探討之十九：『世博』 『二套房』

香江白丁

拙帖之十七， 探討『衝擊獎牌』一詞，有同志提及原來有另一種『昇華』了之用法　－『沖金』，相當『生動』。

內地國人應用中文有一趨勢，將多字詞語壓縮，如『刑事偵緝』縮成『刑偵』，全國處處出現『刑偵大樓』，我初次看到政府建築物用此簡寫，就覺得有欠嚴肅莊重。也罷，總用上『大樓』兩字，但『上海世界博覽會』之簡稱為『上海世博』『世博』就很醜。『會』是骨架，乃最重要的字，如：兩會、春交會、三中全會，缺會字就不成體統了。是否應該改稱『上海世博會』、『世博會』呢？

『上海世博會』少了最尾的會字，尚知其意，有一類詞語則缺少了首字，如：『二套房』。我初次聽了所謂〔中央出台的打壓樓價飆升的措施，限制『二套房』銀行借貸〕，就誤解了。據『二套房』字面意思，是兩套房子，即『首套』及『次套』，後來仔細理解內容，才明白原來是『第二套房』的意思，非包括第一套。缺少該有的『第』字，不知國人有否被誤導，又是否接受這表述方式？

無首無尾，有這般的行文，其官員之辦事能力可思過半矣。

余OK

　　「微博」又點睇？

香江白丁

是〔微型〕〔博覽會〕嗎?
純屬猜測．

猫妖008

呵呵~~如果要揀呢啲詞嚟講,就多如牛毛囉~~~每日坐公共汽車返工,搭車就得啦,就講'公交'車~~你覺得聽起身似咩?

又好似,'性價比',我第一次聽時,都打咗個突~~咩嘢咁核突~~

由佢,橫掂都死嘎啦~~

UngooChan

有得「公交」，就必然有「交警」，專罰公衆地方行為不檢（唔守交通規則）嘅人。

香江白丁

〔公交〕〔性價比〕，哈哈
〔交警〕，似外省人講〔究竟〕，哈

余OK

　　又見「×起身」，除咗「企起身」，借問香港仲有冇第啲「verb起身」嘅講法？

香江白丁

「企起身」是向一個瞓低嘅人發要求．

１．起身　－　最簡單 ，沒說明是企或坐，

２．坐起身　－　背無靠

３．難（高平聲）起身，吉（陽去聲）起身　－　無禮貌講法．

４　挨起身　－　坐着，背有靠

a_qi

有樣嘢我想問好耐:
究竟「立交」係咩嚟?

香江白丁

循着〔公交〕的思路，「立交」．．．．哈哈哈哈

余OK

　　諸如「睇起身」「食起身」……怕且香港或廣府古老人冇噉講。

香江白丁

回覆 12# 余OK


    從未聽過，何解？

余OK

回覆 13# 香江白丁　　四樓即為一例。

香江白丁

回覆 9# a_qi


    細想[立交]，〔立〕字可聯想作：
〔立即〕去交，
〔立着〕，站立着去交；還有，
〔立立亂〕去交，哈哈

馬萬千

①舊底叫「萬國博覽會」。

②躝起身之「躝」讀LAAN上平聲， 「難」字讀NAAN下平聲。N，L起音唔一樣。
   趷起身之「趷」讀GAT下入聲，並非去聲。

寶寶

是〔微型〕〔博覽會〕嗎?
純屬猜測．
香江白丁 發表於 2011-4-15 21:55

    「微博」唔係人哋個blog咩。。。

寶寶

有樣嘢我想問好耐:
究竟「立交」係咩嚟?
a_qi 發表於 2011-4-16 01:13

    我睇到「立交」嘅第一反應係「立交橋」。上網check咗吓，有以下解釋：

「立體交叉，利用跨線橋、地道等使兩條相交的道路在不同的平面上交叉。」——互動百科

promethusewei

回覆 17# 寶寶


    「立交」就係立體交通之意吧。。相對於在地面上的交通。就是往高於地面的空間發展的交通線路吧大概。

寶寶

回覆  寶寶


    「立交」就係立體交通之意吧。。相對於在地面上的交通。就是往高於地面的空間發展的交通 ...
promethusewei 發表於 2011-4-16 20:20

    嗯，極有可能。

香江白丁

回覆 16# 寶寶


    吓！〔微博〕是個人網誌？

另多謝１５樓馬兄糾正，由此可知兄台咬字當標準也．
原來在下是屬於〔唔多識講又唔多識寫〕（自嘲一番，哈哈）．但有一點肯定於己有益，就是經兄台提點過，以後我實記得發準確的難音(naan4)和躝音（laan-1)．多謝你．