設為首頁收藏本站

粵語協會

 找回密碼
 註冊

QQ登錄

只需一步,快速開始

掃一掃,訪問微社區

搜索
熱搜: 活動 交友 discuz
查看: 4331|回復: 16

[閒話雜談] 懶音形成之我見

[複製鏈接]
發表於 2012-7-18 06:52:04 | 顯示全部樓層 |閱讀模式
懶音係香港嘅特有現象,廣州冇,四邑都冇!
就此探討吓點解得香港先有懶音呢樣嘢。
唔知懶音呢個詞係點來嘅,但總係覺得咪好妥,細路仔音就啱啲。
從我嘅經驗來講,懶音係細路仔發音唔正嘅問題,咁點解淨係香港獨有。
我認為,香港嘅懶音現象係來源於60末,70年代初,當時香港人嘅語言仲係五花八門,
講廣州話嘅人雖多,但未佔大多數,好多人係屋企講鄉下嘅語言,譬如四邑,潮州等。
當時香港細路仔嘅廣東話應該係學自電視,及其他細路,同學,但細路仔對某啲發音有困難,
譬如ngo會發成oh,或non 發成 l 等,通常情況下,如果父母係廣州人,或識得講廣州話嘅人,
會不斷地糾正細路仔嘅發音,直至其發啱為止。依家嘅問題係,當時香港有好多父母根本就唔識廣州話,
咁樣一來,就無法糾正自己仔女嘅發音,久而久之,習慣成自然,當呢哋人長大後,便形成咗今日所謂嘅懶音。
更有甚者,一哋本來冇懶音嘅人,因為出邊多人講,也都當係時尚,跟著講。
之所以我現為懶音呢個詞不妥,係因為好多人根本就唔知自己講錯咗,我有個朋友,講百總係講成八,
我每次都要問係百亦係八,但渠每次都發錯。

以上純屬個人猜測,無經調查!
發表於 2012-7-18 07:22:51 | 顯示全部樓層
四邑唔係講台山話嘅咩?
發表於 2012-7-18 08:35:03 | 顯示全部樓層
KinNg兄,我好同意你嘅睇法。有噉嘅見解,我恁你實系香港人。
講開又講,你篇文章有好多錯別字,介唔介意我指正一下,我哋來得唎度,就應該抱住學嘢嘅心情,你話系唔系?
 樓主| 發表於 2012-7-18 08:48:13 | 顯示全部樓層
回覆 3# xxkai


    可能寫得太急,可以指正。
發表於 2012-7-18 09:09:39 | 顯示全部樓層
本帖最後由 xxkai 於 2012-7-18 11:23 編輯

有啲字系個人喜好,例如「怎解:嚸解」「系:係」「佢:渠」依家:而:咿」。如果我指正錯咗,請唔好介意,話返畀我聽。


懶音係香港嘅特有現象,廣州冇,四邑都冇!
就此探討下怎解得香港先有懶音樣嘢。
唔知懶音個詞係來嘅,但總係覺得唔係好妥,細路仔音就啱啲。
從我嘅經驗來講,懶音係細路仔發音唔正嘅問題,點解淨係香港獨有。
我認為,香港嘅懶音現象係來源於60末,70年代初,當時香港人嘅語言係五花八門,
講廣州話嘅人雖多,但未佔大多數,好多人係屋企講鄉下嘅語言,譬如四邑,潮州等。
當時香港細路仔嘅廣東話應該係學自電視,及其他細路,同學,但細路仔對某啲發音有困難,
譬如ngo會發成oh,或no n 發成 l 等,通常情況下,如果父母係廣州人,或識得講廣州話嘅人,
會不斷地糾正細路仔嘅發音,直至其發啱為止。依家嘅問題係,當時香港有好多父母根本就唔識廣州話,
樣一來,就無法糾正自己仔女嘅發音,久而久之,習慣成自然,當唎啲人長大後,便形成咗今日所謂嘅懶音。
更有甚者,一啲本來冇懶音嘅人,因為出邊多人講,也都當係時尚,跟講。
之所以我為懶音個詞不妥,係因為好多人根本就唔知自己講錯咗,我有個朋友,講百總係講成八,
我每次都要問係百係八,但渠每次都發錯。
以上純屬個人猜測,經調查!


噉:gam2 你噉樣我好難做

咁:gam3 因乜搞到咁大獲

 樓主| 發表於 2012-7-19 10:36:28 | 顯示全部樓層
多數人用跟著,喺網上幾乎見唔到有人用跟住。
唎個都唔多人用。
香港人多數用仲係。
發表於 2012-7-19 11:32:23 | 顯示全部樓層
本帖最後由 xxkai 於 2012-7-20 20:34 編輯

「唎」同你用開嘅「呢」字都系借字,唔同嘅系聲母「l」同「n」,我覺得「l」啱啲。
其實「爾」先至系本字,即系「爾個」「爾尐」「爾樣」「爾日」。有興趣可以用本字。新華字典中,「爾」解:

這個;此〖this〗
問君何能爾。——晉•陶淵明《飲酒》
如:爾夕(今夕,這個晚上);爾日(當天,這天);

「仲」系借字,「重」系本字,「仲」嘅唯一好處系單音。有興趣可以用本字。
「啲」系借字,「尐」系本字,「尐」字多數人都唔識睇。有興趣可以用本字。
「恁」系「噉」、「咁」、「諗」嘅本字,可惜有三種意思,宜只用來代替「諗」字。
發表於 2012-7-19 18:09:56 | 顯示全部樓層
我想問香港以外的地區教授粵語發音時,會不會從粵語拼音教起?
學習其他語言的發音時,一般都會從拼音學起,但在香港學習粵語卻省卻了這一步。
 樓主| 發表於 2012-7-20 07:50:06 | 顯示全部樓層
回覆 2# 馬萬千


    我嘅意思係四邑人講四邑話唔會有類似香港嘅懶音!
 樓主| 發表於 2012-7-20 07:52:15 | 顯示全部樓層
回覆 8# xxkai


    有時又唔可以太過要求正字,可能會冇人識!
發表於 2012-7-20 12:48:01 | 顯示全部樓層
本帖最後由 HKCantonese 於 2012-7-20 16:29 編輯

我生活在香港,平時聽人講話,都要對方澄清「八」和「百」。
我自己從不混淆這兩個字。
發表於 2012-7-20 15:27:55 | 顯示全部樓層
「唎」很少見人用,普遍是用「呢」
1.gif
發表於 2012-7-20 16:30:51 | 顯示全部樓層
本帖最後由 HKCantonese 於 2012-7-20 16:35 編輯

將n-讀成l-很早已經出現。

最遲出現的是:
-ng讀成-n
-k讀成-t
發表於 2012-7-20 21:34:38 | 顯示全部樓層
將n-讀成l-很早已經出現。

最遲出現的是:
-ng讀成-n
-k讀成-t
HKCantonese 發表於 2012-7-20 16:30



   係吖,粵語長片都好多藝人「男」「藍」打亂讀。
發表於 2012-8-12 17:35:55 | 顯示全部樓層
回覆 1# KinNg

呢種睇法完全過時。好多所謂懶音,至少有百幾二百年紀錄。
 樓主| 發表於 2012-8-12 21:20:24 | 顯示全部樓層
回覆  KinNg

呢種睇法完全過時。好多所謂懶音,至少有百幾二百年紀錄。
OmniBus 發表於 12/8/2012 17:35



基本上廣州人係冇懶音(有都係後生一代受香港影響),我所認識嘅50歲以上嘅港人都冇乜懶音。況且,香港係六十年代開始先講廣東話。
你嘅百幾二百年紀錄從何而來?
發表於 2012-8-13 10:12:14 | 顯示全部樓層
基本上廣州人係冇懶音(有都係後生一代受香港影響),我所認識嘅50歲以上嘅港人都冇乜懶音。況且,香港 ...
KinNg 發表於 2012-8-12 21:20


呢度有講:
廣州話城內音同西關音嘅區別係乜?

你嘅廣州,係指邊度先?何況講廣東話都唔止省城內喎。西關話,南海話,就係n/l不分。

舊日唔少傳敎士,都有記低有音嘅差異。當中已有提及。
您需要登錄後才可以回帖 登錄 | 註冊

本版積分規則

粵語協會官方網站
網友發帖之言論,純屬個人意見,與本會立場無關

手機版|Archiver|粵語協會    

GMT+8, 2019-10-24 06:56 , Processed in 0.464433 second(s), 29 queries .

Copyright © 2003 - 2016 Cantonese Association. All Rights Reserved. 粵語協會 版權所有

快速回復 返回頂部 返回列表