我啊婆生前最中意玩这种牌。
四邑里面的土著早就被中原人同化了。
  「崖山之战」留下了大量中原兵。


  我老家某个深山老林也有一些「新姨仔」(唔DEI几豪写),新姨仔是被带一定歧视色彩的。应该就是传说中的土著。

  但是这些小数族类,占的数量极其少。

纵观整个四邑,可以断言大部分都是唐宋移民。

而且整个珠三角也很多四邑迁移出去的,由于四邑中原人口极其密集,所以中古汉语(台山话)得到了极好的保存。
而其他稀疏的地区逐渐和白话融汇在了一起,变成了所谓的今天的粤语。

像佛山,南海,广州,等等,很多都是四邑迁移过去的。

所以,白话和四邑话基本上大部分的词汇都有一一对应的关系,什么含家产,死仔包,THING THING 丢,
大量的一对一的词语,可以说明四邑和白话之间的融汇有多深。
以至于很多语言学家无法将台山话从白话中划分出去, 而称呼台山话为子方言的白话(今天的所谓粤语)。
發表於 2012-12-16 02:33:32 | 顯示全部樓層
好好笑,人人都話來自河南,好似以前就係得河南一個地方一樣。
四邑人雖則來自外省多,但唔係所有來自河南,我懷疑來自河南係非常少數。
唔好忘記,河南嘅南邊仲有吳楚之地,吳楚人地處南方,且接近廣東,好多人係來自嗰啲地方。台山嘅伍姓話統統係伍子胥嘅後代(話族譜係咁寫),係嘅話都係來自以前嘅楚國。
當然,台山亦有好多係土著,睇樣便知,無須拗頸。
發表於 2013-3-25 13:54:04 | 顯示全部樓層
非常有用嘅通識,一定要搵學術組織整理紀錄,以免煙沒於歷史之中。
您需要登錄後才可以回帖 登錄 | 註冊

本版積分規則

粵語協會官方網站
網友發帖之言論,純屬個人意見,與本會立場無關

手機版|Archiver|粵語協會    

GMT+8, 2017-7-22 14:47 , Processed in 0.260653 second(s), 25 queries .

Copyright © 2003 - 2016 Cantonese Association. All Rights Reserved. 粵語協會 版權所有

快速回復 返回頂部 返回列表