一些歇后语

阿牛

1. 邓[戥]穿石——陪衬
2. 波罗鸡——靠黐 【注：专门占便宜】
3. 蚕虫师爷——作茧自缚
4. 疍家鸡见水——得个望 【注：可望不可得】
5. 倒挂腊鸭——油嘴滑舌
6. 生虫拐杖——靠唔住 【注：靠不住】
7. 塘底杙（读「亦」）——水干才见 【注：没钱才出现的朋友】
8. 骑牛遇亲家——出丑偏遇熟人
9. 冇尾飞堶——不知去向，无影无踪
10.姜太公封神——漏咗自己 【注：漏了自己】
11.八仙过海——各显神通
12.牛头唔对（/不搭）马嘴——唔啦搭，唔啦更 【注：无相干，毫无关联】
13.鸡食放光虫——心知肚明
14.二打六——未够斤两
15.打烂沙盆——问[璺]到笃 【注：问到底】
16.贼佬试沙煲——试下先
17.朱义盛——流嘢 【注：假的，假货】
18.卖鱼佬洗身——无晒声[腥]气 【注：没了希望】
19.黄皮树了哥——唔熟唔食 【注：专拣熟人来骗】
20.过后媒人秋后扇——无人过问，扔一边
21.裁缝度身——有分寸
22.狗咬吕洞宾——不识好人心
23.寿星公吊颈——嫌命长
24.檐边（/檐篷/瓦檐）狮子——恶到尽
檐边（/檐篷/瓦檐）狮子——叻到抆，叻极有限 【注：好不到哪里去】
25.依样画葫芦——有样学样
26.骑牛揾马——守住先，做住先
27.扭纹柴——难搞掂 【注：难对付】
28.牛嚼牡丹——唔识花共草 【注：不知是花是草，不懂欣赏】
29.冇米粥——水汪汪 【注：无实际】
30.贴错门神——面左左 【注：互不理睬】
31.三元公土地——锡身 【注：顾命，不愿受苦】
32.死鸡撑饭盖——死顶，死撑 【注：死不认错】
33.水过鸭背——唔装载 【注：没在意，白费工夫】
34.市桥蜡烛——假细心[芯]
35.神仙过铁桥——包稳阵 【注：万无一失】
36.秋蝉跌落地——冇晒声 【注：（在一些场合）不敢吱声，门口狗】
37.乌蝇褛马尾——一拍两散
38.隔山买牛——靠撞彩 【注：靠碰运气】
39.生骨大头菜——纵[种]坏 【注：宠坏，惯坏】
40.猪笼入水——道道嚟 【注：处处来，财源广进】
41.水瓜打狗——唔见咗一截 【注：不见了一截】
42.单料铜煲——一滚就熟 【注：一下子就混熟】
43.掘尾龙（拜山）——搅风搅雨
44.剃刀门楣——出入都刮 【注：巧立名目刮油水】
45.唔食羊肉一身臊——无端被牵连
46.床下底破柴——包撞板 【注：包碰壁】
47.湿水榄核——两头滑 【注：墙头草，见风使舵】
48.牛皮灯笼——点极都唔明 【注：怎么说都不开窍】
49.撒路溪钱——吸引死人 【注：太吸引啦】
50.指住棺材叫捉贼——冤枉死人 【注：太冤枉了】
51.番鬼佬月饼——闷极[mooncake]
52.神台猫屎——神憎鬼厌
53.生仔姑娘醉酒佬——唔要又要 【注：往往有第二次，口头说不会但仍然再犯】
54.铜银买病猪——两家偷欢喜
55.电灯胆——唔通气 【注：不识趣】
56.木筲箕——滴水不漏
57.屎坑（/凼）关刀——文[闻]又唔得，武[舞]又唔得 【注：文武都不行】
58.跪地喂（/戏[饩]）猪乸——睇钱份上 【注：看在钱的份上】
59.二叔公割禾——望下截 【注：看下一部分，指望以后】
60.牛唔饮水点揿得牛头低——除非自愿啦 【注：不能勉强的】
61.断柄锄头——冇揸拿 【注：无把握】
62.陈家全——走人
本篇文章来源于 我爱粤语|www.52yueyu.com 原文链接：http://www.52yueyu.com/htm/1/483.html

何生

其實粤語區一直都冇用「歇後語」呢個詞，我哋仍然係用「謁後語」呢個古老啲嘅詞，意思係一樣不過口講嘅時候從來都唔會講「歇（hit3）後語」，係會講「謁（kit3）後語」。

外外星人

其實粤語區一直都冇用「歇後語」呢個詞，我哋仍然係用「謁後語」呢個古老啲嘅詞，意思係一樣不過口講嘅時候從來都唔會講「歇（hit3）後語」，係會講「謁（kit3）後語」。
何生 發表於 2010-9-5 10:18

    我阿媽個女都講過

Chitano

我阿媽個女都講過
外外星人 發表於 2010-9-5 10:23

咁未即係你個…………

阿牛

回覆 2# 何生


   唔该

外外星人

咁未即係你個…………
Chitano 發表於 2010-9-5 11:02

    http://bbs.cantonese.asia/viewthread.php?tid=10343

肥腯腯

唔该晒