找回密碼
 註冊

QQ登錄

只需一步,快速開始

搜索
熱搜: 活動 交友 discuz
查看: 2336|回復: 0

[文學精品] [轉貼]《我喺长堤做登场—“劈酒部”的日子》 (8)

[複製鏈接]
發表於 2006-10-26 07:10:10 | 顯示全部樓層 |閱讀模式

原著:欺霜傲雪(Tiffanyho)

PART?8?

呢晚,VINCENT又嚟咗,VINCENT佢爸爸系开广告公司。佢就帮佢爸爸打理公司啲生意。佢其实就系陪客人嚟玩嘅。不过成日都揾我玩,佢同佢啲朋友得2、3个人嚟玩,都要包张大卡。份人几好就真,识得尊重人。佢都唔会好似其他人噉钟意抽水。之前又问我拎电话。不过我觉得,出嚟浮啲人唔系太多人会认真噉对你。有啲媾得你,就系想玩一夜情,玩“赵完松”。所以,电话我就冇畀到佢。我份人对一啲唔熟悉嘅人会摆出傲慢嘅样,本身自己出生喺小康家庭,觉得自己个样又有返咁上下,自细就生成呢种高傲嘅性格。但如果同我熟嘅话,就知道我系点样嘅人。?

VINCENT着住一件APE嘅T-SHIRT,同EVSIU嘅牛仔裤。?

VINCENT:“你今晚成晚喺我呢度玩啊?”?

我:“点解你嚟亲都揾我玩嘅?”?

VINCENT:“冇,因为我嚟揾你玩,你可以唔饮都得。但如果你去其他客人度玩,你可能要饮好多。饮得太多对你唔好嘅。”?

我:“哦……”?

VINCENT:?“你有冇钟意边个牌子嘅饰物咖?”?

我:“有吖,咪TIFFANY啰。”?

VINCENT:“哦。”佢答得若有所思。?

即使佢对我好,我都冇考虑过佢,因为我心中可能已经有咗某人嘅位置。?

我个朋友细细嚟咗玩。细细都识得几多有钱人,佢好细个就已经出嚟浮了。佢啲衫、化妆品、出街使费都唔使佢自己出。
?
“KATHY?乜你依家喺度做啊?”?
“系吖。做咩?”?
“冇吖。你唔好做啦!?咁辛苦,你都系为咗赚钱啫,我帮你啦!”?

佢拉埋我一边,只手摆到好低,指住前面嘅阿叔,细细声同我讲:“呢个男人系香港人,自己开玩具厂,佢睇中咗你,你今晚陪唔陪佢?”?

唔怪知得,佢同我讲话,咩今晚唔好搞乱佢屋啲嘢,我头先听到一嚿云噉。
?
“如果你陪佢嘅话,佢畀出嘅钱可以抵得上你1个月或更多个月嘅人工,甚至重有得商量,你觉得点啊?其实佢好快嘅咋,你咪当畀鬼笮啰!”?

我:“我唔做吖”。?我都唔缺钱用,同埋我净系会同钟意嘅人做啰。我唔会为咗钱,而出卖自己嘅肉体。?

细细:“噉好啦,我都唔逼你吖。”?

我:“嗯。噉你哋慢慢玩,玩得开心啲,我去做嘢先。”?

晚上落班之后,我都会打畀ANDREW,将每晚喺公司发生嘅开心事或唔开心嘅事都会话畀佢知道。佢成日都叫我唔好做啦,转工啦,对身体唔好吖。不过佢自己又冇做嘢,我叫咗佢揾嘢做先啦。佢话要睇埋世界杯先去做喎。

我哋真系每晚都会倾好耐好耐电话,成几个钟头。佢成日都话,饮醉就畀电话佢。
?
我就话:“傻嘅你,醉咗我重识畀电话你!”?跟住佢就笑到咩噉。我同佢讲笑。?

我:“我浮咗咁多年,我从来都未试过醉到要人扶住我返屋企,或者醉到要人照顾,或者醉到好似泥噉。我’千杯不醉’嘅嘛,你有冇睇过先?千华嗰套《千杯不醉》啊?”?

ANDREW:“有吖,噉唔通你真系要遇到你爱嘅人先至会醉?”?

我:“哈哈,可能吖,我都唔知道。”?

ANDREW:“其实我都想揾个女朋友。”?

我:“你咪去揾啰。”?

ANDREW:“嗯,讲真,我ANDREW如果要女嘅话,唔方会冇女啰!?不过,如果揾咗女朋友之后,使费就会大咗。”?

我:“噉你咪努力啲揾钱啰!”?

ANDREW:“不过,我都唔会揾靓女做我女朋友。如果唔系,顶绿帽重唔戴上头咩!?”?

我听咗之后,都唔知道畀咩反应好。我唔知道我喺人哋心目中,系属于靓定唔靓。?

有晚上班,我饮咗太冻嘅酒,所以个胃好痛。跟住就去咗洗手间,打咗个电话畀佢,佢叫我唔好再做。?

之后,佢成日都关心我有冇胃痛。令到我好感动。晚晚都倾电话,我个朋友重以为我揾到个新男朋友。
您需要登錄後才可以回帖 登錄 | 註冊

本版積分規則

Archiver|手機版|粵語協會

GMT+8, 2024-3-29 06:33 , Processed in 0.054979 second(s), 20 queries .

Powered by Discuz! X3.5 Licensed

© 2001-2024 Discuz! Team.

快速回復 返回頂部 返回列表