|
原著：欺霜傲雪（Tiffanyho） PART?7?
我今日着得都几靓，着咗之前喺BAMBINI买嗰条，连降咗价都要成2百几差唔多3百嗰条裙。唔知道点解,我特喜欢BAMBINI呢个牌子，不过就觉得佢啲路线几型下。我衣柜里面30%都系呢个牌子。呢个牌子啲衫裤都唔系好贵，但我钟意佢嘅款。?
今晚返工搭车嘅时候，又撞到PO。因为我谂起之前嘅事，嬲啦!我都已经咋望唔到佢嘅啦，点知佢又叫我先喎。我明知道佢隔篱有位嘅，不过我专登唔坐。坐咗佢嘅后面。
?
PO：“只眼咁红嘅？唔够瞓咩？”?
我谂：够唔够瞓关你咩事啊？?
“唔系吖，”我见佢喺度拎部N70出嚟打电话，我谂：肯定打畀条女啦。?
“借部手机嚟睇下啊?”我想睇吓相册里面有冇佢同佢女朋友啲相先，我都几八卦下，哈……。
?
点知又唔识边度开喎。佢又好似上次噉，佢话：“我教你啊!”?好斯文噉开畀我睇。晕，次次都系咁嘅，我睇咗佢相册啰，见到得一个女嘅相喺度，其他都系佢自己同CHRIS嘅相。我就顺便睇埋佢啲SMS。发现2个真系有啲嘢喎。我谂：呢个女我喺公司见过佢。嗰日重撩PO讲嘢先。我重知道,佢喺出面同5个人租咗间屋喺出面住，我都去过。佢之前条仔都飞咗佢啦，依家居然痴埋PO嗰度，有冇搞错啊？不过，我又唔系PO边个，关我咩事啊？?
睇完之后我就畀返部机佢，我哋开始倾偈:?
我：“噉你住我呢边，你读边间嘅？”?
“广XX职工子弟学校啰，你呢？”?一间垃圾学校……。?
“我？第X财经职中啰。”?
“哇？原来我哋大家咁近咋喎，噉都唔识得嘅？”?
“有咩出奇啊？间学校咁大唔一定识嘅。噉你初中呢？”我想知道点解咁近我哋都撞唔到，所以就问埋佢初中。?
“42中，你呢？”?
“我1X8嘅。”
好似我问一个问题佢又要问返我噉样。佢同我间学校相隔唔远，大概十几分钟路程。原来大家都系住喺嗰度附近。咁近大家都唔识，但出嚟做嘢反而识得，又系一个“缘”字。?
我：“惨啦，我就够钟啦，就迟到啦。系呢，你边个站落啊？”?如果我撞到PO嗰日嘅话,就已经证明系好迟嘅啦。因为我返10点，佢返10点半。?
“就前面嗰个啰，你呢？”?
“我??我喺前面转咗弯嗰个啰。”?
“点解嘅？近啲嘅咩？”佢问。?
“系啩，不过我习惯咗喺嗰个站落啰，点啊，你就到站啦!”?
点知最屘佢跟住我一齐落。我嗰晚重要着裙、着高踭鞋慢跑咗起身，因为我就嚟迟到，所以都几赶时间下。搞笑嘅系，佢都未迟到都跟住我跑。笑死我啦，我咪话：?
“你睇下你。都唔够我跑得快。”?
“我让你咋。我喺度做咁耐都未试过返工返到咁赶时间嘅。”?
“哈哈，你慢就慢啦，狡辩……”?
过马路嘅时候，佢喺我左边，佢嗰边有车开紧过嚟，我一只手拉住佢，?
“有车吖!?小心吖!”?
其实,我系习惯咗。我会保护我身边我想保护嘅人，唔想佢哋喺我身边发生啲咩事。所以我过马路总会拖住我啲朋友。惊佢哋有事。今次特别系PO喺我隔篱。。?
终于都返到公司，迟到咗少少。不过我都好开心，因为有个傻佬陪我跑。整返佢都好吖，边个叫佢上次咁对我喎，我当时心都凉埋。呵呵,心里奸笑ING!
我行到去门口，专登行快啲，“前后脚”上楼梯。我费事畀人知道我同佢一齐返工，唔想人哋以为我同佢系男女朋友关系，噉我喺嗰度啲追求者咪会少咗啰。?
“你今日返工啦？”一个平时同我几老友嘅阿毅同我讲。因为我系兼职，平时佢哋唔系成日见到我嘅。?
“嗯，系吖。”我对住佢笑。?
PO跟喺我后面就最啱我心意。我想佢知道我喺呢个场都几受欢迎，当然唔只你受啲女仔欢迎啦。不过讲真?,其实PO都系一名靓仔嚟嘅,?超级受啲妹妹仔欢迎。?
我哋未到做嘢嘅时候。我就同啲同事倾下偈。原来嗰度好多个都好细个，我成日觉得我喺嗰度好老饼，不过好彩我个样有啲?babyface，同埋啲衣着行YOUNG路线，所以都呃得下人，以为我系17、18岁。不过,我最无奈嘅系,有成几个人唔系话我似JANICE就系话我似佢个妹妹JILL。啲人重要系唔识嘅，有啲客人噉讲，我哋公司“创修部”啲人都噉讲。最搞笑就系第一次个客同我讲，可能我嗰晚着嗰件衫同之前MTV台播紧JILL个“LONELY”个MV里面紫色嗰件差唔多。我件衫就系透明嘅丝质，个款式差唔多，佢咪话似啰。?
“我觉得你有啲似JANICE卫兰。”?
“我？边度似啊？我边度有佢咁靓啊？”?
“唔系啊，我觉得你似啊，我几喜欢JANICE嘅。”?
“多谢你赞我，不过我觉得我一啲都唔似。”?我反而觉得佢非常之搞笑个样，黑麻麻学人戴“超”，重要个样似黄子华先抵打。我一谂起黄子华啲搞笑嘢，跟住望望佢，我又笑到咩噉。?
佢重想拎佢部K750I想同我合照，不过畀我拒绝咗。
?
我以前去浮嘅时候被人讲得多似就系TIFFANY李龙儿，呢个都正常啲，话我似JANICE同JILL我就觉得一啲都唔似吖。可能系啲灯光问题,先话似……。?
我哋“劈酒部”同“登场部”唔同，“劈酒部”系同客人关系比较密切啲，好容易识到唔同嘅人，唔怪得我有啲同事可以一脚踏几船,或者频频换画。?但我衰就衰喺专一，难道对人专一系错嘅咩？?
而“登场部”就真系斋“登”，唔使饮，除咗我哋“劈酒部”唔够人用。“登场部”先去帮“劈酒部”去劈。?
我喺度4XX上紧班嘅时候，有啲人叫我过去佢哋啲场度做，其中有个畀我印象最深刻。?佢就喺附近嘅DK间场度做紧，做带人嘅。佢嗰日嚟玩见到我,就同我讲：“你喺呢度做嘅？”?
我：“系吖。”?
“我喺DK度做带人嘅，我觉得你都OK喎，过唔过嚟？我个价畀呢度重高喎。你得闲过嚟DK玩啊？”其实呢个男之前都喺呢间4XX度做紧，都系做领班。不过,同我依家跟紧嘅领班ANDY系死对头，以前斗到你死我活，不过佢点解转咗场嚟做呢我就唔知道啦。?
我：“唔使吖，Thanks。我都唔钟意去CK嘅。”啲歌唔好听，去玩啲人又比较“老饼”。不过“老饼”多钱。?
“你电话系几多？畀我啊。”?
平时嚟讲我系唔会畀，不过识多个人都好，如果我有朋友想做到时咪可以介绍佢哋去，多个场选择。?
我：“137XX426XXX。”?
“哗，你使唔使咁钟意个场啊？连电话号码都有埋个数字。我叫……”?
我都冇兴趣知道佢叫咩名，求祈用DK呢个名记咗就算。其实呢个电话号码我好之前已经用紧，喺4XX未开之前已经用紧，并唔系因为钟意呢个场而专登买呢个号码。?
跟住我哋就开始玩。?
“嗱，输咗嘅就饮呢一杯。”?
哗，重要斋饮芝仔，想灌醉我同我隔篱嘅同事咩。?
不过我哋都冇办法啦，边个叫佢哋系客咩。?
点知道,几次我哋都好好彩，冇输到，反而佢哋就系噉输。?
同我玩上诉？都未死过，话晒我做咗咁耐，出咗名系“上诉小公主”嘅嘛。哇哈哈~~~~~~~~~?我心里暗暗噉偷笑。不过都有时会输，但系可能我运气好，多数都会赢。
?
我见佢饮咗咁多，“你有冇事啊？”?
“如果我揽住你，你话我有冇事呢？?
我好心问下佢，佢居然噉讲，饮死佢算啦。我对佢有防范噉行开咗小小，远离咗佢。?
呢度做系我好朋友介绍嘅，唔通做咗一阵就唔做咩。并且,我觉得呢嗰场好玩过DK。虽然我都知道钱喺DK会多少少，我系睇场嚟做而唔系睇钱嚟做，所以我先选择咗呢个场做咋。 | 
發表於 2006-10-26 07:09:31