隔牆有耳：港大出月餅賀百周年

外外星人

  

港大推出慶祝百周年月餅，十分別致。

為迎接明年 100周年慶典，香港大學今年中秋節破天荒首度推出「港大 100」月餅，限量生產幾千盒，供師生、校友訂購。
月餅係由美心製造嘅蛋黃蓮蓉月，餅盒有港大校徽，最特別係每個月餅都有「港大 100」字樣，每盒售價 220元。不過買呢盒月餅唔止買四個月餅咁簡單，因為每賣出一盒月餅，港大義工隊會送上兩個低糖蛋黃蓮蓉月、水果同茶葉嘅心意包畀一個獨居長者，即係同時間與幾千個長者一齊過節。
港大副校長周肇平同幾個學生，上星期已經探訪咗兩戶長者，港大義工隊今個月 18日同 19日會再出動，探訪約 2,000名長者，送上中秋心意包。