【广州日报】出咗两广「咽喉」 白话开始「无味」

紮那魯剛多

大洋新闻 时间: 2009-09-22 来源: 广州日报 作者: 邓柱峰
西游珠江记

　　第2 篇

　　本报讯 （特派记者邓柱峰摄影报道）出咗「大西关」云浮之后，记者跟住采访团进入广西，头一站系广东人好熟悉嘅「小香港」梧州，呢度嘅市民多数都系珠三角移民的后代，「同声同气」分外亲切。不过，进入贵港之后，粤方言已经到咗濒临保护阶段。
梧州：

　　「广味」不减 雄心勃勃

　　两广咽喉梧州，同肇庆封开一山之隔，同在西江北岸，佛山人对呢个城市嘅熟悉程度分分钟超过大部分省内城市。咁又难怪，毕竟清末民初时期，好多佛山人沿住西江去梧州揾食，比如罗村人去搞牛皮生意，禅城人去搞药材生意等。有好多广佛人留咗喺当地落地生根，于是呢度成咗广东系省外嘅一个文化飞地，多数外地人去咗梧州都以为仲喺广东。

　　讲番依家嘅梧州，特色嘅广东建筑、小食依旧，而且呢度嘅市民竟然同我哋一样，睇珠江台、翡翠台、本港台，真系「广味」不减，对广府文化认同感相当强烈。

贵港：

　　「90后」无几个识讲白话

　　广东人有句俗话，「过咗一座山就换咗一种音」，过咗藤县进入贵港后，就发现呢个城市有一个最大的特色，就系粤-桂-中原文化碰撞融合激烈。点解咁讲？听下当地人讲乜话就知喇。

　　「靓女，唔该电梯系边呢？」到咗酒店大堂，记者用白话咨询大堂服务员。

　　「能不能讲普通话？」服务员回应。

　　「你不是贵港人么？怎么听不懂我说什么？」无奈之下，记者用普通话同巨讲。

　　「呵呵，我爸爸妈妈就会说白话，我不大会呢！」服务员回答说。

　　奇怪，以前睇书话贵港都系粤方言区，点解有当地人唔识讲白话？记者即刻上网查下究竟发生咩事。原来，近年由于政治经济文化等原因，港口城市贵港会聚了全国各地商人，普通话已经成为当地主流语言，呢一点好似我哋嘅深圳。

　　记者同当地交通部门一个「老贵港」交流知道，如今16岁以上嘅贵港后生会讲贵港话，但好多地道的字词基本读唔准，而城区嘅「80后」讲贵港话时要用普通话辅助交流。而「90后」嘅城区学生仔多用普通话交流，无几多个识讲白话。
从云浮到贵港

　　论城市

　　贵港演绎佛山速度

　　讲完贵港的语言变迁，都好应该向佛山市民介绍一下呢个广西最后升咗地级市。作为太平天国起义嘅策源地，石达开嘅乡下，记者一直以为呢度系一个比较偏远、闭塞嘅地方，因为从小就听历史老师讲，洪秀全跑广西搞起义，就因为呢度够山高皇帝远。

　　不过，当记者进入贵港城区后，就立即改观喇。呢个城市好「新净」，道路阔、楼距阔、绿化好，而且人流车流都相当大，酒店旅馆林立，夜市大排档热闹，生气蓬勃。

　　当地领导话比记者知，贵港1995年从玉林单列出来，升格地级市。贵港系全国内河港口10强，西南地区内河第一大港城区，经济增速广西第一，有「广西深圳」、「西江香港」嘅美誉。同佛山针对重点工作设置「金融办」、「汾江办」一样，贵港也要设置「黄金水道办」，专门负责发展港航事业，而且计划升级为正处级单位。吸引咗深圳华强、香港华润等大企业进驻。

　　「10多年前都是甘蔗地，从10多平方公里提到40多平方公里，人口也由20万升到40多万，而楼价更系从几年前嘅1800蚊一方升到3000蚊一方。」当地领导话。睇嚟，递增速度不亚于我哋佛山啊。
这又一篇游记大作，我记得之前也有一篇游记类震撼之作：


梧州——桂人粤韵今犹在 百年商埠盼复兴  

http://tieba.baidu.com/f?kz=513880109

使君子

再向西行去到百色崇左都有白话，更何况贵港呢。

唔系唔识讲，借口嚟啫，主要系因为班妹仔怕羞自卑，惊死露出自己一口「臭青」土音。

经济越落后的地方，当地方言就灭亡得越快。

梧州等地的人，依然系当地土著，不过上几代祖宗嫌自己家世「臭青」，所以先至改成「祖籍南海」「祖籍顺德」啫，事关连壮族人都咁改作。家谱哩D嘢边信得过噶。

紮那魯剛多

族谱唔信得，咁可以信乜？

使君子

信现代科学，基因检测，7月份之前去上海复旦做Y染色体单倍群检测，仲系免费阶段，你可以睇完世博之后顺路去做埋。检测结果会打印成一份档案邮寄去你屋企，或者你电子邮箱。

紮那魯剛多

你认为大陆嘅基因检测可以信几成？

使君子

啱啱同你预想中相反，前几年大陆的高等学术机构尚未公开提供基因检测服务之前，系竭力伪造数据，一味强调「南北汉族父系高度同源」。

哩两年，自从有外国学者参与研究之后（要多谢台湾同胞同埋东南亚班侨民啊），大陆机构开始转口风，逐渐承认个体之中存在好多「未知成分」。

放心，STR数据唔会呃你的，亲子鉴定中心都系靠对比你同你老豆Y染色体的十几条STR数据，睇下有无出入。只要你拿着检测数据的STR，上去外国的Y染色体资料库网站查一查，就好容易揾到同自己最接近的单倍群类型。