口字旁字的本字

chavy

先睇下面一句话:
    放喺嗰度嘅呢啲嘢，得啲咁多，唔系我哋㗎，我惗系你嘅，啱唔啱啊？噉你咪攞走佢啰，你唔要就嘥嗮嘞！

    上面好多口子旁嘅字，如今嘅人都系咁用，不过我惗大多数唔系本字！
    例如：1.「放喺嗰度嘅呢啲嘢」嘅「嗰」字本字为「箇」，「呢」本字为「伊」，「啲」本字为「等」。
               2.「得啲咁多」嘅「啲」本字为「尐」，「咁」本字为「恁」。

    「㗎」同「嘞」，理应系咁写，因为都系语气助词，所以口字旁是有道理的。但其他口字旁嘅字，都有现代香港人发明嘅嫌疑（佢哋发现唔识写嘅粤语字，就揾个同音字加口字旁代替），虽然久而久之，约定俗成，都可以认为系正字，但我惗唔系本字。

    所以「喺」、「嘅」、「嘢」、「唔」、「啱」、「噉」、「咪」、「嗮」、「咩」嘅本字又系点噶呢？

香江白丁

回覆 1# chavy


好帖！   

一）
「喺」－　系　係（乃不才拾人牙慧）
「嘅」－　家（純屬不才揣測）
「嘢」－　也（乃不才拾人牙慧）
「唔」－　無（乃不才拾人牙慧）
「啱」－　合（純屬不才揣測）
「噉」－「恁」（同意兄之見）
「咪」－　勿（純屬不才揣測）
「嗮」－　煞（乃不才拾人牙慧）
「咩」－　「乜嘢」快讀（純屬不才揣測）

二）「不过我惗大多数唔系本字」 「但我惗唔系本字」－　「惗」應為「諗」

三）「．．．但其他口字旁嘅字，都有现代香港人发明嘅嫌疑（佢哋发现唔识写嘅粤语字，就揾个同音字加口字旁代替）」－　非常同意，如：
「惜你」錯寫成「錫你」
「報章用錯字『重』差過中學生」錯寫成「報章用錯字『仲』差過中學生」
「畀錢」錯寫成「比錢」「俾錢」
「被你激死」 錯寫成「比你激死」
等等等等，不一而足。

promethusewei

回覆 2# 香江白丁

我覺得「比你激死」應該係「畀你激死」，因為國語「我被你氣死了」和「我給你氣死了」的說法都有，故「畀你激死」應該是對應後者。

香江白丁

回覆 3# promethusewei


多謝promethusewei 君加入討論。

兄台提出了一個很好的「疑問」。「被」字，有多解：
1. 唸高平時 當「披」字用，作覆蓋解，如千字文的「化被草木，賴及萬方」；
2. 唸陽上時作睡覺用的「一張被」的被；
3. 唸陽去時解「遭到」，這「遭到」多指「「不好」」的事物，如被解僱，被雨打，被殺，被侮辱。不才近年閱古籍，發覺這用法很普遍，可惜現代白話的「被」受外文所影響，文法照跟人家的主動和被動語態，將「被」字加在被動語態動詞之前，而不論所指事物屬好屬壞，如「被聘用」 「傷者被送院救治」 「被訪問者」 「被討論的文章」 「被選權」（ 拙作，探討之八十七 ：　「參選權」「被選舉權」）。甚至連一些字典也這麼標示。

故而兄台討論的「比你激死」，「畀你激死」不才仍以為是「被你激死」，粵語及北方之白話皆然。只不過粵語發生音轉──很可能是錯音──將之唸成「比」 「畀」；粵語的「畀」與北方的「給」均不妥，起碼語法上彆扭──給人家東西，那東西是「激死」──那不是怪誕嗎？

上面提及的被動語態片語，傳統是這般的：
1. 「被聘用」－　獲聘
2. 「傷者被送院救治」－ 傷者送院救治
3. 「被訪問者」－受訪者
4. 「被討論的文章」－　（所）討論的文章
5. 「被選權」－　參選權（是先獲准參選，然後由人民選，合資格自然可「被選」；若一講就講「被選」，已跳越資格甄選步驟，故不妥）

希望再看到閣下回文。