設為首頁收藏本站

粵語協會

 找回密碼
 註冊

QQ登錄

只需一步,快速開始

掃一掃,訪問微社區

搜索
熱搜: 活動 交友 discuz
樓主: 台山靚仔

[族群溯源] 你地祖宗有無中國古代名人

[複製鏈接]
 樓主| 發表於 2010-9-14 03:02:34 | 顯示全部樓層
本帖最後由 台山靚仔 於 2010-9-14 03:08 編輯
中原文化?我觉得其实中原文化就系当代绝大多数嘅汉人所认同嘅文化!咁你认为而家当代绝大多数嘅汉人会认同 ...
华广 發表於 2010-9-14 00:07



基因結果方面並不符你所述,平均來說,廣東漢族基因跟中原漢人近些,但跟南方其他小數民族就相去比較遠,跟東亞其他國家的人相去亦較遠。現在南方小數民族的基因應該跟古代的相去不遠,現在見到的小數民族比較隔絕,比較純,只跟族內通婚。

當然我不否認溝了些本土越族、莊族基因,但大體上是漢族基因為本。其實我想過為何會這樣,但想到漢人是一代接一代的不停遷移過來,由秦代開始,二千年,中間有三次大遷移或逃亡。我亦曾經懷疑為何這麼多人要翻山涉水的來到老遠,後來想來好合理,大佬!逃亡嘛!不逃的話命都沒有,你會不會來?其實想想宋末長江以北,漢人減少到差不多滅絕,就知道情況有多慘絕人寰、多悲慘。據記載當時元朝皇帝提出過想把所有漢人殺光,以元朝的力量、殘暴,一定可以,幸虧被一些大臣勸服,原因是誰去耕田生產呀?

歷代以來,北方就是這麼動盪、不穩定;南方就是這麼風調雨潤、偏安。多年不停的遷徙,而漢人在大中華土地裡人數,遠多過小數民族,而南方本土的基因亦因此而被溝淡。

文化方面,漢人南來帶來中原文化,亦是一朝一朝,一浸一浸,層層疊疊的累積下來。起馬我們的文字語言,這文化最大載體,就已經是一大舊漢文化。粵語乃古代雅言嘛!這裡很多兄弟都會認同。有沒有本土影響,當然有啦!但誰是主,一看亦很容易知道。我們廣東話裡面有些壯語成份,但遠不及漢語成份多,你看我們廣東話裡面好多古雅的詞語就知,中國文化在南方亦保存較好。

我當然是認同廣府文化啦!

講到尾本來都只系想提出一個有趣既問題大家玩味一下,無預備要咁嚴肅。
發表於 2010-9-14 22:35:58 | 顯示全部樓層
以基因嚟讲广东汉族入边男性最多只有6成嘅基因系同北方嘅男性类聚而已,而且响女性方面基因根本就系百越基因占绝大多数!好明显汉族嚟到广东系跟当地嘅土著融合,并唔系杀晒广东所有土著,如果真系杀晒啲土著咁点会现在嘅广东人身上存有大量嘅百越基因?
而且当时古代交通咁唔方便,古汉人就算系逃难绝大多数都系会去江浙地区为主,而岭南地区为次!
至于文化方面当时嘅中原文化的确比起周边地区更先进而且发达,再加上有汉人南下落嚟同当地嘅原著民融合所以在岭南地区嘅土著慢慢地汉化啦!
重有一点,粤语并唔系古代嘅雅言!粤语最多只能够讲系古代嘅雅言演变而成嘅语言而已!粤语同其他方言都系一样,各自继承了古代中原语言嘅特点经过长时间嘅演变而成嘅语言!
所以我并唔系否定你嘅族谱或者认为广东人全部都唔系汉人嘅后裔,我只不过系话广东人入边仍然系有古代百越居民嘅后裔而且绝对唔会系少数,只不过系已经汉化而已!
至于基因学嘅问题我觉得阿「靓仔」可以上「中国恐龙网」慢慢探讨一下!最后都系你做你嘅汉人,我哋做我哋广东土著啦!
發表於 2010-9-14 22:53:12 | 顯示全部樓層
睇过下本族谱……是系苏杭一带落嚟嘅……不过广州自古就好似个外来人口城市咁嘅啦……系顺德度停咗下,起咗个祠堂,跟住再落广州咁……
發表於 2010-9-14 23:14:26 | 顯示全部樓層
我係黃帝後代
 樓主| 發表於 2010-9-14 23:24:01 | 顯示全部樓層
本帖最後由 台山靚仔 於 2010-9-14 23:28 編輯
以基因嚟讲广东汉族入边男性最多只有6成嘅基因系同北方嘅男性类聚而已,而且响女性方面基因根本就系百越基 ...
华广 發表於 2010-9-14 22:35



讲文化承传,南方一定比北佬保存得多,D捞佬系胡化左好多,都系多得宋朝亡国、同明朝亡国、唉!

基因既野,大家睇既资料来源唔同,或算既准则唔同。我见到既资料系唔差得远,有时间先再研究。

其实可以有自己既独立判断和逻辑数理思维。好似计数咁,累绩两千年既GENES,点数都一定系中原既GENES多。其实中原人可以汉化到D土著,就已经反影到中原人数字上的优势。秦朝一次过已经可以派五十万人过黎做开慌牛,未计之後各朝代过黎果D。

不过认同呢样野好个人,血源呢样野都唔系关键,总之随个人喜好。反正大家都挺粤。

有句历史名句「崖山之後、已无中国」,可能真系反影左中国人身份既混乱。又系多得宋明亡国,哀哉!
 樓主| 發表於 2010-9-14 23:26:43 | 顯示全部樓層
睇过下本族谱……是系苏杭一带落嚟嘅……不过广州自古就好似个外来人口城市咁嘅啦……系顺德度停咗下,起咗 ...
zephyrwwong 發表於 2010-9-14 22:53



    原来贵祖先系「吴地」之人,咁有无讲几时乐黎广东,或有无提因咩事过黎?
發表於 2010-9-15 01:06:28 | 顯示全部樓層
本帖最後由 华广 於 2010-9-15 01:21 編輯
讲文化承传,南方一定比北佬保存得多,D捞佬系胡化左好多,都系多得宋朝亡国、同明朝亡国、唉!

基因既 ...
台山靚仔 發表於 2010-9-14 23:24



  我始终觉得华中区系中原人南迁嘅首选!而且广东地形复杂,古时又有瘴气所以我始终认为中原人嚟到广东嘅数量不多。而且当时50万秦军中有30万在战争中死亡,秦国当时再派多10万才把百越之地占领。根据记载当时百越人口大概拥有40万左右,而且当时跟秦军打仗的百越人不足10万。所以我觉得就算经过几千年来北人都有南下广东,但在人口嘅优势上不会比广东土著多太多!应该是汉人占总人口5到6成而土著就4到5成左右嘅比例!不过现在中原汉人每一年都有几百万人落到嚟广东我估好快中原汉人嘅比例绝对会多出本地土著好多!

至于基因学而样也我都觉得系比较个人!就算系基因学嘅专家都会响好多嘅问题上会有唔同嘅见解和答案,况且我对于基因学冇咩好深嘅研究!点讲都好我哋始终系自己人,都系深爱广东嘅文化同传统嘅粤人!
發表於 2010-9-15 06:57:06 | 顯示全部樓層
睇到呢處,我都多口講返兩句:
好多所謂嘅中原移民,好多都係一家人走落嚟嘅,甚或一枝公落到嚟都有,然之後開枝散葉,開咗巷,故此,成條村都係一個大太公,噉你諗下,咁多人邊度嚟嘅呢?咪同當地土著通婚囉!你嗰啲中原血統剩返幾多呢?
——講緊嘅係元朝以前,亦即係最遲宋朝就落嚟嗰啲。
之後落嚟嗰啲可能就真係做咗客家嘞!事關地都畀人分晒,冇你份囉!
發表於 2010-9-15 07:14:55 | 顯示全部樓層
華廣講得啱,「武裝到牙齒」嘅秦兵尚且所剩無幾,普通人想入嶺南,過咗山嵐瘴氣呢一關先啦!你唔知秦朝嗰陣點環境唔緊要,睇下《三國演義》就知,一講到討伐南方嘅「蠻夷」,就會提到山嵐瘴氣呢味嘢,軍隊裝備係最精良嘅,佢哋都頂唔順,尋常人點頂呀?!重有,睇過晚報嘅一篇「小說」,講嘅係宋朝有個人(應該係有歷史記載嘅名人,唔記得佢個名嘞!)走難落嚟,成家人坐住一條船,由江西順水南下,除咗山嵐瘴氣,佢哋亦遇到當地土著嘅伏擊,差幾乎連命仔都冇埋...,你睇,嗰陣移民嶺南,難唔難得過而家攞張花旗國嘅綠咭先?!
 樓主| 發表於 2010-9-15 08:07:34 | 顯示全部樓層
其实计数就知,外来人会多过土著。就好似今日深圳、或他日广州,俾北人沦陷。因为外来人系不停增补、歷朝歷代。但土著就無得增补。
想请问依家系咪无山嵐瘴氣?点解一样有咁多人系广东生活?仲有果阵如果唔黎南方,死得重快。另外土著当然可以杀中原人,但中原人都可以杀土著。
有D野主要系一个数学问题,唔使咁复杂。
1. 假设系早期,土著比南下中原人多一倍,下一代就系2/3土著血统
2. 再过十几代,又有大概等於当时住在这里的人一半数量的中原人过黎,咁土著血统只  净低4/9
3. 如果以上程序只做多两次,咁土著血统就净低19.75%
事实上中原人士真的发生过几次大南移。其实当时元兵都把汉人杀了一半以上,我就想不到为何秦兵不可将土著杀得七七八八。
發表於 2010-9-15 17:47:22 | 顯示全部樓層
回覆 26# 台山靚仔


   唔记得因乜事走落嚟……过嚟开学堂定乜??因为太爷是执信女校嘅老师,所以有咁嘅推测……净是知同抗日走难无关……
發表於 2010-9-15 23:29:21 | 顯示全部樓層
本帖最後由 华广 於 2010-9-15 23:34 編輯
其实计数就知,外来人会多过土著。就好似今日深圳、或他日广州,俾北人沦陷。因为外来人系不停增补、歷朝歷 ...
台山靚仔 發表於 2010-9-15 08:07



    问题系广东嘅土著都系会繁衍嘅,而且就算历代都有中原人嚟到,但每一次嚟到广东嘅数量我觉得唔会特别多!本来由中原过嚟岭南道路崎岖且凶险,唔好话几千年前就算你而家由北方步行到广东都唔系话咁容易啊!而且当时讲避难嘅话中原人可以有好多选择,我估只有少数人会选择道路崎岖且凶险嘅岭南地区去避难!就算畀你过到嚟岭南地区气候同水土都系同中原地区有好大嘅差别,加上当时医疗环境比较落后适应唔到就好难生存落去啦。唔好话古时,就算而家交通发达北人响而几十年来不断地落嚟广东但数量上始终都系比唔上广东本土人口,何况古时候北方都唔系年年都会战乱年年都会有人落嚟!仲有,当时秦国军队明显系冇对百越采用灭族政策!当时秦军嘅统领赵佗系采取「和辑百越」 嘅政策,提倡汉越通婚,尊重越人风俗所以当时越人嘅人数未必会减少反而有所增加!
讲真,如果古时北方真系咁大规模嘅人口迁移,咁点解而家北方嘅汉人数量始终都系远远高过南方呢?所以我认为就算经过几千年嘅时间广东嘅汉人数量同土著嘅数量相差都系好少!
發表於 2010-9-18 15:39:19 | 顯示全部樓層
我今年去拜山既時候,聽我老豆話,我地屋企原來唔知系鄭成功第幾代傳人……我當時虎口一震!!!
發表於 2010-9-18 16:13:15 | 顯示全部樓層
Y-Chromosome 的 MARKER 同样都主要是O3
台山靚仔 發表於 2010-9-13 02:07


如古我话你知,泰国山区苗族有80% O3,菲律宾佬、波利尼西亚土人 都有四程几O3,你系咪要修正下信息观念?
發表於 2010-9-18 16:23:32 | 顯示全部樓層
李辉2004年篇旧野(正确讲系帮大陆官方粉饰太平既「做假数」),晨早就应该当废纸烧晒。

大陆DNA采样,系唔准境外学者入境采样既,你地明我讲咩啊嘛?

所以我绝对唔信李辉。
發表於 2010-9-18 16:33:50 | 顯示全部樓層
李辉条七头,佢自己做化验结果话,吴越苏浙本地人,有成就快30%既O1a(南洋东部越族),比例最高,仲高过黄河南迁既O3a3c。

苏浙人体质,明明就系偏北过广府人好多,苏浙亦系历代多个南朝既都城所在。

甘所以,有咩理由话广府人「O3绝对占优」、「O1a、O2a(南洋西部越族)极少」??
 樓主| 發表於 2010-9-19 00:11:54 | 顯示全部樓層
谁是李辉?我主要睇外国资料。我有朋友系外国CHECKED过,佢有63%
發表於 2010-9-20 21:10:12 | 顯示全部樓層
本帖最後由 潮裔 於 2010-9-20 21:18 編輯

越南人同韓國人都系用漢人姓氏,甘佢地系米都系中原漢人名人嘅後人呢?呢種只系一種無知嘅幻想者,所謂廣東人被漢化純屬吹牛,睇下上世紀四十年代末,大量難民由中原逃亡至香港,結果香港系米全部被撈化?呢啲先後逃亡到香港嘅撈人不但無使香港人被撈化,而系呢啲撈人被當地香港廣東人同化。呢個就系事實,況且廣東唔知比香港大幾多倍!所謂廣東人被漢化純系用黎同廣東人洗腦的詭計,廣東人仍系原汁原味嘅越人!並未被撈人所同化!學校裏面嘅課本全部都系用黎洗腦用嘅,書店裏面所賣嘅書又幾多唔系用黎為共匪服務去愚民嘅!?
發表於 2010-9-20 21:30:14 | 顯示全部樓層
本帖最後由 潮裔 於 2010-9-20 21:32 編輯
问题系广东嘅土著都系会繁衍嘅,而且就算历代都有中原人嚟到,但每一次嚟到广东嘅数量我觉得唔会特 ...
华广 發表於 2010-9-15 23:29



    你講得啱。 古代嘅時候,中原人都唔會中意黎廣東,因為佢地會水土不服,所以,歷朝歷代廣東都系流放中原漢人囚犯嘅地方,就算有逃亡嘅漢人亦唔會有好多人南下廣東。大量漢人南下只系近幾年嘅事,就系Dang Siu-Ping的開放政策之後,先有大量嘅漢人南下廣東打工。民國時期都好少有漢人南下,之前更加系麒麟毛角少之又少。但歷世歷代嘅中原統治者怕廣東脫離佢地,所以,一直編造謊言,特別系到左共治時期,佢地更加怕廣東獨立,所以,一直搵藉口話要打壓地方主義,黎壓制廣東。其實佢地怕廣東獨立仲怕過西藏同新疆獨立,因為廣東系佢地嘅經濟命脈。所以,佢地對撐粵語游行示威極其敏感,並迅速撲滅之。其實南越本來就系一個獨立國家,只系後來被秦始皇入侵佔領以致直到今日仲系中國嘅殖民地。
 樓主| 發表於 2010-9-20 22:38:48 | 顯示全部樓層
大量中原人來粵,古已有之,唔好系度改做歷史,呢個系全世界都知道既事實!

我撐粵還撐粵,但我首先會尊重事實,唔會為左個立場去改變、漠視事實。Dang Siu-Ping改革開放前,廣東人口已經有六千萬。
您需要登錄後才可以回帖 登錄 | 註冊

本版積分規則

粵語協會官方網站
網友發帖之言論,純屬個人意見,與本會立場無關

手機版|Archiver|粵語協會    

GMT+8, 2017-9-23 01:00 , Processed in 0.383219 second(s), 23 queries .

Copyright © 2003 - 2016 Cantonese Association. All Rights Reserved. 粵語協會 版權所有

快速回復 返回頂部 返回列表